Import Duty on LPG Cylinders: કેન્દ્ર સરકારનો મોટો નિર્ણય, LPG ની આયાત ડ્યૂટીમાં કર્યો ઘટાડો, જાણો ભાવ પર શું થશે અસર?

Import Duty on LPG Cylinders:કેન્દ્ર સરકારે ઘરેલુ LPG ગેસની આયાતને લઈને મોટો નિર્ણય લીધો છે.

પ્રતિકાત્મક તસવીર

Source : PTI

Import Duty on LPG Cylinders:  કેન્દ્ર સરકારે ઘરેલુ LPG ગેસની આયાતને લઈને મોટો નિર્ણય લીધો છે. સરકારે એલપીજીની આયાત ડ્યુટીમાં ઘટાડો કર્યો છે. ઉપરાંત, તેના પર લાગુ એગ્રી સેસ અને ઇન્ફ્રા સેસ 15 ટકાથી ઘટાડીને શૂન્ય કરી દીધો છે.

સરકારના આ નિર્ણય પહેલા ખાનગી કંપનીઓએ એલપીજી આયાત પર 15 ટકા ઈમ્પોર્ટ ડ્યૂટી અને 15 ટકા એગ્રી અને ઈન્ફ્રા સેસ ચૂકવવો પડતો હતો પરંતુ હવે આ કપાત બાદ ઈમ્પોર્ટ કોસ્ટમાં ઘટાડો થશે. નવી કિંમત 1લી સપ્ટેમ્બર એટલે કે આજથી લાગુ થશે જેની માહિતી સેન્ટ્રલ બોર્ડ ઓફ ઇનડાયરેક્ટ ટેક્સેસ એન્ડ કસ્ટમે આપી હતી.

સરકારે કસ્ટમ ચાર્જ લગાવ્યો હતો

કેન્દ્ર સરકારે 1 જૂલાઈથી ઘરેલુ એલપીજી સિલિન્ડર પર કસ્ટમ ડ્યૂટી 5 ટકાથી વધારીને 15 ટકા કરી હતી. આ સિવાય એલપીજી સિલિન્ડર પર એગ્રીકલ્ચર ઈન્ફ્રાસ્ટ્રક્ચર એન્ડ ડેવલપમેન્ટ સેસ (AIDC) વધારીને 15 ટકા કરવામાં આવ્યો છે.

સરકારી ઓઈલ કંપનીઓ પર કોઈ અસર નહીં

કસ્ટમ ડ્યુટીમાં વધારાથી સરકારી ઓઈલ કંપનીઓ ઈન્ડિયન ઓઈલ કોર્પોરેશન લિમિટેડ, હિન્દુસ્તાન પેટ્રોલિયમ કોર્પોરેશન લિમિટેડ અને ભારત પેટ્રોલિયમ કોર્પોરેશન લિમિટેડની આયાત પર કોઈ અસર થઈ નથી. આ ટેક્સ વધારાથી સામાન્ય લોકો પર તેની અસર થતી નથી.

કોમર્શિયલ ગેસ સિલિન્ડરના ભાવમાં ઘટાડો

1 સપ્ટેમ્બરથી કોમર્શિયલ ઉપયોગ માટેના ગેસ સિલિન્ડરની કિંમતમાં લગભગ 158 રૂપિયાનો ઘટાડો કરવામાં આવ્યો છે. આ ઘટાડા સાથે નવી દિલ્હીમાં કોમર્શિયલ ગેસ સિલિન્ડરની કિંમત 1,522 રૂપિયા પ્રતિ યુનિટ થઈ ગઈ છે. આ વર્ષે કોમર્શિયલ ગેસ સિલિન્ડરની કિંમત દર મહિને બદલાઈ રહી છે.                             

ઘરેલું ગેસના ભાવમાં ઘટાડો

રક્ષાબંધનના એક દિવસ પહેલા ભારત સરકારે ઘરેલું રસોઈ ગેસ સિલિન્ડરની કિંમતમાં 200 રૂપિયાનો ઘટાડો કરવાની જાહેરાત કરી હતી. પ્રધાનમંત્રી ઉજ્જવલા યોજનાના લાભાર્થીઓ માટે યુનિટ દીઠ 400 રૂપિયાનો ઘટાડો કરવામાં આવ્યો હતો.  પેટ્રોલિયમ મંત્રાલયે સરકારી ઓઈલ કંપનીઓને કહ્યું છે કે સરકારી ઓઈલ કંપનીઓએ પોતે જ સામાન્ય ગ્રાહકોને આપરવામાં આવનાર 200 રૂપિયાની સબસિડીનો બોજ ઉઠાવવો પડશે. સૂત્રોના જણાવ્યા અનુસાર આ સમાચાર આવ્યા છે. પ્રધાનમંત્રી ઉજ્જવલા યોજનાના લાભાર્થીઓને 200 રૂપિયાની વધારાની સબસિડી આપવાનો નિર્ણય લેવામાં આવ્યો છે.