EPFOએ આપ્યા સારા સમાચાર! હવે ઘરે બેઠા થશે આ મહત્વપૂર્ણ કામ, કરોડો ખાતાધારકોને મળશે ફાયદો
તાજેતરમાં જ સરકારે EPFOના વ્યાજ દરોમાં ઘટાડો કર્યો છે. EPFO બોર્ડે 2021-22 નાણાકીય વર્ષ માટે વ્યાજ દરો નક્કી કર્યા હતા, જેમાં વ્યાજ દર 8.5 ટકાથી ઘટાડીને 8.1 ટકા કરવામાં આવ્યા હતા.
EPF Account: જો તમે પણ EPF ના પૈસા ટ્રાન્સફર કરવા માંગો છો, તો તમારા માટે સારા સમાચાર છે. હવે તમે તમારા પીએફના પૈસા ઘરે બેઠા સરળતાથી ઓનલાઈન ટ્રાન્સફર કરી શકો છો. EPFOએ તેના ઓફિશિયલ ટ્વિટર પર આ અંગે ટ્વિટ કર્યું છે.
તમને જણાવી દઈએ કે તાજેતરમાં જ સરકારે EPFOના વ્યાજ દરોમાં ઘટાડો કર્યો છે. EPFO બોર્ડે 2021-22 નાણાકીય વર્ષ માટે વ્યાજ દરો નક્કી કર્યા હતા, જેમાં વ્યાજ દર 8.5 ટકાથી ઘટાડીને 8.1 ટકા કરવામાં આવ્યા હતા. આ વ્યાજ છેલ્લા 40 વર્ષમાં સૌથી ઓછું છે.
ઓનલાઈન EPF ટ્રાન્સફર કેવી રીતે કરવું તે જાણો
- સૌ પ્રથમ તમારે Unified Member Portal પર જવું પડશે.
- અહીં તમારે UAN અને પાસવર્ડ નાખીને લોગીન કરવું પડશે.
- તે પછી તમારે ઓનલાઈન સર્વિસ પર ક્લિક કરવાનું રહેશે.
- હવે તમારે One Member - One EPF Account (Transfer Request) પર ક્લિક કરવાનું રહેશે.
- તમારી વર્તમાન રોજગાર સંબંધિત તમારી Personal Information અને PF Account ની ચકાસણી કરો.
- Get Details પર ક્લિક કરો, હવે તમે અગાઉના રોજગારના ભવિષ્ય નિધિ ખાતાની વિગતો જોશો.
- હવે ફોર્મના પ્રમાણીકરણ માટે અગાઉના એમ્પ્લોયર અથવા વર્તમાન એમ્પ્લોયર પર ક્લિક કરો.
- હવે તમારા UAN રજિસ્ટર્ડ મોબાઇલ નંબર પર OTP મેળવવા માટે, Get OTP પર ક્લિક કરો.
- હવે તમારે OTP દાખલ કરવો પડશે અને સબમિટ પર ક્લિક કરવું પડશે.
Know how to transfer #EPF online
— EPFO (@socialepfo) April 13, 2022
जानिए कैसे करें ईपीएफ ऑनलाइन ट्रांसफर#EPFO #SocialSecurity #AmritMahotsav @AmritMahotsav pic.twitter.com/yatkwGcl5k
3 દિવસમાં પૈસા ટ્રાન્સફર કરવામાં આવશે
તમને જણાવી દઈએ કે જ્યારે તમે OTP ટ્રાન્સફર કરશો, ત્યારપછી તમારી કંપનીને પૈસા ઓનલાઈન ટ્રાન્સફર કરવાની વિનંતી મળશે. આ પછી તમારા પૈસા ટ્રાન્સફર કરવામાં 3 દિવસ લાગે છે. તમને જણાવી દઈએ કે તમે જે એકાઉન્ટની વિગતો આપો છો તેમાં તમારા પૈસા ટ્રાન્સફર કરવામાં આવશે.
બેલેન્સ કેવી રીતે ચેક કરવું
તમને જણાવી દઈએ કે જો તમારે બેલેન્સ ચેક કરવું હોય તો તમારે EPFO સાથે રજિસ્ટર્ડ મોબાઈલ નંબરથી 7738299899 પર EPFO UAN LAN (ભાષા) મોકલવાનું રહેશે. LAN નો અર્થ તમારી ભાષા છે. જો તમારે અંગ્રેજીમાં માહિતી જોઈતી હોય, તો તમારે LAN ને બદલે ENG લખવું પડશે. હિન્દીમાં માહિતી મેળવવા માટે EPFOHO UAN HIN લખીને મેસેજ મોકલવો પડશે.
ટોપ સ્ટોરી
ટ્રેન્ડિંગ સમાચાર
