Ayurvaidik Tips: આપ શિયાળામાં સૂકી અને કફયુક્ત ઉધરસથી પરેશાન છો તો આ બે વસ્તુઓનું સેવન છે રામબાણ ઇલાજ

શિયાળાની ઋતુમાં ખાંસી વારંવાર પરેશાન કરે છે. કોરોના સમયગાળા દરમિયાન ઉધરસ બેક્ટેરિયલ ચેપ, એલર્જી, સાઇનસ અથવા શરદીને કારણે આ સમસ્યા થઇ શકે છે. ઘણીવાર આપણે ઉધરસને અવગણીએ છીએ.

પ્રતીકાત્મક તસવીર

Ayurvaidik Tips:શિયાળાની ઋતુમાં ખાંસી વારંવાર પરેશાન કરે છે. કોરોના સમયગાળા દરમિયાન ઉધરસ બેક્ટેરિયલ ચેપ, એલર્જી, સાઇનસ અથવા શરદીને કારણે આ સમસ્યા થઇ  શકે છે. ઘણીવાર આપણે ઉધરસને અવગણીએ છીએ, જેના પરિણામે રોગ વધવા લાગે છે. સૂકી ઉધરસ અને કફ ઉધરસ બે પ્રકારની હોય છે. સૂકી ઉધરસ એવી છે જેમાં કફ કે લાળ ન હોય. આ ઉધરસ સામાન્ય શરદી અથવા અસ્થમાને કારણે પણ હોઈ શકે છે. સૂકી ઉધરસનું સૌથી મોટું કારણ હવામાં પ્રદૂષણ અને એલર્જી પણ હોઈ શકે છે. જ્યારે કફ ઉધરસમાં કફની સાથે મોઢામાંથી લાળ પણ આવે છે.

બંને પ્રકારની ઉધરસની સારવારની પદ્ધતિ એકબીજાથી સંપૂર્ણપણે અલગ છે, પરંતુ ઘણીવાર લોકો બંને પ્રકારની ઉધરસથી છુટકારો મેળવવા માટે એક જ ઉપાય અજમાવતા હોય છે, જે બિલકુલ ખોટું છે. જો બંને પ્રકારની ઉધરસનો એકસરખો ઈલાજ કરવામાં આવે તો કફથી છુટકારો મળતો નથી અને ખાંસી ક્રોનિક કફ બની જાય છે.

શુષ્ક ઉધરસની સારવાર

 જો તમે શુષ્ક ઉધરસથી પરેશાન છો અને આયુર્વેદિક સારવાર કરવા માંગતા હોવ તો તુલસીનું સેવન કરો. તુલસીને ઔષધીય ગુણોથી ભરપૂર જડીબુટ્ટીઓની રાણી તરીકે ઓળખવામાં આવે છે. સૂકી ઉધરસથી છુટકારો મેળવવા માટે તમે તુલસીની ચા અથવા ઉકાળો બનાવીને તેનો ઉપયોગ કરી શકો છો.

તુલસી કફમાં રાહત આપે છે. તેનું સેવન કરવાથી એલર્જી, અસ્થમા કે ફેફસાના રોગથી થતી ઉધરસમાં પણ રાહત મળે છે.

તુલસીનું સેવન કરવાથી બ્લડ શુગર લેવલ, બ્લડ પ્રેશર  લેવલ સુધરે છે. જો તમે તુલસીની ચા બનાવીને સેવન કરવા માંગતા હોવ તો એક ગ્લાસ પાણીમાં તુલસીના 6-7 પાન પલાળી રાખો અને તેને 15 મિનિટ સુધી ઉકાળો અને હૂંફાળું થયા બાદ  સેવન કરો. તુલસીની ચા તમને સૂકી ઉધરસમાં રાહત આપશે.

કફ ઉધરસની સારવાર

 જો કફ સાથે ઉધરસ આવતી હોય તો આદુ બેસ્ટ છે.  આદુનું સેવન કરો. ઔષધીય ગુણોથી ભરપૂર, આદુમાં ઘણા સક્રિય સંયોજનો છે જેમાં એન્ટીઑકિસડન્ટ ગુણધર્મો છે જે ઉધરસની સારવારમાં અસરકારક છે. આપ સૂકો આદુનો પાવડર એટલે કે સૂંઠને દૂધમાં ઉમેરીને તેને ગરમ કરીને પીવો, આ કફ  ઉધરસમાં અકસીર છે.

. આદુનું સેવન સામાન્ય શરદી અથવા ફ્લૂને કારણે થતી ઉધરસને સુધારવામાં મદદ કરે છે. તમે  30 ગ્રામ આદુના ટુકડા કરી લો અને  તેને ગરમ પાણીમાં ભેળવીને  ઓછામાં ઓછું 5 મિનિટ સુધી ઉકાળો. પાણી ઙૂંફાળું રહે બાદ તેને ઘૂંટી ધૂંટીને શાંતિથી એ રીતે પીવો કે ગળાની અંદરની સાઇડને સ્પર્શ કરીને પેટમાં ઉતરે. આ ટિપ્સ ઉધરસ કફ માટે ખૂબ જ કારગર છે.