Stock Market Closing: શેરબજારમાં મંદી, 897 પોઇન્ટના કડકાથી એક જ દિવસમાં રોકાણકારોના 3.66 લાખ કરોડ થઈ ગયા સ્વાહા
Closing Bell: સપ્તાહના પ્રથમ કારોબારી દિવસ સોમવારની ભારતીય શેરબજાર માટે અશુભ શરૂઆત થઈ છે.
Stock Market Closing, 13th March 2023: ભારતીય શેરબજાર માટે સપ્તાહનો પ્રથમ દિવસ નિરાશાજનક રહ્યો છે. સેન્સેક્સ 897.25 પોઇન્ટના કડાકા સાતે 58,237.85 પોઇન્ટ પર અને નિફ્ટી 271.68 પોઇન્ટના ઘટાડા સાથે 18035.53 પર બંધ રહ્યા. શેરબજારમાં બોલેલા કડકાથી રોકાણકારોની સંપત્તિ ઘટીને 258.95 લાખ કરોડ થઈ છે. એક જ દિવસમાં રોકાણકારોની સંપત્તિમાં 3.66 લાખ કરોડ સ્વાહા થઈ ગયા છે. તમામ સેક્ટર લાલ નિશાનમાં બંધ થયા છે. ગત સપ્તાહના અંતિમ કારોબારી દિવસ શુક્રવારે રોકાણકારોની સંપત્તિ ઘટીને 262.61 લાખ કરોડ થઈ હતી. ગત બે દિવસમાં રોકાણકારોના 3 લાખ કરોડથી વધુ સ્વાહા થઈ ગયા હતા. છેલ્લા ત્રણ કારોબારી દિવસમાં રોકાણકારોના આશરે 7 લાખ કરોડ સ્વાહા થઈ ગયા છે.
બજારમાં કેમ બોલ્યો કડાકો
આજે રોકાણકારોની વેચવાલીથી શેરબજાર ભારે ઘટાડા સાથે બંધ થયું. આ ઉપરાંત અમેરિકામાં બેંકિંગ કટોકટી પણ ઘટાડાનું કારણ બન્યું.
સેક્ટર અપડેટ
આજના કારોબારમાં ઈન્ફ્રા, આઈટી, એફએમસીજી પર દબાણ જોવા મળ્યું, મેટલ, ફાર્મા, એનર્જી, બેંકિંગ, ઓટો, રિટલ્ટી શેરોમાં વેચવાલી જોવા મળી. સેન્સેક્સના 30 શેરોમાંથી 29 ઘટીને અને એક લીલા નિશાનમાં બંધ રહ્યો હતો. નિફ્ટીના 50 શેરોમાં 47 શેરના ઘટાડા સાથે 3 શેર લીલા નિશાનમાં બંધ થયા છે.
આજે કેવી થઈ હતી શરૂઆત
આજે બીએસઈનો સેન્સેક્સ શુક્રવારના 59135.13ની સામે 101 પોઈન્ટ ઘટીને 59033.77 પર ખુલ્યો હતો જ્યારે નિફ્ટી શુક્રવારના 17412.9ની સામે 9 પોઈન્ટ વધીને 17421.9 પર ખુલ્યો હતો. બેંક નિફ્ટીની વાત કરીએ તો તે શુક્રવારના 40485.45ની સામે 129.35 પોઈન્ટ ઘટીને 40356.1 પર ખુલ્યો હતો.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | ટકાવારી બદલાવ |
| BSE Sensex | 58,237.85 | 59,510.92 | 58,094.55 | -1.52% |
| BSE SmallCap | 27,371.95 | 27,961.03 | 27,313.33 | -2.08% |
| India VIX | 16.22 | 16.43 | 13.41 | 20.89% |
| NIFTY Midcap 100 | 30,106.85 | 30,742.30 | 30,023.85 | -1.99% |
| NIFTY Smallcap 100 | 9,118.50 | 9,333.10 | 9,091.00 | -2.23% |
| NIfty smallcap 50 | 4,111.05 | 4,212.10 | 4,095.95 | -2.26% |
| Nifty 100 | 16,997.30 | 17,358.55 | 16,960.00 | -1.43% |
| Nifty 200 | 8,924.70 | 9,112.85 | 8,904.60 | -1.51% |
| Nifty 50 | 17,154.30 | 17,529.90 | 17,113.45 | -1.49% |
ટોપ સ્ટોરી
ટ્રેન્ડિંગ સમાચાર
