હવે 500ની નોટને લઈને મોટા સમાચાર, RBI 24 કલાક, સાતેય દિવસ કરી રહ્યું છે આ કામ

આરબીઆઈએ ₹2,000ની નોટો પાછી ખેંચવાની જાહેરાત કરી અને લોકોને 30 સપ્ટેમ્બર પહેલા તેમના ખાતામાં બદલી અથવા જમા કરવાની મંજૂરી આપી.

પ્રતિકાત્મક તસવીર

500 Note: 2000ની નોટોનું ચલણ બંધ થયા બાદ ભારતીય રિઝર્વ બેંક તરફથી નવો ઓર્ડર આવ્યો છે. 2000ની નોટ બદલવા માટે રિઝર્વ બેંક ઓફ ઈન્ડિયાએ પ્રિન્ટિંગ પ્રેસને અઠવાડિયાના 7 દિવસ દિવસના 24 કલાક કામ કરવા માટે કહ્યું છે. તમને જણાવી દઈએ કે, 23 મેથી 2000ની નોટ બદલવાની પ્રક્રિયા શરૂ થઈ ગઈ છે, આવી સ્થિતિમાં લોકો મોટી માત્રામાં 2000 લઈને બેંકોમાં પહોંચી રહ્યા છે.

અડધો દિવસ પણ પૂરો થયો નથી કે બેંકોમાં 500ની નોટોની અછત સર્જાઈ છે. હવે તેને સપ્લાય કરવા માટે રિઝર્વ બેંક ઓફ ઈન્ડિયાએ પ્રિન્ટિંગ પ્રેસને 24 કલાક નોટો છાપવા માટે કહ્યું છે.

શુક્રવારે, આરબીઆઈએ ₹2,000ની નોટો પાછી ખેંચવાની જાહેરાત કરી અને લોકોને 30 સપ્ટેમ્બર પહેલા તેમના ખાતામાં બદલી અથવા જમા કરવાની મંજૂરી આપી.

2016માં ₹500 અને ₹1,000ની નોટો બંધ કરવામાં આવ્યા પછી, RBIએ તેમને બદલવા માટે ₹200, ₹500 અને Rs 2,000ની નવી નોટો છાપવા માટે પ્રેસમાં કામ વધારી દીધું હતું. પીટીઆઈના અહેવાલ મુજબ, નાસિકમાં આરબીઆઈના કરન્સી પ્રેસમાં એપ્રિલ 2018 સુધીમાં પ્રિન્ટિંગની ઉગ્ર માગને કારણે શાહી ખતમ થઈ ગઈ હતી. જો કે, આ વખતે, ચલણનું મૂલ્ય ઘણું ઓછું છે - ₹3.6 ટ્રિલિયન, જે 2016માં ₹15.4 ટ્રિલિયન હતું.

RBIના ડેટા અનુસાર, માર્ચ 2018માં ₹2,000ની નોટોનું સંયુક્ત મૂલ્ય ₹6.73 ટ્રિલિયનની ટોચે પહોંચ્યું હતું. આ નોટોને પાછી ચલણમાં ન મૂકીને RBI દ્વારા પાંચ વર્ષમાં તેમાંથી લગભગ ₹3.11 ટ્રિલિયન તબક્કાવાર બહાર પાડવામાં આવ્યા હતા.

આ સમય દરમિયાન, આરબીઆઈએ 30 માર્ચ 2022ના રોજ ધીમે ધીમે ₹500ની નોટની પ્રિન્ટિંગ વધારીને ₹22.7 ટ્રિલિયનને સ્પર્શી હતી.

હાલમાં, દેશમાં ચાર કરન્સી પ્રેસ છે. ભારતીય રિઝર્વ બેંક નોટ મુદ્રાન પ્રા. લિ., આરબીઆઈનું એક એકમ, મૈસુર (કર્ણાટક) અને સાલ્બોની (પશ્ચિમ બંગાળ)માં એક-એક પ્રેસ ધરાવે છે. સિક્યોરિટી પ્રિન્ટિંગ એન્ડ મિન્ટિંગ કોર્પોરેશન ઓફ ઈન્ડિયા લિમિટેડ દેવાસ (મધ્યપ્રદેશ) અને નાસિક (મહારાષ્ટ્ર)માં બે પ્રેસ ધરાવે છે.

સામાન્ય રીતે, આ પ્રેસ ચલણી નોટો છાપવા માટે બે પાળીમાં કામ કરે છે.

આ પણ વાંચોઃ