Stock Market Today: શેરબજારની સપાટ શરૂઆત, સેન્સેક્સ 59200 ની નીચે સરક્યો, નિફ્ટી 17600 નજીક

આજે બીએસઈ 30 શેરનો સૂચકાંક સેન્સેક્સ 96.62 પોઈન્ટ અથવા 0.16 ટકા ઘટીને 59,235.98 પર ખુલ્યો છે.

પ્રતિકાત્મક તસવીર

Stock Market Today: આજે ભારતીય શેરબજારમાં સુસ્તી સાથે કારોબાર જોવા મળી રહ્યો છે. સેન્સેક્સ લગભગ 100 પોઈન્ટના ઘટાડા સાથે ખુલ્યો છે અને નિફ્ટી સંપૂર્ણપણે ફ્લેટ છે. એશિયન બજારો અને યુએસ ફ્યુચર્સમાં વૈશ્વિક સંકેતો કોઈ પણ રીતે સ્થાનિક બજારને ટેકો આપતા નથી અને ભારતીય શેરબજારો મિશ્ર શરૂઆત દર્શાવે છે.

સેન્સેક્સ-નિફ્ટીની ચાલ કેવી

આજના કારોબારમાં સેન્સેક્સના 30 શેરોમાંથી માત્ર 10 શેરમાં જ ઉછાળો જોવા મળી રહ્યો છે અને બાકીના 20 શેરોમાં ઘટાડો જોવા મળી રહ્યો છે. નિફ્ટીના 50માંથી 20 શેરો મજબૂતાઈ સાથે લીલા નિશાનમાં ટ્રેડ થઈ રહ્યા છે. આ સિવાય બાકીના 30 શેરોમાં ઘટાડાનું લાલ નિશાન વર્ચસ્વ ધરાવે છે.

કેવી રીતે ખુલ્યું બજાર

આજે બીએસઈ 30 શેરનો સૂચકાંક સેન્સેક્સ 96.62 પોઈન્ટ અથવા 0.16 ટકા ઘટીને 59,235.98 પર ખુલ્યો છે. બીજી તરફ, NSEનો 50 શેરવાળો ઈન્ડેક્સ નિફ્ટી 17,659.65 પર સપાટ ખૂલ્યો હતો.

વૈશ્વિક બજારની ચાલ

બીજી તરફ ગુરુવારે પણ અમેરિકી બજારોમાં દબાણ જોવા મળ્યું હતું. ગુરુવારે, S&P 500 ઇન્ડેક્સ 0.07 ટકા ઘટ્યો અને 4,207.27 પર બંધ થયો. નાસ્ડેક 0.58 ટકા ઘટીને 12,779.91ના સ્તરે બંધ થયો હતો. જ્યારે ડાઉમાં 27 પોઈન્ટનો નજીવો વધારો થયો હતો અને તે 33,336.67 ના સ્તરે બંધ થયો છે. ગુરુવારે ત્રણેય મુખ્ય સૂચકાંકો ઉછાળા સાથે ખૂલ્યા હતા, પરંતુ બાદમાં તેઓ વેચાયા હતા. તાજેતરના આંકડા દર્શાવે છે કે ફુગાવો વધુ ઘટશે. આના કારણે દર વધારાની ઝડપમાં પણ ઘટાડો થવાની ધારણા છે.

ક્રૂડમાં વધારો

બ્રેન્ટ ક્રૂડમાં ફરી એકવાર વધારો થવા લાગ્યો છે. ક્રૂડ 99 ડોલર પ્રતિ બેરલની કિંમત પર આવી ગયું છે. જ્યારે યુએસ ક્રૂડ પ્રતિ બેરલ 94 ડોલરની આસપાસ ટ્રેડ કરી રહ્યું છે. યુએસમાં 10-વર્ષના બોન્ડ યીલ્ડ 2.878 ટકા છે. એશિયન બજારોની વાત કરીએ તો, SGX નિફ્ટીમાં 0.02 ટકાનો નજીવો વધારો છે, જ્યારે Nikkei 225માં 2.36 ટકાનો વધારો જોવા મળી રહ્યો છે. સ્ટ્રેટ ટાઇમ્સ 0.92 ટકા અને હેંગસેંગ 0.04 ટકા ઘટ્યા હતા. તાઈવાન વેઈટેડ 0.27 ટકા અને કોસ્પીમાં 0.07 ટકાનો વધારો જોવા મળી રહ્યો છે, જ્યારે શાંઘાઈ કમ્પોઝિટ 0.11 ટકા ડાઉન છે.