રિલાયન્સની AGMમાં મુકેશ અંબાણીના આ 9 ફેંસલાએ જીતી લીધા લોકોના દિલ, જાણો કઈ કઈ જાહેરાત કરી

રિલાયન્સ ઈન્ડસ્ટ્રીઝના ચેરમેન મુકેશ અંબાણીએ સોમવારે 42મી વાર્ષિક સામાન્ય સભામાં કંપનીના શેરહોલ્ડર્સને સંબોધન કર્યું હતું. આ દરમિયાન મુકેશ અંબાણીએ આમ આદમીને ફાયદો થાય તેવી અનેક જાહેરાત કરી હતી.

મુંબઈઃ રિલાયન્સ ઈન્ડસ્ટ્રીઝના ચેરમેન મુકેશ અંબાણીએ સોમવારે 42મી વાર્ષિક સામાન્ય સભામાં કંપનીના શેરહોલ્ડર્સને સંબોધન કર્યું હતું. આ દરમિયાન મુકેશ અંબાણીએ આમ આદમીને ફાયદો થાય તેવી અનેક જાહેરાત કરી હતી. (1) જિયો ગીગા ફાઇબર પ્રીમિયર સર્વિસ અંતર્ગત ગ્રાહક ઘરે બેઠા ફિલ્મ રિલીઝ થાય તે દિવસે જ જોઈ શકશે. રિલાયન્સની આ સર્વિસ 2020માં લોન્ચ થશે. જ્યારે કોઈ ફિલ્મ થિયેટરમાં રિલીઝ થશે ત્યારે તમે થિયેટરમાં ગયા વગર ઘરે બેઠા ફિલ્મ જોઈ શકશો. (2) મુકેશ અંબાણીએ 5 સપ્ટેમ્બરથી જિઓ ગીગાફાઈબરના કોમર્શિયલ લોન્ચની જાહેરાત કરી છે. મુકેશ અંબાણીએ જણાવ્યું કે, રિલાયન્સ જિયોના ત્રણ વર્ષ પૂરા થવા પર 5 સપ્ટેમ્બર 2019થી જિઓ ગીગા ફાઈબરની કોમર્શિયલ સેવાઓ સમગ્ર દેશમાં ઉપલબ્ધ હશે. તેમણે જણાવ્યું કે, જિઓ ગીગા ફાઈબરની ઓછામાં ઓછી સ્પીડ 100 એમબીપીએસ હશે જે 1 જીબીપીએસ સુધી જશે. તેના માટે ગ્રાહકોએ 700 રૂપિયાથી લઈને 10000 હજાર રૂપિયા પ્રતિમાસ ખર્ચ કરવો પડશે. અમેરિકા અને કેનેડા કોલિંગ માટે અનલિમિટેડ પ્લાન 500 રૂપિયા પ્રતિ માસ હશે. (3) એજીએમમાં જિયો ગીગા ફાઈબરના પ્લાન્સની જાણકારી આપતા મુકેશ અંબાણીએ જણાવ્યું કે, ગ્રાહકોને સારો અનુભવ આપવા માટે રિલાયન્સ જિયોએ ગીગા ફાઈબર અને જિયો સેટ ટોપ બોક્સમાં અનેક પ્લાન્સ બનાવ્યા છે. મુકેશ અંબાણી જણાવ્યું કે, જે ગ્રાહકો જિઓ ગીગા ફાઈબર અને જિઓ સેટ ટોપ બોક્સનો જિયો ફોર એવર પ્લાન્સ લેશે, તેને કંપની તરફથી 4કે ટીવી અને એચડી 4કે સેટ ટોપ બોક્સ ફ્રીમાં આપવામાં આવશે. જોકે, હાલમાં પ્લાન્સની કિંમત વિશે કોઈ જાણકારી આપવામાં આવી નથી. (4) સ્ટાર્ટ અપને ફ્રી ઈન્ટરનેટ, નેટવર્ક કનેક્ટિવિટી અને ક્લાઉડ ઇન્ફ્રાસ્ટ્રક્ચરનો પૂરો ખર્ચ જિયો ઉઠાવશે. ભવિષ્યમાં રિલાયન્સ જિયો સ્ટાર્ટ અપમાં રોકાણ કરવાનું વિચારી શકે છે. તેની સાથે જ રિલાયન્સ જિયોએ સુક્ષ્મ, લઘુ અને મધ્યમ ઉદ્યોગોને 1500 રૂપિયા પ્રતિ માસ પર કનેક્ટિવિટી અને એપ્લિકેશન ઉપલબ્ધ કરાવવાની જાહેરાત કરી છે. (5 ) રિલાયન્સના ચેરમેને એજીએમમાં પુલવામા આતંકી હુમલામાં શહીદ થયેલા જવાનોના બાળકોના અભ્યાસનો પૂરો ખર્ચ ઉઠાવવાની જાહેરાત કરી. મુકેશ અંબાણીની આ પહેલથી એજીએમ મીટિંગનો હોલ તાળીઓના ગડગડાટથી ગુંજી ઉઠ્યો હતો. (6) કલમ 370 ખતમ થયા બાદ જમ્મુ-કાશ્મીર અને લદાખમાં રિલાયન્સ ઈન્ડસ્ટ્રીઝ રોકાણ કરશે. અંબાણીએ કહ્યું પ્રધાનમંત્રી નરેન્દ્ર મોદીના જમ્મુ-કાશ્મીર અને લદાખના વિઝનને જોતા અમારી કંપની ત્યાં રોકાણ કરશે. (7) રિલાયન્સ જિયોના સેટ ટોપ બોક્સમાં મિકસ્ડ રિયલિટી સર્વિસનો લાભ પણ ગ્રાહકોને મળશે. તેમાં MR શોપિંગ, એમઆર એજ્યુકેશન અને એમઆર મૂવી વોચિંગ એક્સપીરિયન્સ સામેલ છે. એમઆર શોપિંગ દ્વારા સબ્સ્ક્રાઇબર્સ કપડાં પણ ખરીદી શકશે. (8) રિલાયન્સ જિયો ઈન્સ્ટીટ્યૂટમાં ઉચ્ચ શિક્ષણ, સ્પોર્ટ્સ અને રિસર્ચ જેવી સુવિધાઓ મળશે. મુકેશ અંબાણીએ કહ્યું સરકાર તરપથી ઈન્સ્ટીટ્યૂટ માટે લેટર ઓફ ઈન્ટેન્ટ મળી ગયો છે. (9) નાના દુકાનદારો માટે રિલાયન્સ જિયો મર્ચન્ટ પોઈન્ટ ઓફ સેલ (POS) સોલ્યુશન લોન્ચ કર્યું છે. જે યૂઝર ફ્રેન્ડલી પ્લેટફોર્મ હશે અને તેના દ્વારા નાના દુકાનદારો મોર્ડન બનશે. મુકેશ અંબાણીએ તેને ન્યૂ કોમર્સ નામ આપ્યું છે. મુકેશ અંબાણીએ રિલાયન્સની AGMમાં જમ્મુ-કાશ્મીર, લદાખને લઈ આપ્યું મોટું નિવેદન, જાણો વિગત