Accident: અમદાવાદ-વડોદરા એક્સપ્રેસ હાઇવે પર ગોઝારો અકસ્માત, 10નાં મોત

Accident: અમદાવાદ- વડોદરા એક્સપ્રેસ હાઇવે પર અકસ્માતમાં 10 લોકોના મોત થયા હતા

અમદાવાદ-વડોદરા એક્સપ્રેસ હાઇવે પર ભયાનક અકસ્માત થયો હતો.

Accident: અમદાવાદ- વડોદરા એક્સપ્રેસ હાઇવે પર અકસ્માતમાં 10 લોકોના મોત થયા હતા. નડિયાદ પાસે ટ્રેલરની પાછળ કાર ઘૂસી જતા 10 લોકોના મોત થયા હતા. કાર વડોદરાથી અમદાવાદ તરફ જતી હતી. 108ની ટીમ ઘટનાસ્થળે પહોંચી હતી. 

કાર વડોદરાથી અમદાવાદ તરફ જઇ રહી હતી ત્યારે  અકસ્માત થયો હતો. અકસ્માતને પગલે વડોદરા-અમદાવાદ એક્સપ્રેસ હાઈવે પર ટ્રાફિકજામ થયો હતો. અકસ્માત એટલો ભયાનક હતો કે અર્ટિગા કારના પતરા કાપીને મૃતદેહો બહાર કાઢવા પડ્યા હતા.

એક્સપ્રેસ વે પર ટેન્કરની પાછળ કાર ઘૂસી જતાં કારમાં સવાર આઠ લોકોના ઘટનાસ્થળે જ્યારે બે લોકોના સારવાર દરમિયાન મૃત્યુ થયા હતા. અર્ટીગા કાર વડોદરાથી અમદાવાદ તરફ આવી રહી હતી. તે દરમિયાન નડિયાદ પાછળ બગડેલા ટેન્કર પાછળ ઘૂસી જતા આ ગોઝારો અકસ્માત સર્જાયો હતો. અકસ્માતગ્રસ્ત કાર અમદાવાદ પાસિંગની છે તેનો નંબર GJ27 EC 2578 છે.પોલીસે મૃતકોની ઓળખ મેળવવા માટે કારના નંબર અને આધારકાર્ડની વિગતના આધારે તપાસ શરૂ કરી છે.

મૃતકો અમદાવાદ, વડોદરા અને નડિયાદના રહેવાસી હતા. કાર ટેક્સી પાસિંગની ન હતી તેમ છતાં તેમાં મુસાફરોને બેસાડાતા હતા. કારની ક્ષમતા સાત લોકોની હતી, તેમ છતાં તેમાં ડ્રાઈવર સહિત 10 લોકો બેઠા હતા. RTO પ્રશાસન પણ આવા વાહનચાલકો સામે કોઈ કાર્યવાહી કરતું નથી જેના પરિણામે અવારનવાર આવા અકસ્માતો સર્જાય છે.

abp અસ્મિતાની ટીમે અમદાવાદ અને રાજકોટમાં રિયાલિટી ચેક કર્યું તો ખાનગી પાસિંગની કારમાં બેરોકટોક મુસાફરો બેસાડવામાં આવતા હતા. વધુમાં વધુ ફેરા કરવાના ચક્કરમાં મુસાફરોના જીવને જોખમમાં મુકવામાં આવે છે

દ્વારકા પોરબંદર હાઇવે પર ફોર વ્હીલ અને બાઇક વચ્ચે ગંભીર અકસ્માતમાં બે યુવકોના મોત થયા હતા. કલ્યાણપુરના લાંબા બંદર ગામના બાયપાસ રોડ પર મોડી રાત્રે ગમખ્વાર અકસ્માત સર્જાયો હતો. બાઇક પર સવાર બંન્ને યુવકોના મોત થયા હતા. બંન્ને મૃતક યુવકો લાંબા ગામની ખાનગી સ્કૂલમાં શિક્ષક તરીકે ફરજ બજાવતા હતા.                                                                                                 

વલસાડના પારડી નેશનલ હાઈવે પર ગંભીર અકસ્માતમાં બેના મોત થયા હતા. પારડીના દમણી ઝાંપા ખાતે નેશનલ હાઇવે પરથી ટ્રક સર્વિસ રોડ પર ધસી આવ્યો હતો. ટ્રકે પંચરના દુકાનદાર સહિત બેને કચડયા હતા. પંચર બનાવનારનું ઘટના સ્થળે મોત થયું હતું જ્યારે અન્ય સ્થાનિકને 108 ની મદદથી હોસ્પિટલ ખસેડાયો હતો. પારડી પોલીસે ટ્રકચાલકની ધરપકડ કરી હતી.