8th Pay Commission: સરકારી કર્મચારીઓ માટે ખુશખબર! 8માં પગાર પંચની વેબસાઈટ લોન્ચ, પગાર વધારા માટે માંગ્યા સૂચનો
મોટું અપડેટ: હવે તમે પણ નક્કી કરી શકશો તમારો પગાર? પંચે MyGov પર પૂછ્યા 18 પ્રશ્નો; 8cpc.gov.in પર સંપૂર્ણ વિગત ઉપલબ્ધ, 16 માર્ચ સુધીમાં આપવો પડશે જવાબ.
8th Pay Commission Website Launch: દેશભરના લાખો કેન્દ્રીય કર્મચારીઓ (Central Government Employees) અને પેન્શનરો (Pensioners) જે ક્ષણની આતુરતાથી રાહ જોઈ રહ્યા હતા, તે સમય હવે આવી ગયો છે. પગાર વધારા અને ભથ્થામાં સુધારાની દિશામાં સરકારે એક મહત્વપૂર્ણ અને નક્કર પગલું ભર્યું છે. સરકારે સત્તાવાર રીતે '8મા કેન્દ્રીય પગાર પંચ' (8th Central Pay Commission) ની વેબસાઈટ લોન્ચ કરી દીધી છે. આ વેબસાઈટ લાઈવ થતાની સાથે જ પંચે પોતાની કામગીરી પારદર્શક રીતે આગળ વધારવાના સંકેત આપ્યા છે.
સરકારે 8cpc.gov.in નામની ખાસ વેબસાઈટ શરૂ કરી છે, જે હવે પગાર પંચને લગતી તમામ માહિતીનો મુખ્ય સ્ત્રોત બનશે. અહીં કર્મચારીઓને અગાઉના રિપોર્ટ્સ, 'ગેઝેટ નોટિફિકેશન' (Gazette Notifications), પદાધિકારીઓની વિગત અને કમિશનની 'ટર્મ્સ ઓફ રેફરન્સ' (TOR) જેવી મહત્વની જાણકારી એક જ ક્લિક પર મળશે. આનાથી કર્મચારીઓને સાચી અને સત્તાવાર માહિતી સરળતાથી ઉપલબ્ધ થશે.
આ વખતે પંચે લોકશાહી ઢબે કામગીરી શરૂ કરી છે. માત્ર અધિકારીઓ જ નહીં, પરંતુ સામાન્ય કર્મચારીઓ પણ પોતાના સૂચનો આપી શકે તે માટે 'માય ગવર્મેન્ટ પોર્ટલ' (MyGov Portal) પર એક પ્રશ્નાવલી મૂકવામાં આવી છે. પંચે કુલ 18 Questions (પ્રશ્નો) તૈયાર કર્યા છે, જેના જવાબો આપીને હિસ્સેદારો પોતાના મંતવ્યો રજૂ કરી શકશે અને પગાર માળખા અંગે અવાજ ઉઠાવી શકશે.
भारत सरकार के द्वारा #8CPC की वेबसाइट चालू कर दी गई है। तमाम फीचर्स जैसे #TOR #ऑफिस_बियरर्स, CPC गजट, पिछली रिपोर्ट्स आदि शो हो रहे हैं। हम सब कर्मचारियों के लिए ये खुशी की बात है। जल्द बैठकें भी शुरू हो सकती हैं। हम लगातार इसके लिए आवाज उठाते रहे हैं। हमें भरोसा है, पे कमीशन भी… pic.twitter.com/9PQOB3QCxX
— Dr Manjeet Singh Patel (@ManjeetIMOPS) February 7, 2026
આ પ્રશ્નોમાં 'ફિટમેન્ટ ફેક્ટર' (Fitment Factor), વાર્ષિક ઈન્ક્રીમેન્ટ સિસ્ટમ, દેશની આર્થિક વૃદ્ધિ (Economic Growth), મોંઘવારી અને ઉચ્ચ અધિકારીઓના પગાર ધોરણ જેવા સંવેદનશીલ વિષયો આવરી લેવાયા છે. આ પ્રક્રિયા દ્વારા પંચ એ જાણવાનો પ્રયાસ કરશે કે જમીની સ્તરે કર્મચારીઓની શું અપેક્ષાઓ છે.
પગાર પંચે વ્યાપક પરામર્શ માટે દરવાજા ખોલ્યા છે. જેમાં કેન્દ્ર સરકારના મંત્રાલયો, રાજ્ય સરકારો, કેન્દ્રશાસિત પ્રદેશો, કર્મચારી સંગઠનો (Unions) અને એસોસિએશનો ભાગ લઈ શકશે. એટલું જ નહીં, વ્યક્તિગત કર્મચારીઓ, પેન્શનરો અને સામાન્ય નાગરિકો પણ પોતાના વિચારો રજૂ કરી શકશે. પંચે સ્પષ્ટ કર્યું છે કે જે લોકો સૂચનો આપશે, તેમની ઓળખ સંપૂર્ણપણે 'ગુપ્ત' (Confidential) રાખવામાં આવશે.
જો તમે પણ પગાર પંચને કોઈ સૂચન આપવા માંગતા હોવ, તો તારીખ નોંધી લેજો. સૂચનો મોકલવાની અંતિમ તારીખ 16 March, 2026 છે. ખાસ ધ્યાન રાખવું કે માત્ર MyGov પોર્ટલ દ્વારા જ જવાબો સ્વીકારાશે. કોઈપણ પ્રકારના ઈમેઈલ, PDF કે 'હાર્ડ કોપી' (Hard Copy) ધ્યાનમાં લેવામાં આવશે નહીં, તેથી ઓનલાઈન પ્રક્રિયા જ અનુસરવી પડશે.
ટોપ સ્ટોરી
ટ્રેન્ડિંગ સમાચાર
