1 December New Rules: પેન્શનથી લઈને ગેસ સિલિન્ડર સુધી... 1 તારીખથી બદલાઈ જશે આ 5 મોટા નિયમો, તમારા ખિસ્સા પર પડશે સીધી અસર
New Financial Rules 2025: 30 November સુધીમાં પતાવી લો આ કામ નહીંતર અટકી જશે પેન્શન અને લાગશે દંડ; હવાઈ મુસાફરી અને LPG ના ભાવમાં પણ ફેરફારના એંધાણ.
New Financial Rules 2025: વર્ષના અંતિમ મહિનાની શરૂઆત સાથે જ સામાન્ય માણસના જીવન પર અસર કરતા અનેક આર્થિક નિયમોમાં ફેરફાર થવા જઈ રહ્યા છે. 1 December, 2025 થી લાગુ થનારા આ ફેરફારો તમારા ઘરના બજેટ, પેન્શન અને ટેક્સ પ્લાનિંગને સીધી અસર કરશે. એક તરફ સરકારી કર્મચારીઓ અને પેન્શનરો માટે 30 November ની ડેડલાઈન મહત્વપૂર્ણ છે, તો બીજી તરફ ગેસ સિલિન્ડર અને હવાઈ મુસાફરીના ભાવમાં વધઘટની શક્યતા છે. જો તમે સમયસર જરૂરી દસ્તાવેજો સબમિટ નહીં કરો, તો પેન્શન અટકી શકે છે અથવા દંડ ભરવો પડી શકે છે. આ અહેવાલમાં અમે તમને એવા 5 મોટા ફેરફારો વિશે જણાવીશું જે તમારે મહિનાની શરૂઆત પહેલાં જાણવા અત્યંત જરૂરી છે.
1. UPS માં શિફ્ટ થવાની છેલ્લી તક (30 November Deadline)
કેન્દ્ર સરકારના કર્મચારીઓ માટે 'યુનિફાઈડ પેન્શન સ્કીમ' (UPS) પસંદ કરવા માટેની સમયમર્યાદા પૂરી થવા આવી છે. જે કર્મચારીઓ વર્તમાન NPS (નવી પેન્શન સ્કીમ) માંથી UPS માં શિફ્ટ થવા માંગે છે, તેમની પાસે અરજી કરવા માટે હવે 30 November સુધીનો જ સમય છે. કર્મચારીઓએ CRA પોર્ટલ પર જઈને પોતાની પસંદગી આપવી પડશે. જો તમે આ તારીખ ચૂકી જશો, તો તમારે આ વિન્ડો ફરી ખુલે ત્યાં સુધી રાહ જોવી પડશે, જે તમારા ભવિષ્યના આયોજનને અસર કરી શકે છે.
2. પેન્શનરો માટે 'લાઈફ સર્ટિફિકેટ' નું અલ્ટીમેટમ
દેશના લાખો પેન્શનધારકો માટે સૌથી મહત્વનું કામ જીવન પ્રમાણપત્ર (Life Certificate) જમા કરાવવાનું છે. નિયમ મુજબ, પેન્શન ચાલુ રાખવા માટે 30 November સુધીમાં આ સર્ટિફિકેટ જમા કરાવવું ફરજિયાત છે. જો કોઈ પેન્શનર આ પ્રક્રિયા ચૂકશે, તો આવતા મહિનાથી તેમનું પેન્શન જમા થવાનું બંધ થઈ શકે છે. રાહતની વાત એ છે કે હવે બેંકમાં ધક્કા ખાવાને બદલે તમે 'જીવન પ્રમાણ' એપ અથવા પોસ્ટ ઓફિસની ડિજિટલ સેવા દ્વારા ઘરે બેઠા પણ આ કામ કરી શકો છો.
3. ટેક્સ ફાઈલિંગમાં વિલંબ પર લાગશે દંડ
કરદાતાઓ માટે પણ નવેમ્બરનો અંતિમ સપ્તાહ મહત્વનો છે. આવકવેરાના નિયમો મુજબ, કલમ 194-IA, 194-IB, 194M અને 194S હેઠળના TDS સ્ટેટમેન્ટ ફાઈલ કરવાની છેલ્લી તારીખ 30 November છે. આ ઉપરાંત, કલમ 92E હેઠળ જેમને ટ્રાન્સફર પ્રાઈસિંગ રિપોર્ટ જમા કરાવવાનો હોય છે, તેમણે પણ આ તારીખ સુધીમાં રિટર્ન ફાઈલ કરવું પડશે. ભારતમાં કામ કરતી વિદેશી કંપનીઓ માટે ફોર્મ 3CEAA સબમિટ કરવું પણ જરૂરી છે. જો આ તારીખ ચૂકી જશો, તો આવકવેરા વિભાગ તરફથી નોટિસ અને ભારે દંડનો સામનો કરવો પડી શકે છે.
4. LPG સિલિન્ડરના ભાવમાં ફેરફાર
દર મહિનાની પહેલી તારીખે ઓઈલ માર્કેટિંગ કંપનીઓ રાંધણ ગેસના ભાવની સમીક્ષા કરે છે. 1 December ના રોજ ઘરેલુ અને કોમર્શિયલ LPG સિલિન્ડરના ભાવમાં સુધારો કરવામાં આવશે. આંતરરાષ્ટ્રીય બજારમાં ક્રૂડના ભાવમાં થયેલી વધઘટને જોતા, ગેસના ભાવમાં ફેરફાર થઈ શકે છે. આ ફેરફાર તમારા રસોડાના બજેટ પર સીધી અસર કરશે. કોમર્શિયલ સિલિન્ડરના ભાવમાં તાજેતરમાં ઘટાડો થયો હતો, હવે ઘરેલુ ગ્રાહકોને રાહત મળે છે કે નહીં તે જોવું રહ્યું.
5. હવાઈ મુસાફરી થઈ શકે છે મોંઘી
ડિસેમ્બર મહિનો રજાઓ અને પ્રવાસનો હોય છે, ત્યારે મુસાફરો માટે ચિંતાજનક સમાચાર આવી શકે છે. 1 December ના રોજ એવિએશન ટર્બાઇન ફ્યુઅલ (ATF) એટલે કે વિમાન ઈંધણના ભાવની સમીક્ષા કરવામાં આવશે. જો ATF ના ભાવમાં વધારો થશે, તો એરલાઈન્સ કંપનીઓ ટિકિટના દરોમાં વધારો કરી શકે છે. આની અસર ડોમેસ્ટિક અને ઇન્ટરનેશનલ બંને પ્રકારના પ્રવાસીઓના ખિસ્સા પર પડશે.
ટોપ સ્ટોરી
ટ્રેન્ડિંગ સમાચાર
