ગુજરાતભરમાં આવતીકાલે સિવિલ ડિફેન્સની “ઓપરેશન શિલ્ડ” અંતર્ગત મોકડ્રીલ યોજાશે
ગાંધીનગર: ગુજરાતભરમાં આવતીકાલે તારીખ ૨૯ મેના રોજ ફરી એક વાર સિવિલ ડિફેન્સની “ઓપરેશન શિલ્ડ” મોકડ્રીલ યોજાશે. ઓપરેશન સિંદૂરની સફળતા બાદ આગોતરી તૈયારીના ભાગરૂપે ગુજરાતના તમામ જિલ્લામાં સાંજે 5થી8 કલાકે મોકડ્રીલ યોજાશે.
ગાંધીનગર: ગુજરાતભરમાં આવતીકાલે તારીખ ૨૯ મેના રોજ ફરી એક વાર સિવિલ ડિફેન્સની “ઓપરેશન શિલ્ડ” મોકડ્રીલ યોજાશે. ઓપરેશન સિંદૂરની સફળતા બાદ આગોતરી તૈયારીના ભાગરૂપે ગુજરાતના તમામ જિલ્લામાં સાંજે 5થી8 કલાકે મોકડ્રીલ યોજાશે. મહેસૂલ વિભાગના અધિક મુખ્ય સચિવ ડૉ. જયંતી રવિએ “ઓપરેશન શિલ્ડ” સંદર્ભે વહીવટી તંત્ર દ્વારા કરાયેલી તૈયારીઓની વર્ચ્યુઅલ સમીક્ષા કરી વિડીયો કોન્ફરન્સના માધ્યમથી તમામ જિલ્લા કલેકટરને જરુરી સૂચનાઓ આપી હતી.
તેમણે વધુમાં જણાવ્યું હતું કે, ગુરુવારે 5 વાગ્યા પછી 6 રાજ્યોમાં મોકડ્રીલ યોજાશે. દરેક જિલ્લામાં 6થી7 જગ્યાએ એક સાથે સમસ્યા થાય તો તેના નિવારણ માટે મોકડ્રીલ યોજાશે. મોકડ્રીલના માધ્યમથી લોકોને સિવિલ ડિફેન્સ માટે લોકોને જોડાવા પ્રયાસો કરાશે. હવાઈ હુમલા સમયે શું કરવું તે અંગે પણ મોકડ્રીલ યોજાશે. મિલેટ્રી સ્ટેશનમાં હુમલો થાય તો શું કરવું તેની મોકડ્રીલ યોજાશે. વાયટલ ઇન્સ્ટોલેશનના સ્થળે બ્લેક આઉટ કરવાનું થાય તો તે માટે પણ મોકડ્રીલ યોજાશે. કલેક્ટર, એસપી, મ્યુનિસિપલ કમિશનર વગેરેને મોકડ્રીલ યોજવા સૂચના આપવામાં આવી છે.
નડાબેટ ખાતે "ઓપરેશન શિલ્ડ" અંતર્ગત મોકડ્રીલનું આયોજન
29 તારીખના રોજ ભારત-પાકિસ્તાન ઇન્ટરનેશનલ બોર્ડરના નડાબેટ ખાતે ઓપરેશન શિલ્ડ અંતર્ગત મોકડ્રીલનું આયોજન કરવામાં આવશે. વાવ-સુઈગામ વિસ્તારના તમામ ગામડાઓમાં સાંજે 7.45 થી 8.15 સુધી સાયરન વગાડીને બ્લેક આઉટ કરાશે. કેન્દ્રીય ગૃહ મંત્રાલયના નિર્દેશ પ્રમાણે બનાસકાંઠા જિલ્લામાં સિવિલ ડિફેન્સ અંતર્ગત "ઓપરેશન શિલ્ડ" મોકડ્રીલ યોજાશે.
જિલ્લા કલેક્ટરે નાગરિકોને સહયોગ આપવા તથા સરકારની સૂચનાઓનું પાલન કરવા અને નાગરિકોએ કોઈપણ પ્રકારનો ડર કે ભયના રાખવા સૂચન કર્યુ. આ મોકડ્રીલ સિવિલ ડિફેન્સ, નાગરિકોની સુરક્ષાના ભાગરૂપે કરવામાં આવનાર છે. યુધ્ધ સહિત કોઈપણ કુદરતી ગંભીર આપત્તિ વ્યવસ્થાપન સમયે ઇજાગ્રસ્ત અને ફસાયેલા નાગરિકોને સુરક્ષિત સ્થળે ખસેડવા, પ્રાથમિક સારવાર ઉપલબ્ધ કરાવવી જેવી પ્રવૃત્તિઓ કરવામાં આવશે.
બનાસકાંઠા જિલ્લા કલેક્ટર મિહિર પટેલએ જણાવ્યું કે, સરકારની સૂચના અનુસાર ઓપરેશન શિલ્ડ અંતર્ગત તા. ૨૯ મે ૨૦૨૫ના રોજ સાંજે ૫ કલાકે સરહદી વિસ્તાર નડાબેટ ખાતે સિવિલ ડિફેન્સ મોકડ્રીલનું આયોજન કરાશે તથા વાવ અને સુઈગામ તાલુકાના તમામ ગામડાઓમાં સાંજે ૭.૪૫ કલાક થી ૮.૧૫ કલાક સુધી સંપૂર્ણ બ્લેક આઉટ કરવામાં આવશે. જિલ્લા કલેક્ટરએ નાગરિકોને સહયોગ આપવા તથા સરકારની સૂચનાઓનું પાલન કરવા અને નાગરિકોએ કોઈપણ પ્રકારનો ડર કે ભય ના રાખવા સૂચન કર્યું હતું.
આ મોકડ્રીલ સિવિલ ડિફેન્સ, નાગરિકોની સુરક્ષાના ભાગરૂપે કરવામાં આવનાર છે. યુધ્ધ સહિત કોઈપણ કુદરતી ગંભીર આપત્તિ વ્યવસ્થાપન સમયે ઇજાગ્રસ્ત અને ફસાયેલા નાગરિકોને સુરક્ષિત સ્થળે ખસેડવા, પ્રાથમિક સારવાર ઉપલબ્ધ કરાવવી જેવી પ્રવૃત્તિઓ કરવામાં આવશે. કાલે રાત્રે વાવ સુઈગામના તમામ ગામડાઓમાં સાયરન વગાડીને બ્લેક આઉટ કરવામાં આવશે. આ બ્લેક આઉટ સમય દરમિયાન સ્ટ્રીટ લાઈટ, હોર્ડીગ અને દુકાનો તથા પોતાના ઘરમાં તેનું સંપૂર્ણ પાલન થાય એ માટે ખાસ સૂચન કર્યું છે. મોકડ્રીલમાં સિવિલ ડિફેન્સની તાલીમ પામેલ વધુમાં વધુ વોલીન્ટીયર્સને જોડાવવા અનુરોધ સાથે નાગરિકોને સહભાગી બનવા જિલ્લા કલેકટરે અપીલ કરી છે.
ટોપ સ્ટોરી
ટ્રેન્ડિંગ સમાચાર
