Gold Silver Rate Today 10 January: આજે સસ્તા થયા સોનું અને ચાંદી, જાણો ભાવમાં કેટલો થયો ઘટાડો

આજે આંતરરાષ્ટ્રીય બજારમાં પણ સોના અને ચાંદીની કિંમતો નીચી રેન્જમાં જોવા મળી રહી છે.

પ્રતિકાત્મક તસવીર

Gold Silver Rate Update: સોનું અને ચાંદી આજે સસ્તા થઈ ગયા છે અને તમારા માટે ખરીદીની તક ઉભી થઈ છે. બુલિયન માર્કેટ પર નજર કરીએ તો છેલ્લા ઘણા દિવસોથી સોનું અને ચાંદી નીચલી રેન્જમાં કારોબાર કરતા જોવા મળી રહ્યા છે, ત્યારબાદ તેમાં ખરીદીની સારી તક છે.

આજે કેવા છે સોના-ચાંદીના ભાવ

જો તમે આજે એમસીએક્સ પર સોના અને ચાંદીના ભાવો પર નજર નાખો તો તેમાં લાલ નિશાનમાં કારોબાર જોવા મળી રહ્યો છે. મલ્ટી કોમોડિટી એક્સચેન્જ પર આજે, સોનાનો ફેબ્રુઆરી વાયદો રૂ. 100 ના ઘટાડા બાદ 0.21 ટકા ઘટીને રૂ. 47,352 પ્રતિ 10 ગ્રામ પર ટ્રેડ થઈ રહ્યો છે. ચાંદીની વાત કરીએ તો, તેનો માર્ચ વાયદો રૂ. 207 અથવા 0.34 ટકાના ઘટાડા સાથે રૂ. 60,400 પ્રતિ કિલોના ભાવે ટ્રેડ થઈ રહ્યો છે.

વૈશ્વિક બજારોમાં સોના અને ચાંદીના ભાવ

આજે આંતરરાષ્ટ્રીય બજારમાં પણ સોના અને ચાંદીની કિંમતો નીચી રેન્જમાં જોવા મળી રહી છે. કોમેક્સ પર, સોનાની કિંમત $5.6 અથવા 0.31 ટકા ઘટીને $1791.8 પ્રતિ ઔંસ પર વેપાર કરે છે. આ સિવાય ચાંદીમાં 0.55 ટકાનો ઘટાડો જોવા મળી રહ્યો છે અને તે 22.28 ડોલર પ્રતિ ઔંસ પર ટ્રેડ થઈ રહ્યો છે.

સોવરિન ગોલ્ડ બોન્ડ સ્કીમનો નવમો તબક્કો આજથી શરૂ થયો છે

સોવરિન ગોલ્ડ બોન્ડ સ્કીમનો નવમો તબક્કો, સોવરેન ગોલ્ડ બોન્ડ સ્કીમ 2021-22 (શ્રેણી IX) આજથી શરૂ થયો છે. આ યોજના હેઠળ, આજે એટલે કે 10 જાન્યુઆરીથી 14 જાન્યુઆરી સુધી, તમે સસ્તામાં સોનું ખરીદી શકો છો. આરબીઆઈએ સોવરિન ગોલ્ડ બોન્ડ 2021-22ની નવમી શ્રેણી માટે 4786 રૂપિયા પ્રતિ ગ્રામની ઈશ્યૂ કિંમત નક્કી કરી છે.

તમારા શહેરની સોનાની કિંમત જાણવા માટે આ નંબર પર કોલ કરો

તમે ઘરે બેઠા પણ સોનાની કિંમત ચેક કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો. આ રીતે તમે ઘરે બેઠા જ જાણી શકશો સોનાના લેટેસ્ટ રેટ.