ઈરાનમાં બંધક બનાવાયેલા ચાર ગુજરાતી અમદાવાદ પરત ફર્યા, સરકારના પ્રયાસોથી થયો તમામનો છૂટકારો
માણસા તાલુકાના ચાર લોકો અમદાવાદ એરપોર્ટ પર ઉતર્યા હતા. બાપુપુરા-બદપુરા ગામના ચાર વ્યક્તિઓનું ઈરાનમાં અપહરણ કરવામાં આવ્યું હતું.
ઈરાનમાં અપહરણ કરવામાં આવેલા ચાર ગુજરાતીઓ અમદાવાદ પરત ફર્યા હતા. માણસા તાલુકાના ચાર લોકો અમદાવાદ એરપોર્ટ પર ઉતર્યા હતા. બાપુપુરા-બદપુરા ગામના ચાર વ્યક્તિઓનું ઈરાનમાં અપહરણ કરવામાં આવ્યું હતું. બાદમાં રાજ્ય-કેન્દ્ર સરકારના પ્રયાસોથી તમામનો છૂટકારો થયો હતો. નોંધનીય છે કે 19 તારીખે આ ચારેય વ્યક્તિઓ અમદાવાદથી ઓસ્ટ્રેલિયા જવા નીકળ્યા હતા. ડંકી રૂટથી ઓસ્ટ્રેલિયા જતા ચારેય ગુજરાતીઓ મુશ્કેલીમાં મુકાયા હતા. ઈરાનમાં એજન્ટોએ ચારેયનું અપહરણ કરીને માર માર્યો હતો અને તેનો વીડિયો પરિવારજનોને મોકલ્યો હતો. ધારાસભ્ય જે.એ.પટેલે પીડિત પરિવાર સાથે મુલાકાત કરી હતી.
માણસા તાલુકાના બાપુપુરા અને બદપુરાના ચાર વ્યક્તિઓને ઑસ્ટ્રેલિયા જવાના ચક્કરમાં ઈરાનના તહેરાન શહેરમાં બંધક બનાવવામાં આવ્યા હતા. જોકે, રાહતના સમાચાર એ છે કે લાંબી જહેમત અને ખંડણી ચૂકવ્યા બાદ આ ચારેયને મુક્ત કરાવી દેવામાં આવ્યા હતા. ડંકી રૂટથી ઓસ્ટ્રેલિયા જતા ચારેય ગુજરાતીઓ મુશ્કેલીમાં મુકાયા હતા. 19 તારીખે અમદાવાદથી ઓસ્ટ્રેલિયા જવા નીકળ્યા હતા. તહેરાનથી ચારેય ગુજરાતીઓનું અપહરણ થયું હતું. એજન્ટોએ ગોંધીને રાખીને તેમને માર માર્યો હતો. ગુજરાત અને ભારત સરકારના પ્રયાસથી તમામ ચારનો છૂટકારો થયો હતો.
બાપુપુરા અને બદપુરાના ચાર વ્યક્તિઓ ઑસ્ટ્રેલિયા જવા નીકળ્યા હતા. તેમને એમિરેટ્સ એરલાઇન્સ મારફતે દિલ્હીથી થાઇલેન્ડ લઈ જવાયા, ત્યાંથી વાયા દુબઈ થઈને ઈરાનના પાટનગર તહેરાન લઈ જવાયા હતા. તહેરાનના ખામેનીની ઇન્ટરનેશનલ એરપોર્ટ પરથી જ તેમને ટેક્સીમાં બેસાડી અજાણ્યા સ્થળે (હેલી નામની હોટેલ) લઈ જવામાં આવ્યા હતા. તેહરાન એરપોર્ટ પર ઉતર્યા બાદ આ લોકોને હેલી નામની હોટલમાં લઈ જવામાં આવ્યા હતા. એવી પણ અટકળો છે કે બાબા નામના વ્યક્તિએ ઈરાનમાં તેમનું અપહરણ કર્યું હતું. અપહરણકર્તાઓએ આ યુવકોને બંધક બનાવીને ભારે શારીરિક ત્રાસ આપ્યો હતો. તેમના હાથ-પગ બાંધીને માર મારવામાં આવ્યો હતો અને ખંડણી માંગવામાં આવી હતી. આ ક્રૂરતાનો વીડિયો અપહરણકર્તાઓએ વોટ્સએપ મારફતે પરિવારજનોને મોકલ્યો હતો. આ સમગ્ર ગંભીર પ્રકરણને લઈને માણસાના ધારાસભ્ય જે. એસ. પટેલે કેન્દ્રીય ગૃહમંત્રી અમિત શાહને પત્ર લખીને તાત્કાલિક મદદ માંગી હતી.
ટોપ સ્ટોરી
ટ્રેન્ડિંગ સમાચાર
