Post office: પોસ્ટની આ સ્કીમમાં વર્ષે 1 લાખથી વધુ વ્યાજ મળશે, જાણો આ સ્કીમ વિશે

Post office: પોસ્ટની આ સ્કીમમાં વર્ષે 1 લાખથી વધુ વ્યાજ મળશે, જાણો આ સ્કીમ વિશે

પ્રતિકાત્મક તસવીર

કોઈ વ્યક્તિ શેર માર્કેટમાં રોકાણ કરે છે. કોઈ વ્યક્તિ મ્યુચ્યુઅલ ફંડમાં રોકાણ કરે છે. તો કોઈ વ્યક્તિ જુદી જુદી સ્કીમમાં રોકાણ કરે છે. ઘણા લોકો પોસ્ટ ઓફિસની ઘણી યોજનાઓમાં પણ રોકાણ કરે છે.

પોસ્ટ ઓફિસની એક યોજના પોસ્ટ ઓફિસ માસિક આવક યોજના છે. જેમાં રોકાણ કર્યા બાદ તમને સારું વ્યાજ પણ મળે છે. આ સ્કીમમાં રોકાણ કર્યા બાદ તમને વાર્ષિક 1 લાખ રૂપિયા સુધીનું વ્યાજ મળી શકે છે. તમે આનો લાભ કેવી રીતે લઈ શકો ?

બચત માટે પોસ્ટ ઓફિસની વિવિધ યોજનાઓમાં રોકાણ કરે છે. જો તમે પોસ્ટ ઓફિસ માસિક બચત આવક યોજનામાં રોકાણ કરો છો, તો તમે વાર્ષિક રૂ. 1 લાખથી વધુનું વ્યાજ મેળવી શકો છો. પોસ્ટ ઓફિસ માસિક બચત આવક યોજનામાં તમને વાર્ષિક 7.4% વ્યાજ મળે છે. આમાં ખાતું ખોલાવીને તમે વધુમાં વધુ 9 લાખ રૂપિયા જમા કરાવી શકો છો.

જોઈન્ટ એકાઉન્ટ ખોલો છો તો તમે તેમાં 15 લાખ રૂપિયા સુધી જમા કરાવી શકો છો. જો તમે વાર્ષિક 7.4%ના વ્યાજ દરે 15 લાખ રૂપિયા જમા કરો છો, તો તમે એક વર્ષમાં 1 લાખ 11 હજાર રૂપિયા સુધીનું વ્યાજ મેળવી શકો છો.

પોસ્ટ ઓફિસ માસિક આવક યોજનામાં રોકાણ કરવા માટે, તમારે પહેલા પોસ્ટ ઓફિસમાં તમારું બચત ખાતું ખોલાવવું પડશે. આ પછી તમારે નેશનલ સેવિંગ્સ મંથલી ઈન્કમ એકાઉન્ટ માટે ફોર્મ સબમિટ કરવાનું રહેશે.

આ સાથે, તમારે ફોર્મની સાથે ખાતામાં રકમ રોકડ અથવા ચેક દ્વારા જમા કરાવવાની રહેશે. આ પછી તમારું પોસ્ટ ઓફિસ માસિક આવક ખાતું ખોલવામાં આવશે. આ યોજના સંબંધિત માહિતી માટે તમે આ લિંકની મુલાકાત લઈ શકો છો.