Ovary Cyst: શું હોય છે ઓવેરિયન સિસ્ટ, પોપ સિંગર જસ્ટિન બીબરની પત્ની આવી ચપેટમાં

સિસ્ટ સામાન્ય રીતે ખતરનાક હોતી નથી, પરંતુ જો તેનું કદ સતત વધી રહ્યું હોય અથવા વારંવાર ઓપરેશન કરવા છતાં તે ફરી થતી હોય તો તે જીવલેણ બની શકે છે.

શું હોય છે ઓવેરિયન સિસ્ટ?

Ovary Cyst Symptoms: કયો રોગ કયા વ્યક્તિને ઘેરી લે છે તે જાણી શકાતું નથી. છેલ્લા બે વર્ષમાં ઘણા બોલિવૂડ સ્ટાર્સ હાર્ટ એટેકથી મૃત્યુ પામ્યા છે. ઘણા સ્ટાર્સ પણ કેન્સર જેવી ગંભીર બીમારીની ચપેટમાં આવી ગયા છે. હવે ફેમસ પોપ સ્ટાર જસ્ટિન બીબરની પત્ની અને સુપર મોડલ હેલી બીબર પણ બિમારીની ઝપેટમાં આવી ગઈ છે.

જસ્ટિન બીબરની પત્નીને અંડાશયમાં સફરજનથી મોટી સિસ્ટ

મીડિયા રિપોર્ટ્સ અનુસાર હેલી બીબરે સોશિયલ મીડિયા પર જણાવ્યું કે તેના અંડાશયમાં સફરજનના કદના સિસ્ટ છે. ચાહકો સમજી શકે છે કે તેણી કેવી પીડામાંથી પસાર થઈ રહી છે. તેણીને એન્ડોમેટ્રિઓસિસ અથવા પીસીઓએસ નથી પરંતુ આ સામાન્ય સિસ્ટ છે. આ સિસ્ટ ઉબકા, પેટનું ફૂલવું, ચીડિયાપણું અને ભાવનાત્મક ફેરફારોનું કારણ બને છે.

અંડાશય સિસ્ટ શું છે

ડોકટરોના મતે સિસ્ટ એક પ્રકારની ગાંઠ છે. સામાન્ય રીતે આ બિન-કેન્સર હોય છે. પરંતુ જો ઓપરેશન કરી તેને વારંવાર છંછેડવામાં આવે તો કેન્સર થઈ શકે છે. આ સિસ્ટ નાની હોય ત્યારે જ તેની સારવાર શરૂ કરી દેવામાં આવે છે નહી તો તે મોટી થવા લાગે છે. ડૉક્ટરોએ જણાવ્યું કે સામાન્ય રીતે આ સિસ્ટથી કઈ નુકસાન થતું નથી. તેના કોઈ લક્ષણો પણ દેખાતા નથી. જો કે કેટલીકવાર તે સારવાર વિના અથવા સામાન્ય સારવારથી ઠીક થઈ જાય છે. ઘણી વખત તેમને ઓપરેશન દ્વારા બહાર કાઢવામાં આવે છે. ગાંઠ નાની સિસ્ટના આકારમાં હોય છે. તે પાણી અથવા ચરબીથી બનેલી હોય છે. કેટલીકવાર તે બંને અંડાશયમાં થાય છે. ક્યારેક સારવાર ન કરવામાં આવે તો તે જીવલેણ બની જાય છે.

કેવા હોય છે લક્ષણો?

અંડાશયના સિસ્ટના લક્ષણો વિશે વાત કરીએ તો વારંવાર પેશાબ થવો, પેલ્વિક વિસ્તારમાં હળવો દુખાવો, શૌચ કરવામાં મુશ્કેલી, પેટ ફૂલવું, ભૂખ ન લાગવી, ચક્કર અને ઉલટી થવી, પેટની આસપાસ સોજો આવવો, સગર્ભા થવામાં મુશ્કેલી થવી. બ્રેસ્ટમાં પેઇન થવું. ડૉક્ટર્સનું કહેવું છે કે સામાન્ય રીતે સિસ્ટ થવાનો કોઈ ભય નથી. પરંતુ એવું નથી કે સિસ્ટ ખતરનાક નથી. જો લાંબા સમય સુધી સારવાર ન કરવામાં આવે તો ક્યારેક તે જીવલેણ બની જાય છે. એટલા માટે જો તમને કોઈ લક્ષણો દેખાય તો તરત જ સારવાર કરાવો