2000 રૂપિયાની નોટને લઈને મોટા સમાચાર, હજુ પણ આટલી નોટ બેંકમાં નથી આવી પાછી, જાણો કેટલી જમા થઈ

સામાન્ય લોકો પાસે આ નોટો બદલવા માટે હજુ 2 મહિના બાકી છે.

પ્રતિકાત્મક તસવીર

2000 Rupees Notes: આરબીઆઈ (રિઝર્વ બેંક ઓફ ઈન્ડિયા) એ જણાવ્યું છે કે 31 જુલાઈ 2023 સુધીમાં, 2000 રૂપિયાની કુલ 88 ટકા નોટ બેંકિંગ સિસ્ટમમાં પાછી આવી ગઈ છે. RBI અનુસાર, 19 મે, 2023 સુધી 3.56 લાખ કરોડ રૂપિયાની 2,000 રૂપિયાની નોટો ચલણમાં હતી. અને 31 જુલાઈ 2023 સુધીમાં 3.14 લાખ કરોડ રૂપિયાના મૂલ્યની 2000 રૂપિયાની નોટો બેંકોમાં પાછી આવી ગઈ છે. હવે માત્ર 42,000 કરોડ રૂપિયાની નોટ ચલણમાં બચી છે. 30 સપ્ટેમ્બર 2023 એ 2,000ની નોટો જમા કરાવવા અથવા બદલવાની છેલ્લી તારીખ છે.

RBIએ 2000 રૂપિયાની નોટને લઈને સ્ટેટસ જાહેર કર્યું છે. સેન્ટ્રલ બેંકે કહ્યું કે 19 મે 2023ના રોજ આરબીઆઈએ 2000 રૂપિયાની નોટો પાછી ખેંચવાની જાહેરાત કરી હતી. 31 માર્ચ, 2023 સુધી, 2,000 રૂપિયાની નોટ સર્ક્યુલેશનમાં કુલ 3.62 લાખ કરોડ રૂપિયા હતા, જે 19 મે, 2023ના રોજ ઘટીને 3.56 લાખ કરોડ રૂપિયા થઈ ગયા.

આરબીઆઈએ કહ્યું કે બેંકો પાસેથી મળેલા ડેટા અનુસાર 31 જુલાઈ 2023 સુધીમાં કુલ 3.14 લાખ કરોડ રૂપિયાની નોટો ચલણમાંથી બેંકિંગ સિસ્ટમમાં પાછી આવી છે. RBIએ કહ્યું કે હવે માત્ર 42,000 કરોડ રૂપિયાની નોટ ચલણમાં બચી છે. આવી સ્થિતિમાં, 19 મે, 2023 ના રોજ આરબીઆઈની 2,000 રૂપિયાની નોટો પાછી ખેંચવાની જાહેરાત બાદથી, 88 ટકા નોટ પાછી આવી છે.

Withdrawal of ₹2000 Denomination Banknotes – Statushttps://t.co/J3MOYyCGIU

— ReserveBankOfIndia (@RBI) August 1, 2023

આરબીઆઈએ જણાવ્યું કે જે 2000 રૂપિયાની નોટો પાછી આવી છે તેમાંથી 87 ટકા નોટો બેંક ખાતામાં જમા થઈ ગઈ છે. જ્યારે 13 ટકા 2000 રૂપિયાની નોટો અન્ય નોટો સાથે એક્સચેન્જ કરવામાં આવી છે.

સામાન્ય લોકોને અપીલ કરતા RBIએ કહ્યું કે તેમની પાસે હવે 2000 રૂપિયાની નોટ જમા કરાવવા અથવા બદલવા માટે બે મહિના બાકી છે. છેલ્લી ઘડીના ધસારાને ટાળવા માટે, આરબીઆઈએ લોકોને 30 સપ્ટેમ્બર 2023 પહેલા નોટો જમા કરાવવા અથવા બદલવાની અપીલ કરી છે.

આ સાથે નાણા મંત્રાલય તરફથી 2000 રૂપિયાની નોટ પરત કરવાની સમયમર્યાદા વધારવાના મુદ્દે પણ સવાલ પૂછવામાં આવ્યો હતો, જેના પર નાણા રાજ્ય મંત્રીએ લેખિત જવાબ આપતા કહ્યું છે કે આ બાબત પર હજુ વિચાર કરવામાં આવ્યો નથી. 

19 મે, 2022 ના રોજ, RBI એ 2000 રૂપિયાની ચલણી નોટ પાછી ખેંચવાની જાહેરાત કરી. ત્યારે આરબીઆઈએ કહ્યું હતું કે ક્લીન નોટ પોલિસી હેઠળ 2000 રૂપિયાની નોટ ચલણમાંથી પાછી ખેંચવામાં આવી રહી છે. 2000 રૂપિયાની નોટ ચલણમાં બંધ થઈ શકે છે પરંતુ 2000 રૂપિયાની નોટ કાયદેસર રીતે માન્ય રહેશે. બેંકોની શાખાઓમાં અને RBIની 19 પ્રાદેશિક કચેરીઓમાં 2000 રૂપિયાની નોટ અન્ય મૂલ્યના ચલણ સાથે બદલી શકાય છે.