આજથી અમદાવાદની ઓટો રિક્ષામાં મીટર ફરજિયાત, પોલીસ કમિશનરે બહાર પાડ્યું જાહેરનામું
જેમાં આદેશ કરવામાં આવ્યો હતો કે, 1 જાન્યુઆરી 2025 એટલે કે આજથી રિક્ષામાં ફરજિયાત ડિજિટલ મીટર લગાવવાનું રહેશે
આજથી અમદાવાદની ઓટો રિક્ષામાં મીટર ફરજિયાત કરવામાં આવ્યું છે. આ મામલે અમદાવાદ પોલીસ કમિશ્નરે જાહેરનામું બહાર પાડ્યું હતું. જેમાં આદેશ કરવામાં આવ્યો હતો કે, 1 જાન્યુઆરી 2025 એટલે કે આજથી રિક્ષામાં ફરજિયાત ડિજિટલ મીટર લગાવવાનું રહેશે. જો કે, તેની અમલવારી માત્ર કાગળ પર દેખાઈ રહી છે. અમદાવાદના મણિનગર રેલવે સ્ટેશન પર આવતી રિક્ષામાં ડિજિટલ મીટર જોવા મળ્યું ન હતું.
રિક્ષાચાલકોનું કહેવું છે કે, મુસાફરો જ નથી ઈચ્છતા કે તેઓ મીટરથી પોતાના નિર્ધારિત સ્થળ પર પહોંચે. ગ્રાહકો ઉચ્ચક રૂપિયામાં ભાડું ચૂકવવાનો આગ્રહ રાખે છે. તો કેટલાક રિક્ષાચાલકોનું કહેવું છે કે, બજારોમાં તેમને ડિજિટલ મીટર પણ મળી રહ્યા નથી. રિક્ષાચાલકો માંગ કરી હતી કે ડિજિટલ મીટર લગાવવા માટે તેમને વધુ સમય આપવામાં આવે. અમદાવાદ પોલીસ કમિશનરનું જાહેરનામું આજથી અમલમાં આવ્યું છે. ઓટો રિક્ષા એસોસિએશને મીટર ફરજિયાતના નિર્ણયને આવકાર્યો હતો.
મોટાભાગના મુસાફરોએ ફરજિયાત મીટરના નિર્ણયને અયોગ્ય ઠેરવ્યો હતો. ઓછા અંતરમાં મીટરના કારણે મુસાફરો રિક્ષાનો ઉપયોગ નહીં કરે તેવી સ્થિતિ ઉભી થઈ છે. મુસાફરોએ લાંબા અંતરે મીટરથી મુસાફરીને યોગ્ય ગણાવી પણ ટૂંકા અંતર માટે મીટર જરૂરી નહીં હોવાનો મત વ્યકત કર્યો હતો. પોલીસ કમિશનર દ્વારા શહેરમાં ચાલતી તમામ ઓટો રીક્ષામાં ફરજિયાત પણે મીટર લગાવવાનું જાહેરનામું બહાર પાડ્યું છે તથા 1 જાન્યુઆરી 2025થી રિક્ષામાં મીટર નહીં લાગેલું હોય તેની સામે દંડનીય કાર્યવાહી કરવામાં આવશે. સાથે મીટરના ભાવ વધતા મુશ્કેલી વધી છે આ ઉપરાંત અન્ય તમામ જરૂરી ડોક્યુમેન્ટ રિક્ષામાં હાજર રાખવા પડશે.
પશ્ચિમ રેલવેના અમદાવાદ ડિવિઝનમાં 1 જાન્યુઆરી, 2025થી નવું ટાઈમ ટેબલ લાગુ થવા જઈ રહ્યું છે. આ નવા સમયપત્રકમાં કેટલીક ટ્રેનોની ગતિ વધારવામાં આવી છે, જેના પરિણામે તેઓ તેમના નિર્ધારિત સમય કરતાં પહેલાં ગંતવ્ય સ્થાને પહોંચશે.
ટ્રેન્ડિંગ સમાચાર
ટોપ સ્ટોરી
