PIB Fact Check: 'આધાર કાર્ડ પર સરકાર આપી રહી છે 5 લાખ સુધીની લોન', જાણો શું છે તેનું સત્ય

જ્યાં સુધી સરળ લોન આપવાની વાત છે, સરકારે મુદ્રા લોન યોજના શરૂ કરી દીધી છે.

પ્રતિકાત્મક તસવીર

PIB Fact Check: આજકાલ સોશિયલ મીડિયા પર એક મેસેજ ઝડપથી વાયરલ થઈ રહ્યો છે કે મોદી સરકાર આધાર કાર્ડ પર સરળ લોન આપી રહી છે. જો તમને પણ આવો મેસેજ મળ્યો હોય તો તેનો શિકાર બનતા પહેલા આ સમાચાર વાંચો.

શું છે વાયરલ મેસેજમાં

સોશિયલ મીડિયા પર ફેલાતા આ મેસેજમાં દાવો કરવામાં આવી રહ્યો છે કે કેન્દ્ર સરકાર તમામ નાગરિકોને તેમના આધાર કાર્ડ પર 4.78 લાખ રૂપિયાની લોન આપી રહી છે. જેની પાસે આધાર કાર્ડ છે તેઓ આ લોન માટે અરજી કરી શકે છે. અગાઉ એક વાયરલ મેસેજમાં એવો પણ દાવો કરવામાં આવી રહ્યો હતો કે સરકાર બેરોજગાર યુવાનોને 6,000 રૂપિયાનું ભથ્થું આપી રહી છે અને તેનું રજીસ્ટ્રેશન પણ શરૂ થઈ ગયું છે.

સરકારે શું કહ્યું

વાયરલ પોસ્ટના તથ્યો તપાસ્યા બાદ પીઆઈબી વતી ટ્વીટ કરીને સ્થિતિ સ્પષ્ટ કરવામાં આવી હતી. પીઆઈબીએ કહ્યું કે આ દાવો સંપૂર્ણપણે બોગસ છે અને સરકાર દ્વારા આવી કોઈ લોન આપવામાં આવી રહી નથી. પીઆઈબીએ લોકોને આવા મેસેજ શેર ન કરવાની સલાહ પણ આપી છે. પીઆઈબીએ કહ્યું કે છેતરપિંડી કરનારાઓ આવા બ્લફ આપીને લોકો પાસેથી તેમની અંગત માહિતી એકત્ર કરે છે, જેથી તેમના ખાતામાં ઘૂસવાનું સરળ બને.

It is being claimed that the central government is providing a loan of ₹4,78,000 to all Aadhar card owners#PibFactCheck

▶️ This claim is #fake

▶️ Do not forward such messages

▶️ Never share your personal/financial details with anyone pic.twitter.com/U5gbE3hCLD

— PIB Fact Check (@PIBFactCheck) August 16, 2022

દરેક મેસેજની હકીકત તપાસો

ઉલ્લેખનીય છે કે કોઈપણ વાયરલ મેસેજ પર વિશ્વાસ કરતા પહેલા તેની ફેક્ટ ચેક કરી લો. આજકાલ સોશિયલ મીડિયા પર આવા ઘણા મેસેજ ખૂબ વાયરલ થાય છે. આવી સ્થિતિમાં કોઈપણ મેસેજ પર વિશ્વાસ કરીને તમારી અંગત વિગતો શેર ન કરો. આ સાથે સ્કીમનો લાભ લેવા માટે વિચાર્યા વગર કોઈના ખાતામાં પૈસા ટ્રાન્સફર ન કરો.

PIB ફેક્ટ ચેક શું છે?

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.