SKIN Care tips:સ્વિમિંગ દરમિયાન આ વાતોનું ખાસ રાખો ધ્યાન, નહિ તો સ્કિન થઇ જશે ટેન

ઉનાળામાં શરીરને ઠંડક આપવા માટે પાણીથી શ્રેષ્ઠ બીજું કંઈ નથી. આવી સ્થિતિમાં, મોટાભાગના લોકો સ્વિમિંગ પૂલ અથવા વોટર પાર્કમાં કલાકો પસાર કરવાનું પસંદ કરે છે જો કે સ્કિન ટેનની ચિંતા રહે છે.

Swimming

ગરમી વધી રહી હોવાથી લોકો સ્વિમિંગ પુલ અને વોટર પાર્કમાં કલાકો ગાળતા જોવા મળી રહ્યા છે. ઉનાળામાં આ બંને વસ્તુઓનો ક્રેઝ બાળકોથી લઈને વડીલો સુધી દરેકમાં જોવા મળી રહ્યો છે. ઉનાળામાં શરીરને ઠંડક આપવા માટે પાણીથી શ્રેષ્ઠ બીજું કંઈ નથી. આવી સ્થિતિમાં, મોટાભાગના લોકો સ્વિમિંગ પૂલ અથવા વોટર પાર્કમાં કલાકો પસાર કરવાનું પસંદ કરે છે, જેથી શરીરને ઠંડક મળે અને મનને પણ શાંતિ મળે. પાણીમાં કલાકો ગાળવાની મજા આવે છે, પરંતુ સાથે જ ત્વચાને સજા પણ થાય છે, જેનું સૌથી મોટું કારણ છે ક્લોરિન. હા, સ્વિમિંગ પૂલના પાણીમાં ક્લોરિનનું પ્રમાણ ખૂબ જ વધારે હોય છે, જે ત્વચા માટે ખૂબ જ નુકસાનકારક સાબિત થાય છે. સ્વિમિંગ દરમિયાન સ્કિન ટેનથી કેવી રીતે બચવું સમજીએ

સનસ્ક્રિન લગાવો

સનસ્ક્રીન સૂર્યના કિરણોથી રક્ષણ આપે છે. આવી સ્થિતિમાં, લોકો ઉનાળામાં બહાર જતા પહેલા સનસ્ક્રીન લગાવે છે, જેથી સૂર્યના કિરણો તેમની ત્વચાને નુકસાન ન પહોંચાડી શકે. આવી સ્થિતિમાં સ્વિમિંગ પૂલમાં જતાં પહેલાં પણ વોટરપ્રૂફ સનસ્ક્રીન લગાવો. વાસ્તવમાં, વોટરપ્રૂફ સનસ્ક્રીન માત્ર સૂર્યના કિરણોથી જ નહીં પરંતુ ક્લોરિનવાળા પાણીથી પણ ત્વચાનું રક્ષણ કરે છે.

સ્વિમિંગ પુલ જતાં પહેલા અને બાદ નાહી લો

સ્વિમિંગ પૂલમાં જતાં પહેલાં ત્વચાના કોષોને હાઇડ્રેટેડ રાખવા ખૂબ જ જરૂરી છે. આવી સ્થિતિમાં, કોષોને હાઇડ્રેટ રાખવા માટે સ્નાન કરો, જેથી જ્યારે તમે ક્લોરિનવાળા પાણીમાં પગ મુકો ત્યારે તમારી ત્વચાના કોષો શુષ્ક નહીં પરંતુ હાઇડ્રેટેડ હશે, જેનાથી ક્લોરિન પાણીની વિપરીત અસર ઓછી થઇ જાય  છે, . . આવી સ્થિતિમાં સ્વિમિંગ પૂલમાંથી બહાર આવ્યા પછી પણ હૂંફાળા પાણીથી સ્નાન કરવું જોઈએ. આનાથી ક્લોરિનની જે પણ અસર હશે તે દૂર થશે. સ્નાન કર્યા પછી ત્વચાને મોઇશ્ચરાઇઝ કરવાનું ન ભૂલો

અઠવાડિયામાં એકવાર બોડી મસાજ કરો

જો આપ રોજ સ્વિમિંગ એન્જોય કરવા માંગો છો તો  આવી સ્થિતિમાં, ક્લોરિન પાણીની અસરથી બચવા માટે, અઠવાડિયામાં ઓછામાં ઓછા એક વખત ડીપ બોડી મસાજ કરાવો, જેથી તમારી ત્વચાને ફાયદો થશે.

 વિટામિન સીનું સેવન કરો

 જ્યારે તમે વારંવાર સ્વિમિંગ માટે જાઓ છો, ત્યારે સ્વિમિંગ પૂલનું પાણી તમારી ત્વચાને માત્ર શુષ્ક જ નથી બનાતું પરંતુ  ત્વચાનું pH લેવલ પણ ઉપર-નીચે જાય છે. આવી સ્થિતિમાં ત્વચાના પીએચ સ્તરને જાળવી રાખવા માટે વિટામિન સી લો. જો તમે વિટામિન સીનું સેવન કરવા માંગતા નથી, તો  ખાટા ફળોને ડાયટમાં સામેલ કરો. લીલા શાકભાજી ભરપૂર માત્રામાં લો

હાઇડ્રેટેડ રહો

 આખા દિવસ દરમિયાન પૂરતું પાણી પીવો કે જેથી આપની સ્કિન હાઇડ્રેઇટ  રહે.  આ રીતે હાઇડ્રેટેડ રહેવાથી તમે ક્લોરિન પાણીની અસરથી બચી શકો છો. તેથી ધ્યાનમાં રાખો કે પૂલમાં જતાં પહેલાં તમારી જાતને હાઇડ્રેઇટ રાખવા પુરતું પાણી પીવો.