ગુજરાતમાં આગામી પાંચ દિવસમાં કઈ જગ્યાએ કેટલા ઈંચ વરસાદ પડી શકે છે? હવામાન વિભાગે શું આપી મોટી ચેતવણી?

લો-પ્રેશરને કારણે સક્રિય થનારી સિસ્ટમ ગુજરાતમાં દક્ષિણ, પૂર્વ અને ઉત્તર ગુજરાતમાં ભારેથી અતિભારે વરસાદ વરસાવી શકે છે. આ સિસ્ટમના લીધે સૌરાષ્ટ્રના કેટલાક વિસ્તારોમાં પણ વરસાદ વરસી શકે છે.

અમદાવાદ: ગુજરાતમાં એક તરફ દક્ષિણ ગુજરાત જળબંબાકારની સ્થિતિ સર્જાઈ છે ત્યારે હવામાન વિભાગે હજુ પાંચ દિવસ ભારે વરસાદની આગાહી કરી છે. ગુજરાત પર હાલ બે વરસાદી સિસ્ટમ સક્રિય થઈ હોવાથી હવામાન વિભાગે આગાહી કરી છે કે, દક્ષિણ અને પૂર્વ ગુજરાતમાં ભારે વરસા વરસી શકે છે. ગુજરાત પર સાયક્લોનિક સરક્યુલેશન અને લો-પ્રેશર સક્રિય થયું છે. બંગાળની ખાડીમાં સર્જાયેલા લો-પ્રેશરના કારણે ગુજરાત તરફ સિસ્ટમ આવી રહી છે જેને લીધે હવામાન વિભાગે આગામી પાંચ દિવસ ભારેથી અતિભારે વરસાદની આગાહી કરી છે. હવામાન વિભાગના અનુમાન મુજબ બંગાળથી ગુજરાત તરફ એક લો-પ્રેશર ફંટાવાની શક્યતા હોવાના કારણે આગામી 5 દિવસ ભારે વરસાદ વરસી શકે છે. જેને લઈને ચેતવણી પણ આપી દેવામાં આવી છે. લો-પ્રેશરને કારણે સક્રિય થનારી સિસ્ટમ ગુજરાતમાં દક્ષિણ, પૂર્વ અને ઉત્તર ગુજરાતમાં ભારેથી અતિભારે વરસાદ વરસાવી શકે છે. આ સિસ્ટમના લીધે સૌરાષ્ટ્રના કેટલાક વિસ્તારોમાં પણ વરસાદ વરસી શકે છે. લો-પ્રેશર ગુજરાતથી હજુ દૂર છે પરંતુ સાયક્લોનિક સરક્યુલેશન સક્રિય હોવાના કારણે દક્ષિણ ગુજરાતમાં ધોધમાર વરસાદ પડી શકે છે. હવામાન વિભાગની ભારે વરસાદની આગાહી મુજબ જ્યાં ભારે વરસાદની આગાહી છે ત્યાં 4 ઈંચથી વધુ વરસાદ અને જે વિસ્તારોમાં ભારે વરસાદની આગાહી છે તે જગ્યાએ 8 ઈંચથી વધુ વરસાદ ખાબકી શકે છે.