કોઈપણ બેંકમાંથી ગમે ત્યાંથી પેન્શન ઉપાડી શકાશે, 68 લાખ પેન્શનધારકો માટે મોટી સુવિધા, EPFOની પહેલ

Employees Pension Scheme: કેન્દ્રીય મંત્રી ડૉ. મનસુખ માંડવિયા દ્વારા જાહેરાત, 68 લાખથી વધુ પેન્શનરોને લાભ, પેન્શન વિતરણમાં સરળતા અને પારદર્શિતા.

પ્રતિકાત્મક તસવીર

Source : Social Media

EPFOના કરોડો સબસ્ક્રાઇબર્સ માટે એક મોટા સમાચાર છે. કેન્દ્ર સરકારે એક મહત્વપૂર્ણ નિર્ણય લઈને સમગ્ર ભારતમાં EPFOની તમામ પ્રાદેશિક કચેરીઓમાં સેન્ટ્રલાઈઝ્ડ પેન્શન પેમેન્ટ સિસ્ટમ (CPPS) સંપૂર્ણપણે લાગુ કરી દીધી છે. આ કાર્ય ડિસેમ્બર 2024 સુધીમાં પૂર્ણ થયું હતું. ડિસેમ્બર 2024 સુધીમાં, લગભગ 1570 કરોડ રૂપિયાનું પેન્શન 68 લાખથી વધુ કર્મચારી પેન્શન યોજના (EPS) પેન્શનરોને વહેંચવામાં આવ્યું છે.

દેશની કોઈપણ બેંક શાખામાંથી પેન્શન ઉપાડો

કેન્દ્રીય મંત્રી ડૉ. મનસુખ માંડવિયાએ જણાવ્યું હતું કે આ ફેરફાર બાદ પેન્શનધારકોને દેશની કોઈપણ બેંકની કોઈપણ શાખામાંથી પેન્શન ઉપાડવામાં કોઈ મુશ્કેલીનો સામનો કરવો પડશે નહીં. આ નિર્ણયનો સીધો અર્થ એ છે કે હવે EPFO પેન્શનરો દેશની કોઈપણ પ્રાદેશિક EPFO ઓફિસમાંથી તેમનું પેન્શન મેળવી શકશે. દેશના તમામ 122 પ્રાદેશિક EPFO કાર્યાલયોમાં કેન્દ્રીકૃત પેન્શન ચુકવણી સિસ્ટમ લાગુ કરવામાં આવી છે.

EPFOની અદ્યતન સુવિધાઓનો લાભ

કેન્દ્રીય શ્રમ મંત્રી ડૉ. મનસુખ માંડવિયાએ જણાવ્યું હતું કે સેન્ટ્રલાઇઝ્ડ પેન્શન પેમેન્ટ સિસ્ટમ EPFO સેવાઓને વધુ સારી બનાવવા અને પેન્શનરો માટે સુવિધાઓ સાથે પારદર્શિતા સુનિશ્ચિત કરવાની અમારી પ્રતિબદ્ધતાનું પ્રતિબિંબ છે. CPPSનો પ્રથમ પાયલોટ પ્રોજેક્ટ ઓક્ટોબર 2024માં જમ્મુ, કરનાલ અને શ્રીનગર પ્રાદેશિક કચેરીઓમાં સફળતાપૂર્વક પૂર્ણ થયો હતો. આ અંતર્ગત 49,000 EPS પેન્શનરોને કુલ 11 કરોડ રૂપિયા પેન્શનનું વિતરણ કરવામાં આવ્યું હતું. દેશની 24 પ્રાદેશિક કચેરીઓમાં બીજો પાયલોટ પ્રોગ્રામ પણ સફળતાપૂર્વક પૂર્ણ થયો હતો. આ 24 સ્થાનિક કચેરીઓ દ્વારા 9.3 લાખથી વધુ પેન્શનરોને રૂ. 213 કરોડનું પેન્શન વિતરણ કરવામાં આવ્યું હતું.

A Major Milestone in Modernizing EPFO!

EPFO's Centralized Pension Payments System is now fully operational. This modern system ensures that pensioners can access their pensions from any bank, anywhere in India swiftly and hassle-free.

Under the leadership of PM Shri… pic.twitter.com/AvuEmxC80y

— Dr Mansukh Mandaviya (@mansukhmandviya) January 3, 2025

કેન્દ્રીય મંત્રીની જાહેરાત

કેન્દ્રીય મંત્રી મનસુખ માંડવિયાએ સોશિયલ મીડિયા પર એક પોસ્ટ શેર કરીને આ માહિતી આપી હતી. તેમણે કહ્યું કે આનાથી ફિઝિકલ વેરિફિકેશનની જરૂરિયાત ખતમ થઈ જશે અને પેન્શનનું વિતરણ ખૂબ જ સરળતાથી થઈ શકશે. આ નવા અમલ સાથે, અમે પેન્શન સેવા વિતરણમાં એક નવો માપદંડ સ્થાપિત કરી રહ્યા છીએ. આ નિર્ણયથી લાખો પેન્શનરોને મોટી રાહત મળશે અને તેમને પેન્શન મેળવવામાં સરળતા રહેશે.

આ પણ વાંચો....