કેન્દ્રીય કર્મચારીઓ માટે ખુશખબર! 8મા પગાર પંચે બદલી ડેડલાઈન, હવે 31 મે સુધી મળશે તક

8મા પગાર પંચની ત્રણ દિવસીય બેઠક શરૂ થતાં જ એક મોટો નિર્ણય લેવામાં આવ્યો છે. કર્મચારી સંગઠનોની માંગને ધ્યાનમાં રાખીને કેન્દ્ર સરકારે મેમોરેન્ડમ સબમિટ કરવાની અંતિમ તારીખ એક મહિનો લંબાવી દીધી છે.

8th Pay Commission Update Deadline for Memorandum Extended to May 31 2026

Source : istockphoto.com

Show Quick Read

Key points generated by AI, verified by newsroom

• 8મા પગાર પંચની મુદ્દત 31 મે, 2026 સુધી લંબાવવામાં આવી.
• કર્મચારી સંગઠનોની માંગણી મુજબ વધુ સમય આપવામાં આવ્યો.
• પંચ દ્વારા મેમોરેન્ડમ ઓનલાઈન જ સબમિટ કરવા નિર્દેશ.
• બેઠકો દ્વારા કર્મચારીઓની માંગણીઓ પર વિચારણા શરૂ.

8th Pay Commission: કેન્દ્ર સરકારના લાખો કર્મચારીઓ અને પેન્શનરો માટે 8મા પગાર પંચને લઈને એક બહુ જ સારા અને રાહતના સમાચાર આવ્યા છે. કેન્દ્ર સરકારે 8મા પગાર પંચ સમક્ષ પોતાની માંગણીઓ, સૂચનો અને મેમોરેન્ડમ (આવેદનપત્ર) રજૂ કરવાની અંતિમ તારીખ લંબાવીને હવે 31 મે, 2026 કરી દીધી છે. અગાઉ આ કામગીરી માટે 30 એપ્રિલ, 2026 ની સમયમર્યાદા નક્કી કરવામાં આવી હતી. આ નિર્ણયથી વિવિધ કર્મચારી સંગઠનો અને યુનિયનોને તેમની માંગણીઓ તૈયાર કરવા અને રજૂ કરવા માટે થોડો વધુ અને પૂરતો સમય મળી ગયો છે. તમને જણાવી દઈએ કે, આજથી 8મા પગાર પંચની 3 દિવસીય મહત્વની બેઠક શરૂ થઈ છે અને આ બેઠકના પહેલા જ દિવસે આ મોટો નિર્ણય લેવામાં આવ્યો છે.

પંચે સત્તાવાર વેબસાઇટ પર આપી માહિતી

જૂની સમયમર્યાદા (30 એપ્રિલ) પૂરી થવાના બરાબર એક દિવસ પહેલા જ કમિશન દ્વારા આ નવી તારીખ જાહેર કરવામાં આવી હતી. આ નિર્ણય બાદ આઠમા પગાર પંચની સત્તાવાર વેબસાઇટ પર પણ સ્પષ્ટ સૂચના મૂકવામાં આવી છે. જેમાં લખ્યું છે કે, "પ્રતિસાદ (મેમોરેન્ડમ) સબમિટ કરવાની છેલ્લી તારીખ 31 મે, 2026 (રવિવાર) સુધી લંબાવવામાં આવી છે. તમામ પ્રતિભાવો વેબસાઇટ પર આપેલી લિંક દ્વારા જ ઓનલાઈન સબમિટ કરવાના રહેશે. કમિશન દ્વારા કોઈપણ મેમોરેન્ડમની હાર્ડ કોપી, PDF કે ઈમેલ સ્વીકારવામાં આવશે નહીં."

મુદત કેમ લંબાવવામાં આવી?

સરકારે મુદત લંબાવવાનો આ નિર્ણય એટલા માટે લીધો કારણ કે, દેશભરના ઘણા કર્મચારી સંગઠનો અને યુનિયનો લાંબા સમયથી આની માંગ કરી રહ્યા હતા. તેમનું કહેવું હતું કે, કર્મચારીઓના પગાર, વિવિધ ભથ્થાં અને નોકરીની શરતો અંગે એકદમ વિગતવાર અને સચોટ મેમોરેન્ડમ તૈયાર કરવા માટે તેમને વધુ સમયની જરૂર છે. આ માંગણીને વ્યાજબી ગણીને સરકારે સમયમર્યાદા પૂરા 1 મહિના માટે લંબાવી દીધી, જેથી તમામ પક્ષો પોતાના મંતવ્યો અને રજૂઆતો વધુ સારી રીતે પંચ સમક્ષ મૂકી શકે.

આ પણ વાંચોઃ 8મું પગાર પંચ: શું હવે પોસ્ટમેનનો પગાર વધીને ₹1.12 લાખ થશે? રજૂ કરાયું મોટું મેમોરેન્ડમ

બેઠકોનો દોર શરૂ, લેવાશે મોટા નિર્ણયો

એક તરફ મુદત લંબાવાઈ છે, તો બીજી તરફ 8મા પગાર પંચે દિલ્હીમાં વિવિધ કર્મચારી સંગઠનો અને યુનિયનો સાથે 28 થી 30 એપ્રિલ સુધી સીધી વાટાઘાટો અને બેઠકોનો દોર શરૂ કર્યો છે. ગઈકાલે પંચે રાષ્ટ્રીય સંયુક્ત સલાહકાર પરિષદ (NCJCM - કર્મચારી પક્ષ) સાથે પણ એક મોટી બેઠક યોજી હતી, જેમાં તેમની મુખ્ય માંગણીઓ અને પ્રસ્તાવિત સૂચનો સાંભળવામાં આવ્યા હતા. આ બેઠક બાદ જ આજે મુદત વધારવાનો નિર્ણય લેવાયો છે.

હાલમાં આઠમા પગાર પંચની આ ત્રણ દિવસીય બેઠક ચાલુ છે. એવું માનવામાં આવે છે કે આ બેઠકો દરમિયાન કેન્દ્રીય કર્મચારીઓને લગતા ઘણા મહત્વપૂર્ણ મુદ્દાઓ પર ચર્ચા થશે અને આવનારા દિવસોમાં 8મા પગાર પંચને લઈને કેટલાક મોટા નિર્ણયો લેવાઈ શકે છે.

આ પણ વાંચોઃ સરકારી કર્મચારીઓ માટે મોટા સમાચાર! 8મું પગાર પંચ આ ભથ્થામાં કરી શકે છે વધારો