ગાડી બદલવાનો સુવર્ણ અવસર: સ્ક્રેપિંગ પોલિસીમાં 50% સુધીની છૂટ! પરિવહન મંત્રાલયનો મોટો નિર્ણય
New vehicle purchase: સરકાર પ્રદૂષણને અંકુશમાં લેવા માટે સતત પ્રયત્નશીલ છે. જૂના વાહનો નવા વાહનોની સરખામણીમાં વધુ પ્રદૂષણ ફેલાવે છે.
Vehicle scrapping policy: કેન્દ્ર સરકારે પ્રદૂષણને નિયંત્રણમાં લેવા માટે એક મહત્વપૂર્ણ પગલું ભર્યું છે. પરિવહન મંત્રાલયે વાહન સ્ક્રેપિંગ પોલિસી અંતર્ગત એક નવો પ્રસ્તાવ જારી કર્યો છે, જેના હેઠળ જૂના વાહનોને સ્ક્રેપ કરીને નવા વાહનોની ખરીદી પર 50% સુધીની ટેક્સ છૂટ મળશે. આ નિર્ણયથી પ્રદૂષણ ઘટાડવામાં મદદ મળશે અને નવા વાહનોની ખરીદીને પ્રોત્સાહન મળશે.
શું છે નવો પ્રસ્તાવ?
માર્ગ પરિવહન અને ધોરીમાર્ગ મંત્રાલયે BS-II અને તેનાથી પહેલાના ઉત્સર્જન ધોરણોવાળા વાહનોને સ્ક્રેપ કર્યા બાદ નવા વાહનોની ખરીદી પર એક વખતની કર મુક્તિ બમણી કરીને 50 ટકા કરવાની દરખાસ્ત કરી છે. હાલમાં જૂના ખાનગી વાહનોને સ્ક્રેપ કર્યા બાદ નવું વાહન ખરીદવા પર મોટર વ્હીકલ ટેક્સમાં 25 ટકા રિબેટ આપવામાં આવે છે, જ્યારે કોમર્શિયલ વાહનોના કિસ્સામાં આ રિબેટ 15 ટકા સુધી મર્યાદિત છે. હવે સરકાર તમામ વાહનો પર 50 ટકા ડિસ્કાઉન્ટ આપવાની તૈયારી કરી રહી છે.
24 જાન્યુઆરીએ જારી કરાયેલા ડ્રાફ્ટ નોટિફિકેશન મુજબ, 50 ટકા સુધીનું ડિસ્કાઉન્ટ એ તમામ વાહનો (ખાનગી અને કોમર્શિયલ બંને) પર લાગુ થશે જે BS-1 અનુરૂપ છે અથવા જેનું ઉત્પાદન BS-1 ધોરણના અમલીકરણ પહેલાં કરવામાં આવ્યું હતું. આ છૂટ મધ્યમ અને ભારે ખાનગી અને પરિવહન વાહનો હેઠળ આવતા BS-II વાહનોને પણ લાગુ પડશે. તમને જણાવી દઈએ કે વાહનો માટે BS-1 કાર્બન ઉત્સર્જન ધોરણ વર્ષ 2000માં ફરજિયાત બન્યું હતું, જ્યારે BS-2 વર્ષ 2002થી અમલમાં આવ્યું હતું.
શા માટે લેવાયો આ નિર્ણય?
સરકાર પ્રદૂષણને અંકુશમાં લેવા માટે સતત પ્રયત્નશીલ છે. જૂના વાહનો નવા વાહનોની સરખામણીમાં વધુ પ્રદૂષણ ફેલાવે છે. આથી, સરકાર જૂના અને પ્રદૂષિત વાહનોને રસ્તા પરથી હટાવવા માંગે છે. આ નિર્ણયથી લોકોને જૂના વાહનો સ્ક્રેપ કરવા અને નવા, ઓછા પ્રદૂષણ ફેલાવતા વાહનો ખરીદવા માટે પ્રોત્સાહન મળશે.
સ્ક્રેપિંગ સુવિધાઓ અને ટેસ્ટિંગ સ્ટેશન્સ
પરિવહન મંત્રાલયે રજિસ્ટર્ડ વ્હીકલ સ્ક્રેપિંગ ફેસિલિટીઝ (RVSF) અને ઓટોમેટેડ ટેસ્ટિંગ સ્ટેશન્સ (ATS)ના નેટવર્ક દ્વારા સમગ્ર દેશમાં અયોગ્ય પ્રદૂષિત વાહનોને તબક્કાવાર રીતે બહાર કાઢવા માટે સ્વૈચ્છિક વાહન આધુનિકીકરણ કાર્યક્રમ (VVMP) અથવા વાહન સ્ક્રેપિંગ શરૂ કર્યું છે. હાલમાં, 17 રાજ્યો/કેન્દ્રશાસિત પ્રદેશોમાં 60 થી વધુ નોંધાયેલ વાહન સ્ક્રેપિંગ સુવિધાઓ છે અને દેશના 12 રાજ્યો/કેન્દ્રશાસિત પ્રદેશોમાં 75 થી વધુ સ્વયંસંચાલિત પરીક્ષણ સ્ટેશન કાર્યરત છે અને ઘણા વધુ પાઇપલાઇનમાં છે.
આ પણ વાંચો....
ટ્રેન્ડિંગ સમાચાર
ટોપ સ્ટોરી
