Ketogenic Diet: વજન ઘટાડવા માટે કિટો ડાયટ કરતાં લોકો સાવધાન.. ક્યાંક થઈ ના જાય આ બીમારી

Keto Flu: કિટો ડાયેટ વજન ઘટાડવા માટે ખૂબ જ લોકપ્રિય ડાયટ છે. પરંતુ કીટો ડાયેટ ફોલો કરતી વખતે તમને આ સમસ્યા થઈ શકે છે.

પ્રતિકાત્મક તસવીર

Keto Flu: આજકાલ લોકો વજન ઘટાડવા માટે એક કરતા વધુ ડાયટ ફોલો કરી રહ્યા છે. કેટલાક વિગન ડાયટ તો કેટલાક મેડિટેરિયન ડાયટ ફોલો કરી રહ્યા છે. કોઈ લો કાર્બ તો કોઈ પાલીયો ડાયટ પર હોય છે. આમાંથી જ એક ડાયટ છે કિટો ડાયટ. જે વજન ઘટાડવા માટે ખૂબ જ અસરકારક આહાર માનવામાં આવે છે. કિટો આહાર કેટોજેનિક આહાર તરીકે પણ ઓળખાય છે. આ એક ઉચ્ચ ચરબીયુક્ત આહાર છે. જો કે, એક નવા અભ્યાસમાં  આ આહારની કેટલીક આડઅસર પણ બહાર આવી છે. એવું કહેવામાં આવ્યું છે કે જ્યારે પણ લોકો પોતાનું વજન ઘટાડવા માટે કિટો દૈનિક આહાર લેવાનું શરૂ કરે છે, ત્યારે શરૂઆતના થોડા અઠવાડિયામાં જ વ્યક્તિમાં ફ્લૂ જેવા લક્ષણો દેખાય છે.

ફ્લૂ કીટો ડાયેટની આડ અસરોને કારણે થાય છે

Frontiers in Nutrition નામની જર્નલમાં કીટો ડાયેટની આડ અસરોને કીટો ફ્લુ નામ આપવામાં આવ્યું છે. જ્યારે તમે કિટો ડાયેટ પર હોવ ત્યારે તમને પહેલા 7 દિવસમાં ફ્લૂ જેવા લક્ષણો જોવા મળે છે. આ લક્ષણો 4 અઠવાડિયા પછી ધીમે ધીમે ઓછા થઈ જાય છે. કીટો આહારમાંથી ફલૂના અહેવાલો એકસરખા જ રહે છે, પરંતુ તેમાં થાક, ઉબકા, ચક્કર, ઊર્જા ગુમાવવી, મૂર્છા અને હૃદયના ધબકારામાં ફેરફાર જોવા મળે છે. જો કે જેમ જેમ વ્યક્તિ આ આહારની આદત પામે છે તેમ તેમ તેની આડઅસર તેની જાતે જ ઓછી થઈ જાય છે.

કિટો આહારની આડઅસરો

તે જ સમયે કેટલાક ડોકટરો માને છે કે કિટો આહાર ઝડપી વજન ઘટાડવાનું કારણ બની શકે છે. પરંતુ તે ઉચ્ચ ચરબીવાળા ખોરાકના વપરાશને પ્રોત્સાહિત કરે છે, જે હૃદય રોગની શક્યતા વધારે છે. કિટો અથવા કેટોજેનિક આહારના કેટલાક ફાયદા અને ગેરફાયદા પણ છે. જેના કારણે પૂરતા પ્રમાણમાં ફાઈબર અને પોષક તત્વો ઉપલબ્ધ નથી. ઓછું કાર્બોહાઇડ્રેટ લેવાથી તેની અસર સીધી પાચન તંત્ર પર પડે છે. જેના કારણે પાચન સંબંધી સમસ્યાઓનો સામનો કરવો પડી શકે છે.કબજિયાતની સમસ્યા રહે છે. સ્નાયુઓમાં અકડાઈ, તાણ, થાક જેવી સમસ્યાઓ થઈ શકે છે.

કિટો ફ્લૂને કેવી રીતે દૂર કરવું

હાઇડ્રેટેડ રહેવાથી તમારા શરીરમાંથી ઝેરી તત્વો કરવામાં અને કીટો ફ્લૂના લક્ષણો ઘટાડવામાં મદદ મળી શકે છે.

કિટો આહારમાં તમારા શરીરને વધુ મીઠાની જરૂર હોય છે, તેથી ખાતરી કરો કે તમે પૂરતા પ્રમાણમાં મીઠાનું સેવન કરો છો.

જો તમે કીટો ડાયેટ પર છો તો તમારે પૂરતી ઊંઘ લેવી જ જોઈએ.

Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો