Dell Layoffs: ડેલમાં મોટી છટણીની જાહેરાત, અનેક મોટા અધિકારી સહિત 12000થી વધુ કર્મચારીની જશે નોકરી

Tech Layoffs: રિપોર્ટમાં દાવો કરવામાં આવ્યો છે કે ડેલે છટણી અંગે તેના સ્ટાફને સૂચના આપી દીધી છે. આ છટણીનો સૌથી વધુ માર સેલ્સ ટીમ પર પડવાનો છે.

ટેક કંપની ડેલમાં છટણી થશે

Source : Michael Dell

Dell Layoff: ટેક ઇન્ડસ્ટ્રીમાં છટણીનું પ્રમાણ વધતું જાય છે. ઇન્ટેલ (Intel) બાદ હવે વિશ્વની જાણીતી કમ્પ્યુટર નિર્માતા કંપની ડેલ (Dell)એ પણ મોટા પાયે છટણીની જાહેરાત કરી છે. આ છટણીની અસર સમગ્ર વિશ્વ પર પડશે. ડેલ લગભગ 10 ટકા કર્મચારીઓને નોકરીમાંથી કાઢી મૂકશે. જેના કારણે તેના કર્મચારીઓની સંખ્યામાં લગભગ 12,500નો ઘટાડો થશે. આ છટણીની સૌથી વધુ અસર તેના વેચાણ વિભાગ પર પડશે. દાવો કરવામાં આવી રહ્યો છે કે આ નિર્ણયની ખરાબ અસર કંપનીના ઘણા મોટા અધિકારીઓ પર પણ પડી છે.

વેચાણ ટીમ પર પડશે માર, એઆઈ પર આપવામાં આવશે ધ્યાન બિઝનેસ ઇન્સાઇડરના રિપોર્ટ અનુસાર, ડેલે છટણીની આ યોજના વિશે કર્મચારીઓને આંતરિક મેમો દ્વારા જાણ કરી દીધી છે. કંપનીએ જણાવ્યું છે કે તે તેની વેચાણ ટીમમાં ફેરફાર કરવા જઈ રહી છે. આ ઉપરાંત આર્ટિફિશિયલ ઇન્ટેલિજન્સ (Artificial Intelligence) આધારિત વેચાણ એકમ પણ બનાવવામાં આવશે. કંપની એઆઈ પર ફોકસ વધારવા માંગે છે. જો કે, કંપનીએ છટણીની ચોક્કસ સંખ્યા વિશે માહિતી આપી નથી. પરંતુ, રિપોર્ટમાં દાવો કરવામાં આવ્યો છે કે 10 ટકાથી વધુ કર્મચારીઓ તેના શિકાર બનશે.

ગ્લોબલ સેલ્સ મોડર્નાઇઝેશન સ્કીમ પર કામ કરી રહી છે ડેલ  રિપોર્ટમાં દાવો કરવામાં આવ્યો છે કે આ આંતરિક મેમો ડેલના સિનિયર એક્ઝિક્યુટિવ બિલ સ્કેનલ (Bill Scannell) અને જ્હોન બાયર્ન (John Byrne) દ્વારા મોકલવામાં આવ્યો છે. તેને ગ્લોબલ સેલ્સ મોડર્નાઇઝેશન અપડેટનું નામ આપવામાં આવ્યું છે. તેમાં કહેવામાં આવ્યું છે કે અમે અમારા બિઝનેસને નવી દિશા આપવા વિશે ગંભીરતાથી વિચાર કરી રહ્યા છીએ. મેનેજમેન્ટને રીસ્ટ્રક્ચર કરવા અને રોકાણની પ્રાથમિકતાઓ પણ બદલાઈ રહી છે. આપણે આપણા વેચાણ વિશે ફરીથી વિચારવાની જરૂર છે.   મેનેજર, ડાયરેક્ટર અને વાઇસ પ્રેસિડેન્ટ જેવા મોટા પદ પર બેઠેલા લોકો પર ગિરી ગાજ  ડેલના વેચાણ વિભાગના ઘણા કર્મચારીઓનો દાવો છે કે તેમને નોકરીમાંથી કાઢી મૂકવામાં આવ્યા છે. આ ઉપરાંત તેમના ઘણા જાણકારો પણ છટણીના શિકાર થયા છે. આ છટણીની સૌથી વધુ અસર મેનેજર, ડાયરેક્ટર અને વાઇસ પ્રેસિડેન્ટ જેવા મોટા પદ પર બેઠેલા લોકો પર પડી છે. આમાંથી કેટલાક તો 20 વર્ષથી પણ વધુ સમયથી કંપની સાથે જોડાયેલા હતા. આ ઉપરાંત માર્કેટિંગ અને ઓપરેશન્સ ટીમ પણ છટણીની શિકાર થઈ છે. હવે એક મેનેજર પાસે ઓછામાં ઓછા 15 લોકોની ટીમ છે.

આ પણ વાંચોઃ