બજાર ભાવથી 1200 રૂપિયા સસ્તામાં સરકાર વેચી રહી છે સોનું, જાણો રોકાણ કરવાની છેલ્લી તારીખ કઈ છે....

નાણાં મંત્રાલયના નિવેદન અનુસાર સોવરેન ગોલ્ડ બોન્ડ સ્કીમની પ્રથમ સીરીઝ માટે સબ્સક્રિપ્શન 17 મે, 2021થી ખુલશે અને 21 મે, 2021 સુધી રહેશે.

પ્રતિકાત્મક તસવીર

કોરોનાની મહામારીની બીજી લહેરમાં સોનું ફરી મોંઘુ થવા લાગ્યું છે. 24 કેરેટ સોનાનો ભાવ 48472 રૂપિયા પ્રતિ 10 ગ્રામ પર પહોંચી ગઈ છે. એવામાં જો તમો સોનું ખરીદવાનું વિચારી રહ્યા છો તો સરકાર હજુ પણ તમને બજાર ભાવ કરતાં સસ્તા ભાવે સોનું ખરીદવાની તક આપી રહી છે.

સોવરેન ગોલ્ડ બોન્ડ સ્કીમ અંતર્ગત 47770 રૂપિયા પ્રતિ 10 ગ્રાના ભાવથી સોનામાં રોકાણ કરી શકાય છે. આ ભાવ બજાર ભાવ કરતાં 702 રૂપિયા ઓછા છે. એવામાં તમે સોવરેન ગોલ્ડ બોન્ડમાં રોકામ કરીને વધારે લાઈ લઈ શકો છો. આ સ્કીમ 21 સુધી ખુલી રહેશે.

ડિજિટલ પેમેન્ટ કરવા પર મળશે 500 રૂપિયાનો વધારાનો લાભ

જે લોકો તેના માટે ઓનલાઈન અરજી કરશે અને ડિજિટલ પેમેન્ટ દ્વારા ચૂકવણી કરશે, તેને પ્રતિ ગ્રામ 50 રૂપિયાનું ડિસ્કાઉન્ટ મળશે. એટલે કે જો તમે આ માધ્યમથી ગોલ્ડ બોન્ડ લો છો તો તમને પ્રતિ 10 ગ્રામ 500 રૂપિયાનો વધારાનો ફાયદો થશે. એવામાં જો તમે ઓનલાઈન 10 ગ્રામ સોનું ખરીદો છો તો તમને 1205 રૂપિયાનો સીધો ફાયદો થશે.

નાણાં મંત્રાલય અનુસાર ભારતીય રિઝર્વ બેંકની ભલામણથી ભારત સરાકરે સોવરેન ગોલ્ડ બોન્ડ બહાર પાડવાનો નિર્ણય કર્યો છે. સોવરેન ગોલ્ડ બોન્ડ મે 2021થી સપ્ટેમ્બર 2021 સુધી છ ભાગમાં બહાર પાડવામાં આવશે.

નાણાં મંત્રાલયના નિવેદન અનુસાર સોવરેન ગોલ્ડ બોન્ડ સ્કીમની પ્રથમ સીરીઝ માટે સબ્સક્રિપ્શન 17 મે, 2021થી ખુલશે અને 21 મે, 2021 સુધી રહેશે. રોકાણકારો આ પાંજ દિવસમાં રોકાણ કરી શકશે. 25 મેના રોજ બોન્ડ ઈશ્યૂ કરવામાં આવશે.

ત્યાર બાદ 24 મેથી 28 મે સુધી બીજી સીરીઝ માટે સબ્સક્રિપ્શન ખુલશે. ત્યાર બાદ 31 મેથી ચાર જૂનની વચ્ચે ત્રીજી સીરીઝ, 12 જુલાઈથી 16 જુલાઈના ગાળામાં ચોથી સીરીઝનું સબ્સક્રિપ્શન ખુલશે. ત્યાર બાદ પાંચમી સીરીઝ 9 ઓગસ્ટથી 13 ઓગસ્ટ અને છઠ્ઠી સીરીઝ 30 ઓગસ્ટથી 3 સપ્ટેમ્બર સુધી ખુલી રહેશે.

સોવરિન ગોલ્ડ બોન્ડ વિશે જાણવા માટેની મુખ્ય બાબતો

આ યોજના હેઠળ ન્યુનતમ રોકાણ 1 ગ્રામ છે.

ગોલ્ડ બોન્ડ યોજના ડીમેટ અને પેપર ફોર્મમાં ઉપલબ્ધ છે.

બોન્ડ્સ સ્ટોક એક્સચેંજ એનએસઈ અને બીએસઈ દ્વારા વેચે છે. સ્ટોક હોલ્ડિંગ કોર્પોરેશન ઓફ ઈન્ડિયા (SHCIL), પોસ્ટઓફિસથી પણ ખરીદી કરી શકો છો. પરંતુ યાદ રાખજો કે સ્મોલ ફાઈનાન્સ બેન્કો અને પેમેન્ટ બેન્કો દ્વારા તેનું વેચાણ કરાશે નહીં.

આ યોજનાનો કાર્યકાળ આઠ વર્ષનો છે, જેમાં 5 મી વર્ષથી બહાર નીકળવાના વિકલ્પો છે.

લોન મેળવવા માટે ગોલ્ડ બોન્ડનો ઉપયોગ કોલેટરલ તરીકે થઈ શકે છે.

ગોલ્ડ બોન્ડ ભારત સરકાર દ્વારા ગેરેન્ટેડ છે.

રોકાણની કિંમત પર 2.5 ટકા ગેરેન્ટેડ ફિક્સ વ્યાજ પણ મળે છે.

બોન્ડનો ગાળો 8 વર્ષનો હોય છે અને 5માં વર્ષ બાદ પ્રીમેચ્યોર વિથડ્રોલ કરી શકાય છે.

3 વર્ષ બાદ તેના પર લોંગ ટર્મ કેપિટલ ગેન ટેક્સ લાગે છે.

મેચ્યોરિટી સુધી રાખવા પર કેપિટલ ગેન ટેક્સ નહીં લાગે.