ગુજરાતમાં કોરોનાનો કાળો કેરઃ છેલ્લા સાત દિવસમાં નોંધાયા 6996 કેસ, 166 લોકોના મોત

ગુજરાતમાં છેલ્લા સાત દિવસમાં 5784 લોકોએ કોરોનાને મ્હાત આપી છે. છેલ્લા એક અઠવાડિયામાં ગુજરાતમાં કોરોનાના એક્ટિવ કેસોમાં 1046નો વધારો નોંધાયો છે.

અમદાવાદઃ ગુજરાતમાં કોરોનાના કેસો સતત વધી રહ્યા છે. એટલું જ નહીં, છેલ્લા ત્રણ દિવસથી તો કોરોનાના કેસો એક હજારને પાર થઈ ગયા છે. છેલ્લા એક જ અઠવાડિયામાં કોરોનાના 6996 કેસ નોંધાયા છે. જ્યારે એક અઠવાડિયામાં 166 લોકોના કોરોનાથી મોત થયા છે. જોકે, છેલ્લા સાત દિવસમાં 5784 લોકોએ કોરોનાને મ્હાત આપી છે. છેલ્લા એક અઠવાડિયામાં ગુજરાતમાં કોરોનાના એક્ટિવ કેસોમાં 1046નો વધારો નોંધાયો છે. નોંધનીય છે કે, હાલ, અમદાવાદમાં કોરોના એક્ટિવ કેસો સૌથી વધુ અમદાવાદમાં છે. આ પછી સુરત બીજા સ્થાને આવે છે. જોકે, સુરત છેલ્લા કેટલાક દિવસોથી કોરોનાનું એપી સેન્ટર બન્યું છે અને રાજ્યમાં સૌથી વધુ કેસો આવી રહ્યા છે. ગુજરાતમાં હાલ, કોરોનાના કુલ 12,247 એક્ટિવ કેસો છે. જ્યારે ગુજરાતમાં અત્યાર સુધીમાં 37,978 લોકોએ કોરોનાને મ્હાત આપી છે. તેમજ અત્યાર સુધીમાં કુલ 2252 લોકોના મોત થયા છે.

Date	Case	Discharge	Death
23-07-2020	1078	718	28
22-07-2020	1020	837	28
21-07-2020	1026	744	34
20-07-2020	998	777	20
19-07-2020	965	877	20
18-07-2020	960	1061	19
17-07-2020	949	770	17
Total	6996	5784	166