Earthquake: ભાવનગર વિસ્તારમાં રાત્રે ભૂકંપ આવતા ફફડાટ, લોકો ઘરની બહાર દોડી આવ્યા
Earthquake: ભાવનગરમાં ભૂકંપનો આંચકો અનુભવાયો છે. 3.2 ની તીવ્રતાનો આંચકો અનુભવાતા ફફડાટ ફેલાયો હતો. મળતી માહીતી પ્રમાણે 15 થી 20 સેકન્ડ ભુકંપનું કંપન અનુભવાયું હતું. જેના કારણે લોકો ઘરની બહાર દોડી આવ્યા હતા.
Earthquake: ભાવનગરમાં ભૂકંપનો આંચકો અનુભવાયો છે. 3.2 ની તીવ્રતાનો આંચકો અનુભવાતા ફફડાટ ફેલાયો હતો. મળતી માહીતી પ્રમાણે 15 થી 20 સેકન્ડ ભુકંપનું કંપન અનુભવાયું હતું. જેના કારણે લોકો ઘરની બહાર દોડી આવ્યા હતા. 3.2 તીવ્રતાનો ભૂકંપ 9 અને 52 મિનિટ પર અનુભવાયો હતો.
ભાવનગરથી 17 કિલોમીટર ભૂકંપનું કેન્દ્ર બિંદુ હોવાની માહિતી સામે આવી છે. ભાવનગરના ગ્રામ્ય વિસ્તાર અને શિહોર તાલુકાના ગ્રામ્ય વિસ્તારમાં આ ધરતીકંપનો આંચકો અનુભવાયો છે. જોકે હાલ ભાવનગર ડિઝાસ્ટર વિભાગ દ્વારા પુષ્ટિ કરવામાં આવી છે કે આ ધરતીકંપમાં કોઈપણ જાનહાની કે નુકસાન થયું નથી.
ઘોઘા તાલુકાના સાણોદર કુકડ , ગોરિયાળી, કંટાળા ( રામપર) ભાખલ ,લાકડીયા , નવાગામ(નાના) , બાડી ,પડવા , ભંડારીયા સહિતના ગ્રામ્ય વિસ્તારોમાં રાત્રીના ૯.૫૨ મીનીટે ૩.૨ ની તીવ્રતા ભૂકંપ નો હળવો આંચકો અનુભવાયો હતો.
25 માર્ચે પાપુઆ ન્યુ ગિનીમાં આવ્યો હતો ભૂકંપ
તો બીજી તરફ 25 માર્ચે ઉત્તરી પાપુઆ ન્યુ ગિનીમાં 6.9 ની તીવ્રતાના ભૂકંપથી ઓછામાં ઓછા પાંચ લોકો માર્યા ગયા હતા અને અંદાજિત 1,000 ઘરો નાશ પામ્યા હતા, અધિકારીઓએ જણાવ્યું હતું કે આપત્તિના કર્મચારીઓએ સ્થળ પર જઈને જાણકારી મેળવી હતી. લગભગ 1,000 ઘરો તૂટી ગયા હતા. રવિવારે વહેલી સવારે જ્યારે ભૂકંપ આવ્યો ત્યારે દેશની સેપિક નદીના કિનારે આવેલા ડઝનેક ગામો પહેલાથી જ મોટા પૂરનો સામનો કરી રહ્યા હતા.
પાપુઆ ન્યુ ગિનીમાં ધરતીકંપો સામાન્ય છે, જે ધરતીકંપની "રિંગ ઓફ ફાયર" ની ટોચ પર બેસે છે - તીવ્ર ટેકટોનિક પ્રવૃત્તિનો એક ચાપ જે દક્ષિણપૂર્વ એશિયા અને પેસિફિક બેસિનમાં ફેલાયેલો છે. જો કે તેઓ ભાગ્યે જ ઓછી વસ્તીવાળા જંગલ હાઇલેન્ડ્સમાં વ્યાપક નુકસાન પહોંચાડે છે, તેઓ વિનાશક ભૂસ્ખલનને ઉત્તેજિત કરી શકે છે. ટાપુ રાષ્ટ્રના નવ મિલિયન નાગરિકોમાંથી ઘણા મોટા નગરો અને શહેરોની બહાર રહે છે, જ્યાં મુશ્કેલ ભૂપ્રદેશ અને સીલબંધ રસ્તાઓનો અભાવ શોધ-અને-બચાવના પ્રયત્નોને ગંભીરપણે અવરોધે છે.
ભૂકંપ દરમિયાન શું કરવું
નેશનલ ડિઝાસ્ટર મેનેજમેન્ટ ઓથોરિટી અનુસાર, ભૂકંપ દરમિયાન ગભરાશો નહીં, શાંત રહો. ટેબલની નીચે જાઓ અને તમારા માથાને એક હાથથી ઢાંકો. બહાર આવ્યા પછી ઇમારતો, વૃક્ષો અને થાંભલાઓથી દૂર રહો. આ સિવાય લિફ્ટનો ઉપયોગ ન કરો. જો તમે વાહનની અંદર હોવ તો તેને રોકો. ભૂકંપ પછી ક્ષતિગ્રસ્ત ઇમારતોમાં ન જશો અને સીડીનો ઉપયોગ કરશો નહીં. ભૂકંપના નુકસાનને ટાળવા માટે, દિવાલો અને છતની તિરાડોને સમયાંતરે રીપેર કરાવો.
ટ્રેન્ડિંગ સમાચાર
ટોપ સ્ટોરી
