Gujarat Rain: આજે 7 જિલ્લામાં યલો એલર્ટ, આ વિસ્તારમાં પડશે ભારે વરસાદ

Gujarat Rain: હવામાન વિભાગની આગાહી મુજબ, કચ્છ-સૌરાષ્ટ્ર પર સક્રિય થયેલા અપર એર સાયક્લોનિક સર્ક્યુલેશનને કારણે ગુજરાતમાં 12 થી 16 જુલાઈ દરમિયાન ભારે વરસાદની શક્યતા છે.

વરસાદની આગાહી

Source : તસવીર સોશિયલ મીડિયા

Gujarat Rain: હવામાન વિભાગની આગાહી મુજબ, કચ્છ-સૌરાષ્ટ્ર પર સક્રિય થયેલા અપર એર સાયક્લોનિક સર્ક્યુલેશનને કારણે ગુજરાતમાં 12 થી 16 જુલાઈ દરમિયાન ભારે વરસાદની શક્યતા છે.

આજે, 7 જિલ્લાઓમાં યલો એલર્ટ જાહેર કરવામાં આવ્યું છે. જેમાં બનાસકાંઠા, સાબરકાંઠા, મહેસાણા, પાટણ, ગાંધીનગર, અરવલ્લી, મહીસાગર અને પંચમહાલનો સમાવેશ થાય છે. આ જિલ્લાઓમાં આજે પણ વરસાદની સંભાવના છે. આ ઉપરાંત, વડોદરા અને ભરૂચમાં પણ મધ્યમ વરસાદ વરસી શકે છે. આગામી દિવસોમાં આ સિસ્ટમ સક્રિય થતાં રાજ્યના ઘણા વિસ્તારોમાં સારો વરસાદ થવાની શક્યતા છે, જેના પગલે ખેતીની પાકને લાભ થશે.

આવનારા દિવસોમાં કયા જિલ્લાઓમાં કેવો વરસાદ?

• 12 જુલાઈ: મહીસાગર, દાહોદ, ભાવનગર, અમરેલી, નવસારી, વલસાડ અને દાદરા નગર હવેલીમાં 'યલો એલર્ટ' છે.
• 13 જુલાઈ: અરવલ્લી, મહીસાગર, દાહોદ, પંચમહાલ, છોટા ઉદેપુર, અમરેલી, ભાવનગર, નવસારી, વલસાડ અને દાદરા નગર હવેલીમાં 'યલો એલર્ટ' રહેશે.
• 14 જુલાઈ: બનાસકાંઠા, સાબરકાંઠા, અરવલ્લી, મહીસાગર, દાહોદમાં 'યલો એલર્ટ' ની આગાહી છે.
• 15 જુલાઈ: બનાસકાંઠા અને સાબરકાંઠામાં 'યલો એલર્ટ' રહેશે.

અંબાલાલ પટેલની આગાહી (Ambalal Patel Rain Forecast)

હવામાન નિષ્ણાત અંબાલાલ પટેલના જણાવ્યા અનુસાર જુલાઈ 16 સુધી ચોમાસું સારું રહેશે. જોકે, જુલાઈ 17 અને 18 ના રોજ ચોમાસુંનું જોર ઘટી શકે છે. જુલાઈના અંતમાં બીજી સિસ્ટમ બનશે, જેના કારણે ફરી વરસાદની શક્યતા રહેશે અને આ સમયે પવનની ગતિ પણ વધુ રહેવાની સંભાવના છે. 

સરકારે સહાય જાહેર કરી

આખી દુનિયા જાણે છે કે ખેડૂતનું કપાસનું વાવેતર કેટલું ભારે પડે છે, ને જો એમાં કમોસમી વરસાદ આવીને ધૂળધાણી કરી દે તો રાતોની નીંદર હરામ થઈ જાય! ઑક્ટોબર 2024 માં વરસેલા કમોસમી વરસાદે કપાસના પાકને જબરું નુકસાન કર્યું હતું. હવે આ નુકસાન માટે રાજ્ય સરકારે ખેડૂતોના હિતમાં એક મોટો નિર્ણય લીધો છે ને 'રાહત પેકેજ' ની જાહેરાત કરી છે. રાજ્યના છ જિલ્લા – છોટા ઉદેપુર, જામનગર, અમરેલી, ભાવનગર, સુરેન્દ્રનગર ને રાજકોટ – ના ખેડૂતોને આ સહાય ચૂકવવામાં આવશે.

કેટલી સહાય મળશે ને અરજી ક્યારે કરવી?

સરકારના નિયમ મુજબ, જે ખેડૂતોને 33% અથવા એનાથી વધુ પાક નુકસાની થઈ હશે, એમને જ આ સહાય મળશે. આ સિવાય, બે હેક્ટરની મર્યાદામાં, પ્રતિ હેક્ટર ₹11,000 ની સહાય ખેડૂતોને ચૂકવાશે. જો તમારે આ પાક નુકસાનીનું વળતર મેળવવું હોય, તો 14 જુલાઈ સુધીમાં ઓનલાઈન અરજી કરવાની રહેશે. જે ખેડૂતો ઓનલાઈન અરજી કરશે, એમના બેંક ખાતામાં સીધી રાજ્ય સરકાર તરફથી સહાયની રકમ જમા કરવામાં આવશે.

આ પણ વાંચો

ગંભીરા પુલ તૂટ્યો ને 'સરકાર' હરકતમાં! મુખ્યમંત્રીએ જવાબદાર 4 મોટા અધિકારીઓને ઘરભેગા કર્યા!

ગુજરાતની 29 નગરપાલિકાના ચીફ ઓફિસરોની સાગમટે બદલી, શહેરી વિકાસ વિભાગનો આદેશ