![ABP Premium](https://cdn.abplive.com/imagebank/Premium-ad-Icon.png)
શેરબજારમાં Tips લેતા પહેલા સાવધાન! સેબીએ 10 સંસ્થાઓ પર લગાવ્યો લાખોનો દંડ, જાણો શું છે સમગ્ર મામલો
Sebi Fine on 10 entities: સેબી પોતાની તપાસમાં 10 એન્ટિટીઓને ખોટી રીતે ટ્રેડિંગ કરવાનો આરોપ શોધી કાઢ્યો છે, જેના કારણે તેમના પર દંડ લાદવામાં આવ્યો છે.
![શેરબજારમાં Tips લેતા પહેલા સાવધાન! સેબીએ 10 સંસ્થાઓ પર લગાવ્યો લાખોનો દંડ, જાણો શું છે સમગ્ર મામલો Sebi Action: SEBI imposed a huge fine of Rs 50 lakh on 10 institutions, know what the whole matter was શેરબજારમાં Tips લેતા પહેલા સાવધાન! સેબીએ 10 સંસ્થાઓ પર લગાવ્યો લાખોનો દંડ, જાણો શું છે સમગ્ર મામલો](https://feeds.abplive.com/onecms/images/uploaded-images/2023/05/01/49a5ababdda0d93de17be864c7bc9bdc1682929090856267_original.jpg?impolicy=abp_cdn&imwidth=1200&height=675)
Sebi Fine on 10 entities: સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ બુધવારે BSE પર ગેરકાયદે સ્ટોક ઓપ્શન્સ સેગમેન્ટમાં બિન-વાસ્તવિક વેપારમાં સામેલ થવા બદલ દસ એન્ટિટી પર કુલ રૂ. 50 લાખનો દંડ લાદ્યો છે. સેબીએ 10 અલગ-અલગ ઓર્ડરમાં 10 સંસ્થાઓ પર પાંચ લાખ રૂપિયાનો દંડ ફટકાર્યો છે.
આ દસ સંસ્થાઓ ઓરોપ્લસ માર્કેટિંગ પ્રાઈવેટ લિમિટેડ, બાબા આયર્ન ઈન્ડસ્ટ્રીઝ, એટલાન્ટિક ઈન્વેસ્ટ એડવાઈઝરી, અવિનાશ વી મહેતા એચયુએફ, નવનીત અગ્રવાલ એન્ડ સન્સ એચયુએફ, નીરજ ગાંધી એચયુએફ, અથવાણી શ્રીચંદ, અવિરલ ગુપ્તા, આયુષી અગ્રવાલ અને સલોની રુઈયા છે.
સેબીએ શા માટે દંડ લાદ્યો
રેગ્યુલેટરે BSE પર ઇલક્વિડ સ્ટોક ઓપ્શન્સ સેગમેન્ટમાં મોટા પાયે રિવર્સલ ટ્રેડ જોયો હતો, જે એક્સચેન્જમાં કૃત્રિમ વોલ્યુમ તરફ દોરી ગયો હતો. આવી સ્થિતિમાં સેબીએ આ સંસ્થાઓને દંડ ફટકાર્યો છે. સેબીએ એપ્રિલ 2014 થી સપ્ટેમ્બર 2015 દરમિયાન સેગમેન્ટમાં સંકળાયેલી કેટલીક એન્ટિટીની ટ્રેડિંગ પ્રવૃત્તિઓની તપાસ કરી હતી.
નિયમોનું ઉલ્લંઘન કર્યું
સેબીએ તેના આદેશમાં જણાવ્યું હતું કે સંસ્થાઓએ PFUTP ના ધોરણોનું ઉલ્લંઘન કર્યું છે. PFUTP નોર્મ્સનો અર્થ છે છેતરપિંડી અને અયોગ્ય વેપાર પ્રથાઓ પર પ્રતિબંધ. રેગ્યુલેટરે જણાવ્યું હતું કે રિવર્સલ ટ્રેડ્સ બિન-વાસ્તવિક પ્રકૃતિના માનવામાં આવે છે. આ વેપારી સંસ્થાઓના ખોટા અથવા ભ્રામક દેખાવ તરફ દોરી જાય છે.
નોંધણી રદ
બુધવારે એક અલગ આદેશમાં, સેબીએ નિયમનકારી ધોરણોનું ઉલ્લંઘન કરવા બદલ નાણાકીય સેવાઓની નોંધણીનું પ્રમાણપત્ર રદ કર્યું છે. એલાઈડ ફાઈનાન્શિયલ સર્વિસીસ પ્રાઈવેટ લિમિટેડ એનએસઈનું રજિસ્ટર્ડ સભ્ય હતું તેમજ એનએસડીએલ ડિપોઝિટરી પાર્ટિસિપન્ટ હતું. અગાઉ પણ સેબીએ કેટલીક સંસ્થાઓ પર દંડ ફટકાર્યો હતો. નોંધનીય છે કે, સમય સમય પર સેબી આવી સંસ્થાઓની તપાસ કરે છે. તપાસમાં આ સંસ્થાઓ ખોટા જણાયા બાદ સેબી તેમની સામે પગલાં લે છે. આ ક્રમમાં આ 10 સંસ્થાઓ પર દંડ પણ ફટકારવામાં આવ્યો છે.
આ પણ વાંચોઃ
અદાણી ગ્રૂપ સામે તપાસ માટે સુપ્રીમ કોર્ટે સેબીને આપ્યો ત્રણ મહિનાનો સમય, 14 ઓગસ્ટ સુધીમાં રિપોર્ટ જમા કરાવવો પડશે
શું તમને પણ SBI તરફથી એકાઉન્ટ લોક થવાનો મેસેજ મળ્યો છે ? કોઈપણ લિંક પર ક્લિક કરતાં પહેલા વાંચો આ સમાચાર
SGX નિફ્ટીનું નામ બદલીને Gift Nifty થશે, ક્યારે થશે ફેરફાર અને રોકાણકારોને કેવી રીતે મળશે લાભ - જાણો
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)