Gold Silver Price: સોના-ચાંદીના ભાવમાં મોટો ઘટાડો, જાણો શું છે તેની પાછળનું ખાસ કનેક્શન
Gold Silver Price: આંતરરાષ્ટ્રીય સ્તરે કૉમેક્સ (કોમૉડિટી માર્કેટ) સોનાનો વાયદો ઔંસ દીઠ $23.50 અથવા 0.88 ટકા ઘટીને $2,657.50 પ્રતિ ઔંસ થયો હતો
Gold Silver Price: આંતરરાષ્ટ્રીય બજારોમાં નબળા વલણ વચ્ચે સોમવારે એટલે કે આજે દેશની રાજધાની દિલ્હીના બૂલિયન માર્કેટમાં સોનાની કિંમત 200 રૂપિયા ઘટીને 79,200 રૂપિયા પ્રતિ 10 ગ્રામ પર આવી ગઈ છે. જ્યારે શુક્રવારે 99.9 ટકા શુદ્ધતાવાળા સોનાની કિંમત 79,400 રૂપિયા પ્રતિ 10 ગ્રામ પર બંધ થઈ હતી.
આ સિવાય ઔદ્યોગિક એકમો અને સિક્કા બનાવતી એકમોની નબળી માંગને કારણે ચાંદી પણ રૂ. 2,200 ઘટીને રૂ. 90,000 પ્રતિ કિલોગ્રામ પર આવી ગઈ હતી. વળી, છેલ્લા ટ્રેડિંગ સેશનમાં તે રૂ. 92,200 પ્રતિ કિલોગ્રામ પર બંધ થયો હતો. 99.5 ટકા શુદ્ધતાવાળા સોનાની કિંમત આજે એટલે કે સોમવારે રૂ. 200 ઘટીને રૂ. 78,800 પ્રતિ 10 ગ્રામ થઈ ગઈ છે. જ્યારે શુક્રવારે સોનું 79,000 રૂપિયા પ્રતિ 10 ગ્રામ હતું.
ઇન્ટરનેશનલ લેવલ પર પણ કિંમતમાં થયો ઘટાડો
આંતરરાષ્ટ્રીય સ્તરે કૉમેક્સ (કોમૉડિટી માર્કેટ) સોનાનો વાયદો ઔંસ દીઠ $23.50 અથવા 0.88 ટકા ઘટીને $2,657.50 પ્રતિ ઔંસ થયો હતો. સમાચાર એજન્સી પીટીઆઈ સાથે વાત કરતા, આનંદ રાઠી શેર્સ એન્ડ સ્ટૉક બ્રોકર્સના આસિસ્ટન્ટ વાઈસ-પ્રેસિડેન્ટ (કોમૉડિટીઝ અને કરન્સી) મનીષ શર્માએ જણાવ્યું હતું કે, "એશિયન વેપાર દરમિયાન ઈન્ટ્રા-ડે ઈન્ટ્રા-ડે 2,621 ડૉલરની નીચી સપાટીએ પહોંચ્યા પછી, સોનું ઘટ્યું હતું. ઘટાડો ચાલુ રહ્યો હતો.
શર્માનું કહેવું છે કે, આ ઘટાડો ડૉલરમાં સુધારાને કારણે થયો છે. યુએસ બૉન્ડ યીલ્ડમાં વધારો અને પ્રમુખ-ચૂંટાયેલા ડોનાલ્ડ ટ્રમ્પના સૂચિત ટેરિફ દરોને લગતી ફૂગાવાની ચિંતાને કારણે આને પ્રોત્સાહન મળ્યું છે.
ઇઝરાયેલ-લેબનાન કનેક્શન
કોટક સિક્યૉરિટીઝના આસિસ્ટન્ટ વાઈસ પ્રેસિડેન્ટ (કોમૉડિટી રિસર્ચ) કાઈનત ચેઈનવાલાએ ન્યૂઝ એજન્સી ભાષા સાથે વાત કરતા કહ્યું કે, “ગયા અઠવાડિયે કૉમેક્સ સોનું નબળા વલણ સાથે બંધ થયું, કારણ કે ઈઝરાયેલ અને હિઝબુલ્લા વચ્ચે યુદ્ધવિરામ કરાર પછી લેબનાનમાં, સલામત- રોકાણના વિકલ્પ તરીકે માંગમાં ઘટાડો થયો છે.
વધુમાં, સતત ફૂગાવા અંગેની ચિંતાએ આવતા વર્ષે રેટ કટની ગતિ અંગે શંકા ઊભી કરી છે, એમ તેમણે જણાવ્યું હતું. એશિયાઈ વેપારમાં ચાંદી પણ 1.36 ટકા ઘટીને US $30.69 પ્રતિ ઔંસ થઈ ગઈ છે.
આ પણ વાંચો
PF Account Rules: શું PF ખાતામાં અલગથી પૈસા જમા કરી શકો છો તમે? જાણો જવાબ
ટ્રેન્ડિંગ સમાચાર
ટોપ સ્ટોરી
