BSNLએ તહેલકો મચાવ્યો,  400 રુપિયાથી ઓછી કિંમતે 150 દિવસનો પ્લાન 

BSNL એ તેના સસ્તા રિચાર્જ પ્લાન સાથે ખાનગી ટેલિકોમ કંપનીઓ Jio, Airtel અને Vodafone Idea ની મુશ્કેલીમાં વધારો કરી દિધો છે.

પ્રતિકાત્મક તસવીર

Source : તસવીર સોશિયલ મીડિયા

BSNL એ તેના સસ્તા રિચાર્જ પ્લાન સાથે ખાનગી ટેલિકોમ કંપનીઓ Jio, Airtel અને Vodafone Idea ની મુશ્કેલીમાં વધારો કરી દિધો છે.  કંપની તેના 4G નેટવર્કનું વિસ્તરણ કરી રહી છે અને ટૂંક સમયમાં 5G સેવા શરૂ કરવાની પણ તૈયારી કરી રહી છે. ભારત સંચાર નિગમ લિમિટેડ પાસે આવા ઘણા સસ્તા રિચાર્જ પ્લાન છે, જેમાં યુઝર્સને લાંબી વેલિડિટી ઓફર કરવામાં આવે છે. ખાનગી કંપનીઓ 28 દિવસનો પ્લાન ઓફર કરે છે, જ્યારે કંપની 150 દિવસની વેલિડિટી ઓફર કરે છે.

BSNLનો 150 દિવસનો રિચાર્જ પ્લાન 

BSNLનો આ રિચાર્જ પ્લાન 397 રૂપિયાનો છે. આ પ્રીપેડ રિચાર્જ પ્લાનમાં યુઝર્સને 150 દિવસની વેલિડિટી મળે છે. આ પ્લાનમાં યુઝર્સને અનલિમિટેડ કોલિંગ, ડેટા, ફ્રી એસએમએસ જેવા ઘણા ફાયદા આપવામાં આવે છે. ભારત સંચાર નિગમ લિમિટેડનો આ પ્રીપેડ રિચાર્જ પ્લાન ખાસ કરીને એવા વપરાશકર્તાઓ માટે છે જેઓ BSNL નંબર સેકન્ડરી સિમ તરીકે રાખે છે.

BSNLના આ રિચાર્જ પ્લાનમાં યૂઝર્સને પહેલા 30 દિવસમાં દેશભરના કોઈપણ મોબાઈલ નેટવર્ક પર અનલિમિટેડ કૉલિંગનો લાભ મળે છે. આ સિવાય આ પ્રીપેડ પ્લાનમાં યુઝર્સને દરરોજ 2GB ડેટાનો લાભ મળે છે. 30 દિવસ પછી યુઝર્સને 40kbpsની સ્પીડથી ઇન્ટરનેટનો લાભ મળતો રહેશે. યૂઝર્સને દરરોજ 100 મફત SMSનો લાભ પણ મળે છે. આ લાભ પહેલા 30 દિવસ માટે પણ મળશે.

BSNL 4G સેવા ટૂંક સમયમાં શરૂ થશે 

BSNLના અન્ય સમાચારોની વાત કરીએ તો, સરકારી ટેલિકોમ કંપનીએ તાજેતરમાં તેનો નવો લોગો અને સ્લોગન બહાર પાડ્યું છે. ભારત સંચાર નિગમ લિમિટેડે 24 વર્ષ બાદ તેનો લોગો અને સ્લોગન બદલ્યા છે. આ ઉપરાંત ભારત સંચાર નિગમ લિમિટેડે 7 નવી સેવાઓ પણ શરૂ કરી છે. BSNL ટૂંક સમયમાં દેશભરમાં વ્યાપારી ધોરણે 4G સેવા શરૂ કરવા જઈ રહ્યું છે. આ સિવાય કંપની આવતા વર્ષે જૂનમાં 5G સેવા પણ શરૂ કરી શકે છે. BSNL એ તેના મોબાઈલ નેટવર્કને વધુ સારુ બનાવવા માટે 1 લાખ નવા મોબાઈલ ટાવર ઈન્સ્ટોલ કરવાનો નિર્ણય લીધો છે, જેમાંથી 35 હજારથી વધુ ટાવર ઈન્સ્ટોલ કરવામાં આવ્યા છે. 

ખાનગી કંપનીઓના રિચાર્જમાં ભાવ વધારો કરવામાં આવતા લોકો બીએસએનએલ તરફ વળી રહ્યા છે. લોકો પોતાનો મોબાઈલ નંબર BSNL પર પોર્ટ કરી રહ્યા છે. BSNL પાસે ઘણા પ્રકારના સસ્તા પ્લાન છે. યૂઝર્સ દરેક પ્લાનનો લાભ લઈ શકે છે.