મુકેશ અંબાણી સતત આઠમા વર્ષે ભારતના સૌથી ધનિક વ્યક્તિ, ટોપ-10માં ગુજરાતીઓનો દબદબો, જાણો કેટલી છે સંપત્તિ

રિલાયન્સ ઈન્ડસ્ટ્રીઝના ચેરમેન મુકેશ અંબાણી સતત આઠમા વર્ષે સૌથી ધનિક ભારતીયોની યાદીમાં ટોચ પર રહ્યા છે. તેમની કુલ સંપત્તિ 3.8 લાખ કરોડ રૂપિયા આંકવામાં આવી છે. આઈઆઈએફએલ વેલ્થ હુરન ઈન્ડિયાના ધનિકોના લિસ્ટ મુજબ, લંડન સ્થિત એસપી હિંદુજા અને તેમનો પરિવાર 1.5 લાખ કરોડ રૂપિયાની સંપત્તિ સાથે લિસ્ટમાં બીજા સ્થાન પર છે.

નવી દિલ્હીઃ રિલાયન્સ ઈન્ડસ્ટ્રીઝના ચેરમેન મુકેશ અંબાણી સતત આઠમા વર્ષે સૌથી ધનિક ભારતીયોની યાદીમાં ટોચ પર રહ્યા છે. તેમની કુલ સંપત્તિ 3.8 લાખ કરોડ રૂપિયા આંકવામાં આવી છે. આઈઆઈએફએલ વેલ્થ હુરન ઈન્ડિયાના ધનિકોના લિસ્ટ મુજબ, લંડન સ્થિત એસપી હિંદુજા અને તેમનો પરિવાર 1.5 લાખ કરોડ રૂપિયાની સંપત્તિ સાથે લિસ્ટમાં બીજા સ્થાન પર છે. વિપ્રોના અઝીમ પ્રેમજી ધનિક ભારતીયોના લિસ્ટમાં ત્રીજા સ્થાન પર છે. તેમની સંપત્તિ 1.2 લાખ કરોડ રૂપિયા રહી છે. 89,800 કરોડ રૂપિયાની સંપત્તિ સાથે સાયરલ પૂનાવાલા ચોથા,  87,800 કરોડ રૂપિયાની સંપત્તિ સાથે લક્ષ્મી મિત્તલ પાંચમા, 75,600 કરોડની સંપત્તિ સાથે ઉદય કોટક છઠ્ઠા, 70,600 કરોડની સંપત્તિ સાથે ગૌતમ અદાણી સાતમા, 67,300 કરોડની સંપત્તિ સાથે દિલીપ સંઘવી આઠમા,  67,100 કરોડની સંપત્તિ સાથે સાયરસ પલોનજી મિસ્ત્રી અને શાપોર પલોનજી મિસ્ત્રી નવમા ધનિક ભારતીય છે. ટોપ 10માં એક પણ મહિલાનો સમાવેશ થયો નથી. આ વખતની યાદીમાં 1000 કરોડ રૂપિયાથી વધારે પ્રોપર્ટીવાળાભારતીયોની સંખ્યા વધીને 953 થઈ છે. 2018માં આ સંખ્યા 831 હતી. ઉપરાંત ડોલરના હિસાબે અબજોપતિની સંખ્યા 141થી ઘટીને 138 થઈ છે. રિપોર્ટમાં કહેવામાં આવ્યું છે કે દેશના ટોચના 25 ધનિકોની કુલ સંપત્તિનું મૂલ્ય ભારતના જીડીપીના 10 ટકા બરાબર છે.  જ્યારે 1000 કરોડ રૂપિયાથી વધારેની સંપત્તિ ધરાવતા 953 ધનવાનોની કુલ સંપત્તિ દેશના જીડીપીના 27 ટકા બરાબર છે. રિપોર્ટ મુજબ ચાલુ વર્ષે ધનિકોની કુલ સંપત્તિમાં સામુહિક રીતે બે ટકાનો વધારો થયો છે, જ્યારે સરેરાશ સંપત્તિ વૃદ્ધિમાં 11 ટકા ઘટાડો થયો છે. યાદીમાં સામેલ 344 અમીરોની સંપત્તિ ચાલુ વર્ષે ઘટી છે. રિપોર્ટ મુજબ 246 એટલે કે 26 ટકા ધનિક ભારતીયો મુંબઈમાં રહે છે. દિલ્હીમાં 175 અને બેંગલુરુમાં 77 ધનિક ભારતીયો રહે છે. ઓયો રૂમ્સના રિતેશ અગ્રવાલ 7500 કરોડ રૂપિયાની સંપત્તિ સાથે સૌથી ઓછી ઉંમર (25)ના અબજપતિ છે. લિસ્ટમાં 152 મહિલાઓ પણ સામેલ છે. તેમની સરેરાશ ઉંમર 56 વર્ષ છે.  એચસીએલ ટેકનોલોજીસની 37 વર્ષીય રોશની નડાર સૌથી ધનિક ભારતીય છે. જે બાદ ગોદરેજ ગ્રુપના સ્મિતા કૃષ્ણાનો નંબર આવે છે. તેમની કુલ સંપત્તિ 31,400 કરોડ રૂપિયા છે. SBI ક્રેડિટ કાર્ડ ધારકો માટે માઠા સમાચાર, પેટ્રોલ-ડીઝલ પૂરાવવા પર નહીં મળે કેશબેક, જાણો વિગતે રન દોડતી વખતે એક જ છેડા પર ભેગા થઈ ગયા બંને બેટ્સમેન ને પછી બાખડી પડ્યા, જુઓ વીડિયો સુરતમાં ભારે બફારા બાદ તૂટી પડ્યો વરસાદ, વાતાવરણમાં પ્રસરી ઠંડક