ગેસ સિલિન્ડર બુકિંગના નિયમોમાં મોટો ફેરફાર: હવે આ એક 'નંબર' વિના નહીં મળે તમારો બાટલો

છેતરપિંડી અટકાવવા સરકારનો નવો નિયમ: જાણો શું છે DAC કોડ અને તેને કેવી રીતે મેળવવો.

LPG Cylinder New Rule 2026, Mandatory DAC Number to Stop Delivery Fraud

Source : ANI

Show Quick Read

Key points generated by AI, verified by newsroom

• LPG સિલિન્ડર ડિલિવરી માટે DAC નંબર જરૂરી.
• DAC એટલે ડિલિવરી ઓથેન્ટિકેશન કોડ, OTP જેવો.
• બુકિંગ બાદ રજિસ્ટર્ડ મોબાઈલ પર કોડ આવશે.
• છેતરપિંડી રોકવા માટે સરકાર દ્વારા નવો નિયમ.

LPG DAC number rule 2026: જો તમે પણ ઘરેલું ગેસ સિલિન્ડરનો ઉપયોગ કરો છો, તો આ સમાચાર તમારા માટે ખૂબ જ મહત્વના છે. આજકાલ ગેસ બુકિંગને લઈને ઘણી છેતરપિંડીના કિસ્સાઓ સામે આવી રહ્યા છે. ઘણા કિસ્સાઓમાં તો લોકો બુકિંગ કરાવે અને કોઈ બીજું જ વ્યક્તિ તેમનો સિલિન્ડર લઈ જાય છે. અમેરિકા અને ઈરાન વચ્ચેના વૈશ્વિક તણાવને કારણે જ્યારે ગેસની અછત વર્તાવા લાગી, ત્યારે આવા ફ્રોડના કિસ્સાઓ વધુ વધ્યા છે. આ તમામ સમસ્યાઓ અને છેતરપિંડીને રોકવા માટે સરકારે LPG સિલિન્ડરની ડિલિવરી માટે એક નવો નિયમ લાગુ કર્યો છે. હવેથી તમારો ગેસ સિલિન્ડર તમારા ઘર સુધી પહોંચે ત્યારે તમારે ડિલિવરી બોયને એક ખાસ નંબર આપવો પડશે, જેને 'DAC નંબર' કહેવાય છે. આ નંબર વિના તમને તમારો સિલિન્ડર મળશે નહીં.

શું છે આ DAC નંબર અને તે કેમ જરૂરી છે?

DAC નું પૂરું નામ છે 'ડિલિવરી ઓથેન્ટિકેશન કોડ' (Delivery Authentication Code). આ એક પ્રકારનો OTP (વન ટાઈમ પાસવર્ડ) જ છે. જ્યારે તમે ગેસ સિલિન્ડર બુક કરાવશો, ત્યારે આ કોડ તમારા રજિસ્ટર્ડ મોબાઈલ નંબર પર આવશે. જ્યારે ડિલિવરી એજન્ટ સિલિન્ડર લઈને આવે, ત્યારે તમારે આ કોડ તેને બતાવવાનો રહેશે, ત્યારબાદ જ તે તમને સિલિન્ડર સોંપશે. આ નિયમ મોટાભાગની જગ્યાએ લાગુ કરી દેવાયો છે અને લગભગ 92 ટકા ડિલિવરી હવે આ કોડ દ્વારા જ થઈ રહી છે.

કેવી રીતે મેળવવો આ DAC નંબર?

બુકિંગ કરો: સૌથી પહેલા તમારે હંમેશની જેમ ગેસ એજન્સીના નંબર પર કૉલ કરીને, SMS દ્વારા, IVRS થી અથવા ઓનલાઈન વેબસાઈટ પર જઈને તમારો સિલિન્ડર બુક કરાવવાનો રહેશે.

કોડની રાહ જુઓ: તમારું બુકિંગ કન્ફર્મ થયા પછી, તરત જ તમારા રજિસ્ટર્ડ મોબાઈલ નંબર પર SMS, WhatsApp અથવા ઈમેલ દ્વારા એક DAC નંબર આવશે.

કોડ સાચવી રાખો: આ કોડને OTP ની જેમ જ સાચવી રાખો અને કોઈ અજાણ્યા વ્યક્તિ સાથે શેર ન કરો.

ડિલિવરી બોયને કોડ આપો: જ્યારે ડિલિવરી બોય તમારા ઘરે સિલિન્ડર લઈને આવે, ત્યારે જ તેને આ કોડ કહો. કોડ મેચ થયા પછી જ તમને તમારો સિલિન્ડર મળશે.

ટેકનિકલ ખામી સુધારવામાં આવી

શરૂઆતમાં આ સિસ્ટમમાં થોડી મુશ્કેલી આવી હતી. માર્ચ મહિનામાં ઘણા ગ્રાહકોની ફરિયાદ હતી કે તેમણે બુકિંગ અને પેમેન્ટ કરી દીધું હોવા છતાં તેમને DAC કોડ નહોતો મળતો, જેથી ડિલિવરીમાં તકલીફ પડતી હતી. આનું મુખ્ય કારણ એ હતું કે કોડ માત્ર રજિસ્ટર્ડ નંબર પર જ જતો હતો. પરંતુ હવે સરકારે આ ટેકનિકલ ખામી સુધારી લીધી છે. હવે આ કોડ બુકિંગ વખતે આપેલા WhatsApp નંબર અથવા ઇમેઇલ આઈડી પર પણ મળી શકશે, જેથી ગ્રાહકોને કોઈ હાલાકી ન ભોગવવી પડે.

સરકારનું શું કહેવું છે?

પેટ્રોલિયમ અને કુદરતી ગેસ મંત્રાલયના સંયુક્ત સચિવ સુજાતા શર્માએ ખાતરી આપી છે કે દેશમાં ઘરેલું LPG નો પૂરતો પુરવઠો છે અને કોઈ અછત નથી. તેમણે જણાવ્યું હતું કે આ DAC સિસ્ટમ અને બુકિંગ પ્રક્રિયાને વધુ પારદર્શક બનાવવાના પગલાંથી ગ્રાહકોનો વિશ્વાસ વધશે અને બ્લેક માર્કેટિંગ તેમજ છેતરપિંડી પર સંપૂર્ણ બ્રેક વાગશે.

આ પણ વાંચો

દર મહિને ₹10,000 ની SIP થી 10000000 રૂપિયાનું ફંડ ક્યારે બનશે? સરળ ભાષામાં ગણતરી સમજો