GST Reforms: દૂધ ટૂથપેસ્ટથી લઇને મોબાઇલ અને સાબુ સુધી, GST રિફોર્મમાં શું-શું થશે સસ્તુ, જુઓ યાદી
GST Reforms: સરકાર હવે 12 ટકા અને 28 ટકાના સ્લેબને નાબૂદ કરવા જઈ રહી છે. આ યોજના અંગેની યોજના રાજ્યોના નાણામંત્રીઓના જૂથ સાથે શેર કરવામાં આવી છે.
Nex Gen GST Reforms: સરકાર GST સિસ્ટમને સરળ બનાવવા તરફ એક મોટું પગલું ભરવા જઈ રહી છે. 15 ઓગસ્ટના રોજ સ્વતંત્રતા દિવસ નિમિત્તે લાલ કિલ્લાની પ્રાચીર પરથી પોતાના ભાષણમાં આ જાહેરાત વડાપ્રધાન નરેન્દ્ર મોદીએ કરી હતી. પીએમ મોદીએ કહ્યું કે, GST માળખામાં મોટા ફેરફારો કરવામાં આવશે જેથી સામાન્ય લોકો અને વેપારીઓ માટે કર વ્યવસ્થા સરળ બની શકે.
હાલમાં દેશમાં GSTના ચાર દર લાગુ છે - 5 ટકા, 12 ટકા, 18 ટકા અને 28 ટકા. સમાચાર એજન્સી PTI અનુસાર, સરકાર 12 ટકા અને 28 ટકાના સ્લેબને નાબૂદ કરવાની તૈયારી કરી રહી છે. આ માટે, યોજનાની રૂપરેખા રાજ્યોના નાણામંત્રીઓના જૂથને સુપરત કરવામાં આવી છે અને સપ્ટેમ્બરમાં યોજાનારી GST કાઉન્સિલની બેઠકમાં આ અંગે અંતિમ નિર્ણય લઈ શકાય છે. તે પહેલાં મંત્રીઓનું જૂથ આ પ્રસ્તાવનો અભ્યાસ કરશે.
શું બદલાશે?
હાલમાં, આવશ્યક ચીજવસ્તુઓ પર કોઈ GST નથી. સાબુ, ટૂથપેસ્ટ વગેરે જેવી રોજિંદા વસ્તુઓ પર 5% GST, સામાન્ય વસ્તુઓ પર 12%, ઇલેક્ટ્રોનિક ગેજેટ્સ અને સેવાઓ પર 18% અને વૈભવી અને હાનિકારક વસ્તુઓ પર 28% GST વસૂલવામાં આવે છે.
નવા પ્રસ્તાવ મુજબ:
12% સ્લેબ નાબૂદ કરવામાં આવશે અને તેની હેઠળ આવતી વસ્તુઓને 5% GST હેઠળ લાવવામાં આવશે.
28% સ્લેબ નાબૂદ કરવામાં આવશે અને તેની મોટાભાગની વસ્તુઓ 18% હેઠળ લાવવામાં આવશે.
શું સસ્તું થશે?
5% GST પછી કઈ વસ્તુઓ સસ્તી થશે:
વાળનું તેલ, ટૂથપેસ્ટ, સાબુ, ટૂથ પાવડર, પ્રોસેસ્ડ ફૂડ, ફ્રોઝન શાકભાજી, કન્ડેન્સ્ડ મિલ્ક, નાસ્તો, કમ્પ્યુટર, મોબાઇલ, ગીઝર, પ્રેશર કૂકર, વેક્યુમ ક્લીનર્સ, વોટર ફિલ્ટર, ઇસ્ત્રી, સાયકલ, વાસણો, બાર્બેક્યુ, ભૂમિતિ બોક્સ, ગ્લોબ્સ, નકશા, કૃષિ મશીનરી, HIV ડાયગ્નોસ્ટિક કીટ, મોટાભાગની રસીઓ અને આયુર્વેદિક દવાઓ.
18% (અગાઉ 28%) પછી કઈ વસ્તુઓ સસ્તી થશે:
AC, ફ્રિજ, વોશિંગ મશીન, ટીવી, મોટરસાઇકલ સીટ, કાર, વીમો, પ્લાસ્ટિક ઉત્પાદનો, રેઝર, પ્રિન્ટર, એલ્યુમિનિયમ ફોઇલ, ખાંડની ચાસણી, પ્રોટીન કોન્સન્ટ્રેટ અને ટેમ્પર્ડ ગ્લાસ.
ટોપ સ્ટોરી
ટ્રેન્ડિંગ સમાચાર
