PIB Fact Check: તમને 25 લાખના લોટરી લાગી છે ? આવો મેસેજ મળે તો ચેતી જાજો નહીંતર....
Fact Check: જો તમને કોઈ ફોન આવે અને તમે લોટરી કે ઈનામ જીતી ગયા હોવાની માહિતી આપે, તો માની લો કે તે કોઈ સાયબર ક્રિમિનલનો ફોન છે.
PIB Fact Check : ડિજિટલ ક્રાંતિના આગમન સાથે દેશમાં સાયબર ક્રાઈમ પણ ઝડપથી વધી રહ્યો છે. લોકોને પોતાની જાળમાં ફસાવવા માટે સાયબર ગુનેગારોએ વિવિધ યુક્તિઓ અપનાવવાનું શરૂ કર્યું છે. હાલ સોશિયલ મીડિયા પર એક મેસેજ ઝડપથી વાયરલ થઈ રહ્યો છે, જેમાં મેગા શો કૌન બનેગા કરોડપતિમાં 25 લાખ રૂપિયાની લોટરીનો દાવો કરવામાં આવી રહ્યો છે.
શું છે વાયરલ મેસેજમાં
સોશિયલ મીડિયા વાયરલ થયેલા મેસેજમાં દાવો કરવામાં આવી રહ્યો છે કે તમને 25,00,000 ની લોટરી લાગી છે. કૌન બનેગા કરોડપતિમાં લોટરી લાગી છે.
શું છે વાયરલ મેસેજનું સત્ય
સોશિયલ મીડિયા પર મેસેજ વાયરલ થયા બાદ PIBની ફેક્ટ ચેક ટીમે તેની તપાસ શરૂ કરી હતી. તપાસમાં જાણવા મળ્યું કે લોટરી અંગે જે મેસેજ વાયરલ થઈ રહ્યો છે તે સંપૂર્ણ રીતે નકલી છે. PIBએ તેના સત્તાવાર ટ્વિટર હેન્ડલ પરથી વાયરલ સંદેશ શેર કર્યો અને કહ્યું, આવા લોટરી કૌભાંડોથી સાવધ રહો. ભારત સરકારનો આ પ્રકારની લોટરી સાથે કોઈ સંબંધ નથી. આ સાથે લોકોને ચેતવણી આપવામાં આવી હતી કે તેઓ આવા કોલ્સ, મેઈલ અને મેસેજ પર તેમની અંગત માહિતી શેર ન કરે.
फोन कॉल, ई-मेल और मैसेज पर धोखेबाजों द्वारा यह #फ़र्ज़ी दावा किया जा रहा है कि प्राप्तकर्ता ने ₹25,00,000 की लॉटरी जीती है। #PIBFactCheck
— PIB Fact Check (@PIBFactCheck) August 23, 2022
▶️ऐसे लॉटरी स्कैम से सावधान रहें।
▶️इस तरह के कॉल, मेल और मैसेज पर अपनी निजी जानकारी साझा ना करें।
🔗https://t.co/qQYdoShE0v pic.twitter.com/YUEKyis5oO
આ સાવધાની રાખો
- જો તમને કોઈ ફોન આવે અને તમે લોટરી કે ઈનામ જીતી ગયા હોવાની માહિતી આપે, તો માની લો કે તે કોઈ સાયબર ક્રિમિનલનો ફોન છે.
- આવા સંદેશાઓને નજીકથી જોવાથી ખરાબ ફોર્મેટિંગ, વ્યાકરણની ભૂલો અને અન્ય સ્પષ્ટ સંકેતો દેખાશે કે સંદેશ અસલી નથી.
- આ છેતરપિંડી કરનારાઓ તમારા લોભનો ફાયદો ઉઠાવે છે. તમારા લોભથી આંધળા થઈને, તમે પાયાની સાવચેતીઓ લેવાનું ભૂલી જાઓ છો જેમ કે પરિવારના સભ્યો સાથે ચર્ચા કરવી, વૈકલ્પિક માધ્યમો દ્વારા માહિતીની ચકાસણી કરવી વગેરે.
- ફોન કરનારની ગોપનીયતા જાળવવા પર ભાર મૂકવામાં આવે છે, જે સમગ્ર બાબતમાં કંઈક ખોટું હોવાનો સંકેત છે.
પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.
ટોપ સ્ટોરી
ટ્રેન્ડિંગ સમાચાર
