Stock Market Closing: સપ્તાહનો ત્રીજો કારોબારી દિવસ તેજી સાથે થયો બંધ, જાણો ટોચના ઘટનારા શેર્સ
Closing Bell: ભારતીય શેરબજાર માટે સપ્તાહનો ત્રીજો કારોબારી દિવસ તેજીમય રહ્યો. આજે સવારે તેજી સાથે શરૂઆત થયા બાદ બંધ પણ વધારા સાથે થયું હતું.
Stock Market Closing, 10th May, 2023 : ભારતીય શેરબજાર માટે સપ્તાહનો ત્રીજો કારોબારી દિવસ તેજીમય રહ્યો. આજે સવારે તેજી સાથે શરૂઆત થયા બાદ બંધ પણ વધારા સાથે થયું હતું. આજે નિફ્ટી ઓઈલ-ગસ, ઓટો એન્ડ પ્રાઈવેટ બેંક ટોપ વધનારા સેક્ટર હતા.નિફ્ટી પીએસયુ બેંક સૌથી વધુ ઘટનારું સેક્ટર હતું. ઈન્ડસઈન્ડ બેંકમાં સૌથી વધુ વધારો અને યુપીએલમાં મોટો ઘટાડો થયો હતો. આજના વધારા સાથે રોકાણકારોની સંપત્તિ વધીને 277.10 લાખ કરોડ થઈ છે, ગઈકાલે રોકાણકારોની સંપત્તિ 276.61 લાખ કરોડ હતી.
આજે કેવી રહી બજારની ચાલ
ભારતીય શેરબજારનો સૂચકાંક સેન્સેક્સ આજે 178.87 પોઇન્ટ વધીને 61940.20 પોઇન્ટ પર અને નિફ્ટી 49.15 પોઇન્ટ વધીને 18315.10 પોઇન્ટ પર બંધ થયા. સેન્સેક્સ મંગળવારે 2.92 પોઈન્ટના ઘટાડા સાથે 61761.33 પોઈન્ટ પર અને નિફ્ટી 1.55 પોઇન્ટના વધારા સાથે 18265.95 પોઇન્ટ પર બંધ થયા હતા. સોમવારે સેન્સેક્સમાં 709.96 પોઇન્ટનો ઉછાળો આવ્યો હતો અને 61,764.25 પોઇન્ટ પર બંધ થયો હતો.
સેક્ટરની સ્થિતિ
આજના કારોબારમાં ઓટો, બેન્કિંગ, એફએમસીજી, ઓઈલ એન્ડ ગેસ, કન્ઝ્યુમર ડ્યુરેબલ્સ, ઈન્ફ્રા, એનર્જી, મીડિયા જેવા સેક્ટરના શેર અપ બંધ થયા છે. જ્યારે ફાર્મા, હેલ્થકેર અને મેટલ્સ સેક્ટર ઘટાડા સાથે બંધ થયા છે. આજના ટ્રેડિંગ સેશનમાં મિડકેપ અને સ્મોલકેપ ઈન્ડેક્સ તેજી સાથે બંધ થયા છે.
તેજીવાળા શેરો
આજના ટ્રેડિંગ સેશનમાં ઇન્ડસઇન્ડ બેન્ક 2.84 ટકા, પાવર ગ્રીડ 1.58 ટકા, બજાજ ફાઇનાન્સ 1.24 ટકા, ટાટા મોટર્સ 1.17 ટકા, રિલાયન્સ 0.69 ટકા, મારુતુ સુઝુકી 0.59 ટકા, એનટી 4પીસી 0.4 ટકાના વધારા સાથે બંધ થયા હતા. જ્યારે ઈન્ફોસિસ 0.59 ટકા, સન ફાર્મા 0.41 ટકા, SBI 0.34 ટકા, લાર્સન 0.30 ટકા, ટાટા સ્ટીલ 0.27 ટકા, ટેક મહિન્દ્રા 0.19 ટકા ઘટીને બંધ રહ્યા હતા.
રોકાણકારોની સંપત્તિમાં વધારો
આજના સત્રમાં રોકાણકારોની સંપત્તિમાં ઉછાળો આવ્યો છે. આજે બજાર બંધ થવા પર, BSE પર લિસ્ટેડ કંપનીઓનું માર્કેટ કેપ રૂ. 277.10 લાખ કરોડ હતું જે મંગળવારે રૂ. 276.61 લાખ કરોડ હતું. એટલે કે આજના સત્રમાં રોકાણકારોની સંપત્તિમાં રૂ. 50,000 કરોડનો ઉછાળો જોવા મળ્યો છે.
આજે તેજી સાથે થઈ હતી શરૂઆત
ભારતીય બજારમાં પણ આજે સામાન્ય તેજી સાથે શરૂઆત થઈ હતી. બેન્ચમાર્ક સૂચકાંકો નજીવા ઊંચા સ્તરે ખૂલ્યા હતા. સેન્સેક્સ 134.88 પોઈન્ટ અથવા 0.22 ટકા વધીને 61,896.21 પર અને નિફ્ટી 40.00 પોઈન્ટ અથવા 0.22 ટકા વધીને 18,306.00 પર હતો.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ |
| BSE Sensex | 61,929.92 | 61,974.35 | 61,572.93 | 0.27% |
| BSE SmallCap | 29,459.59 | 29,469.31 | 29,234.07 | 0.39% |
| India VIX | 13.08 | 13.30 | 11.54 | 3.19% |
| NIFTY Midcap 100 | 32,505.35 | 32,578.40 | 32,276.95 | 0.05% |
| NIFTY Smallcap 100 | 9,829.20 | 9,856.65 | 9,769.75 | 0.14% |
| NIfty smallcap 50 | 4,471.95 | 4,485.75 | 4,449.10 | 0.07% |
| Nifty 100 | 18,170.85 | 18,182.40 | 18,064.60 | 0.31% |
| Nifty 200 | 9,553.55 | 9,559.35 | 9,496.65 | 0.28% |
| Nifty 50 | 18,315.10 | 18,326.75 | 18,211.95 | 0.27% |
ટ્રેન્ડિંગ સમાચાર
ટોપ સ્ટોરી
