Eye Care Tips: લેપટોપ પર કામ કરતા આંખો થાકી જાય છે? તો આ ત્રણ ચીજથી ઇન્સ્ટન્ટ મળશે રાહત

આજકાલ લેપટોપ, કમ્પ્યુટર, મોબાઇલનોઉપયોગ વધી ગયો છે, મોટાભાગના કામ તેના પર થતાં હોવાથી આંખને વધુ થાક લાગે છે. આંખની થકાવટને દૂર કરતી કેટલીક અસરકારક ટિપ્સ જાણીએ

પ્રતીકાત્મક તસવીર

home remedy for eye pain: શરીરના દરેક અંગ આમ તો કોમલ  હોય છે, પરંતુ તે બધામાં  આંખો સૌથી વધુ કોમળ અંગ છે. આજકાલ આપણે આંખથી સૌથી વધુ કામ લઇએ છીએ. જેના કારણે  લોકોને આંખની ઘણી સમસ્યાઓનો સામનો કરવો પડે છે અને લોકોએ નાની ઉંમરમાં જ ચશ્મા પહેરવાનું શરૂ કરી દીધું છે. આંખો પ્રત્યે થોડી બેદરકારી પણ ભારે પડી જાય છે.

આજના સમયમાં બાળકો હોય કે વડીલો, દરેક જણ મોબાઈલ અને લેપટોપ પર ઘણો સમય વિતાવે છે. આવી સ્થિતિમાં ઘણીવાર આંખોમાં દુખાવો થવાની સમસ્યા રહે છે. ઈલેક્ટ્રોનિક ગેજેટ્સનો વધુ પડતો ઉપયોગ આંખોને નબળી બનાવે છે, જો સમયસર કાળજી લેવામાં ન આવે તો આંખો નબળી થવા લાગે છે. જો તમે પણ મોબાઈલ અને લેપટોપના કારણે આંખના દુખાવાથી પરેશાન છો તો અહીં અમે તમને આંખના દુખાવાથી રાહત આપતા ત્રણ અસરકારક  ધરેલું ટિપ્સ બતાવીશું

આંખો માટે કાકડી

જો મોબાઈલ અને લેપટોપ પર વધુ સમય વિતાવવાને કારણે તમારી આંખોમાં દુખાવો થવા લાગ્યો હોય તો કાકડી તમને આ દર્દમાંથી તરત જ રાહત આપી શકે છે. પીડાથી છુટકારો મેળવવા માટે, તમે કાકડીની સ્લાઇસ  ફ્રિજમાં મૂકી દો. બાદ તેને આંખ પર મૂકો. આંખ પર 15થી 20 મિનિટ રહેવા દો, તેનાથી આંખની થકાવટ દૂર થશે.

આંખોની  સ્વસ્થતા માટેની અસરકારક ઘરેલું ટિપ્સ

આંખો માટે ગુલાબ જળ

ગુલાબજળ આંખો માટે પણ ફાયદાકારક છે. ગુલાબજળ તમને આંખના દુખાવા અને સોજાથી છુટકારો અપાવી શકે છે. આ માટે કોટન પેઇડ પર ગુલાબજળના 2-2 ટીપાં નાખો અને તે પેડને આંખ પર મૂકો  થોડો સમય  રહેદો તેનાથી આંખોનો થાક ઉતરી જશે.  આંખોમાં ખંજવાળની ​​સમસ્યા પણ ગુલાબજળના ઉપયોગથી દૂર થાય છે.

આંખો માટે બટાકા

કાકડીની જેમ બટેટા પણ આંખના થાકને દૂર કરે છે.  આ માટે સૌપ્રથમ બટાકાની સ્લાઇસ  કાપીને 20 મિનિટ માટે ફ્રીજમાં રાખો.  બાદ તે આંખ પર રાખો. 12થી 20 મિનિટ રહેવા દો તેનાથી આંખની થકાવટ ઓછી થશે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો