Skin Care : ગ્લોઇંગ સ્કિન માટે બસ સતત 7 દિવસ ફોલો કરો આ ટિપ્સ, ત્વચાના નિખાર માટે કારગર છે નુસખો

જો તમે ઉનાળાની ઋતુમાં ખીલેલા રહેવા માંગતા હોવ તો અમે તમારા માટે આવી જ 7 ટિપ્સ લાવ્યા છીએ, જે ચોક્કસથી તમારી સ્કિનને ગ્લોઇંગ બનાવશે

summer skin care tips

જો તમે ઉનાળાની ઋતુમાં ખીલેલા રહેવા માંગતા હોવ તો અમે તમારા માટે આવી જ 7 ટિપ્સ લાવ્યા છીએ, જે ચોક્કસથી તમારી ત્વચાને ચમકદાર બનાવશે

ઉનાળામાં તત્વચાને ચમકદાર, દાગ વગરની અને સુંદર દેખાવા માટે ત્વચાની અલગ રીતે કાળજી લેવી જરૂરી છે જેથી કરીને ત્વચાને તડકાથી બચાવી શકાય અને  સ્કિનનો ગ્લો યથાવત રહે.  આ ઋતુમાં જો તમે કેટલીક મહત્વની બાબતોનું ધ્યાન રાખશો તો તમારા ચહેરા પર સંપૂર્ણ નિખાર આવશે. તે કેવી રીતે? ચાલો શોધીએ 

ગો ગ્રીન

 ઋતુમાં લીલા શાકભાજી ખાઓ પાંદડામાં હાજર વિટામિન C, A અને E ત્વચાને બેક્ટેરિયાથી બચાવે છે.તેમાં હાજર એન્ટિ-ઓક્સિડન્ટ્સ તમને નવી ત્વચાના નિર્માણમાં મદદ કરે છે અને ઉનાળામાં તડકાથી તમારું રક્ષણ કરે છે

ક્લિન અપ

રાત્રે ક્યારેય ચહેરો સાફ કર્યા વગર સૂઈ જશો નહીં. રાત્રે સ્કિનને રિપેર થવાનો સમય મળે છે.  જેમ ઊંઘ તમારા મનને તાજગી આપે છે, તેમ ત્વચા માટે ઊંઘ પણ એટલી જ જરૂરી છે. સૂવાથી ત્વચા યંગ બને છે. તમે સૂતા પહેલા તમારા ચહેરા પર જે પણ લગાવો છો,  તે તેના  માટે  ખોરાકની જેમ કામ કરે છે. એટલા માટે સૂતા પહેલા તમારી ત્વચા અનુસાર સારી નાઈટ ક્રીમનો ઉપયોગ કરો.

સ્કિનને  હાઇડ્રેટ રાખો

ઉનાળાની ઋતુમાં પોતાને હાઇડ્રેટેડ રાખવું ખૂબ જ જરૂરી છે. કારણ કે જો શરીરમાં તેની ઉણપ હોય તો આપણે ડીહાઇડ્રેટ થઈ શકીએ છે. જો શરીરમાં પાણીની ઉણપ હોય તો આપણને સનબર્ન, સન સ્ટ્રોક વગેરેની સમસ્યા થઈ શકે છે. ક્યારેય ભૂલશો નહીં કે સ્વસ્થ અને સ્વચ્છ શરીર અને ત્વચા માટે સ્વચ્છ પાણી શ્રેષ્ઠ ઉપાય છે.

સૂર્ય સ્નાન

ઉનાળામાં થોડી મિનિટો માટે સન બાથ અવશ્ય લેવું જોઈએ, પરંતુ તડકામાં બહાર જતા પહેલા ચહેરા, ગરદન અને પગ પર SPF ક્રીમ લગાવવાનું ભૂલશો નહીં. SPF સાથે, તમારા ચહેરા પર કરચલીઓ નહીં પડે અને તમે પિગમેન્ટેશન, ત્વચાના કેન્સર વગેરેથી બચી શકશો.

મોઇશ્ચરાઇઝ કરો

આ સિઝનમાં તમે તમારી ત્વચા પર બદામના તેલનો ઉપયોગ કરી શકો છો, જો તમારી ત્વચા ખૂબ જ તૈલી છે તો તમે ફેસ પેક તરીકે બેબી ઓઈલનો ઉપયોગ કરી શકો છો. આ સમયે ફેસ પેક તમારા માટે શ્રેષ્ઠ ઉપાય હશે. જો તમારી ત્વચા તૈલી હોય, તો તમારા ચહેરાને હળવાશથી મોઇસ્ટ કરો અને એક કલાક કરતાં ઓછા સમયમાં ટીશ્યુની મદદથી બેબી ઓઇલ કાઢી નાખો. જો તમારી ત્વચા સામાન્ય અથવા શુષ્ક છે, તો તમે તેના પર બદામનું તેલ થોડો વધુ સમય માટે રાખી શકો છો.

શાવર 

ઉનાળામાં લાઇટ શોપ ફેશવોસનો ઉપયોગ કરવો જોઇએ. આપ એસેંશિયલ ઓઇલથી પણ નાના –નાના બાથ દિવસમાં બે વાર કરી શકો છો,. જરૂરી નથી કે તમે આ માટે બહુ મોંઘા તેલનો ઉપયોગ કરો, તમે ઇચ્છો તો કોઇપણ પેટ્રોલિયમ જેલી, ગ્લિસરીન કે મિનરલ ઓઇલનો પણ ઉપયોગ કરી શકો છો.

 એલોવેરા

એલોવેરા આપણી ત્વચા માટે ખૂબ જ ફાયદાકારક છે, તેની તાસીર ઠંડી છે  તેથી ઉનાળાની ઋતુમાં એલોવેરાથી ત્વચાના ઠંડક મળે છે. એલોવેરાનો સફેદ પલ્પ લગાવો અને થોડી વાર બાદ સ્કિન ધોઇ લો.  આ ટિપ્સ નિયમિત ખાસ કરીને ગરમીમાં કરવાથી ત્વચાને શીતળતા મળશે અને ચહોર ખીલી ઉઠશે.

Disclaimer : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABP અસ્મિતા  કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.