કોરોનાના કહેર વચ્ચે ગુજરાતીઓ માટે મોટા રાહતના સમાચાર? જાણીને થઈ જશો ખુશ

ગુજરાતમાં હાલ, કોરોનાનો રિકવરી રેટ 78.40 ટકા છે. એટલું જ નહીં, જ્યાં કોરોનાનું સૌથી વધુ સંક્રમણ છે, એવા અમદાવાદ અને સુરતમાં પણ સ્થિતિ થોડી કંટ્રોલમાં જોવા મળી રહી છે.

અમદાવાદઃ ગુજરાતમાં કોરોનાના કેસો સતત વધી રહ્યા છે. દૈનિક કેસો હજારને પાર થઈ ગયા છે. આ બધાની વચ્ચે ગુજરાતના લોકો માટે મોટા રાહતના સમાચાર આવ્યા છે. રાહતના સમાચાર એ છે કે ગુજરાતમાં કોરોનાથી સ્વસ્થ થવાનો રેસિયો ઉત્તરોત્તર વધી રહ્યો છે. જેને કારણે નવા કેસો આવવા છતાં એક્ટિવ કેસો કંટ્રોલમાં છે. ગુજરાતમાં હાલ, કોરોનાનો રિકવરી રેટ 78.40 ટકા છે. એટલું જ નહીં, જ્યાં કોરોનાનું સૌથી વધુ સંક્રમણ છે, એવા અમદાવાદ અને સુરતમાં પણ સ્થિતિ થોડી કંટ્રોલમાં જોવા મળી રહી છે. કારણ કે, આ બંને જિલ્લાઓમાં પણ દર્દીઓ ઝડપથી રિકવર થઈ રહ્યા છે. જેને કારણે અહીં પણ એક્ટિવ કેસો કંટ્રોલમાં છે. ગઈ કાલની જ વાત કરીએ તો 17મી ઓગસ્ટે 1033 નવા કેસ આવ્યા હતા. જેની સામે 1083 દર્દીઓએ કોરોનાને મ્હાત આપી હતી. આમ, નવા આવેલા કેસો કરતાં રિકવર થનારા દર્દીઓની સંખ્યા વધુ હતી. આવી જ રીતે સુરત કોર્પોરેશનમાં 168 કેસ નોંધાયા હતા, જેની સામે 298 લોકોએ કોરોનાને મ્હાત આપી હતી. અમદાવાદ કોર્પોરેશનમાં 145 કેસ નોંધાયા હતા, જેની સામે 165 દર્દીઓ રિકવર થયા હતા.