Stock Market Today: સ્ટોક માર્કેટમાં સપાટ શરૂઆત, સેન્સેક્સ 54250 તો નિફ્ટી 16170 નજીક
બ્રેન્ટ ક્રૂડમાં થોડો વધારો થયો છે. આંતરરાષ્ટ્રીય બજારમાં ક્રૂડ 113 ડોલર પ્રતિ બેરલની આસપાસ ટ્રેડ કરી રહ્યું છે.
Stock Market Today: સપ્તાહના બીજા ટ્રેડિંગ દિવસે ભારતીય શેરબજાર સામાન્ય વધારા સાથે ખુલ્યું છે. મુંબઈ સ્ટોક એક્સચેન્જનો ઈન્ડેક્સ સેન્સેક્સ 19 પોઈન્ટ અને નેશનલ સ્ટોક એક્સચેન્જનો નિફ્ટી 11 પોઈન્ટના વધારા સાથે ખુલ્યો હતો.
બજારની શરૂઆત કેવી રીતે થઈ?
આજના કારોબારમાં સેન્સેક્સ અને નિફ્ટીની શરૂઆત સામાન્ય ઉછાળા સાથે થઈ છે. હાલમાં સેન્સેક્સ 109 પોઈન્ટના ઉછાળા સાથે 54,397 પર ટ્રેડ કરી રહ્યો છે. નિફ્ટી 35 પોઈન્ટ અથવા 0.15 ટકાના વધારા બાદ 16,248 પર ટ્રેડ કરી રહ્યો છે. બજાર ખુલ્યા બાદ સેન્સેક્સ નિફ્ટીમાં વધુ ઉછાળો જોવા મળ્યો હતો. પરંતુ પછી બજાર લાલ નિશાનમાં આવી ગયું. હવે બજાર મર્યાદિત રેન્જમાં ટ્રેડ થઈ રહ્યું છે, ક્યારેક લીલામાં તો ક્યારેક લાલ નિશાનમાં.
અમેરિકન બજારમાં તેજી
આ પહેલા સોમવારે અમેરિકી બજારો મજબૂતી સાથે બંધ થયા હતા. સોમવારે ડાઉ જોન્સ 618 પોઈન્ટ અથવા 2 ટકા વધીને 31,880.24 ના સ્તર પર બંધ થયો હતો. S&P 500 1.9 ટકા વધીને 3,973.75 પર બંધ થયો. જ્યારે નાસ્ડેક 1.6 ટકા વધીને 11,535.28 પર બંધ થયો હતો. રોકાણકારોએ નીચલા સ્તરેથી ખરીદી કરી, જેના કારણે બજારમાં તેજી જોવા મળી. તે જ સમયે, અમેરિકી રાષ્ટ્રપતિએ કહ્યું કે ચીનથી આયાત થતા કેટલાક ઉત્પાદનો પર ટેરિફ ઘટાડવાનો વિચાર છે.
ક્રૂડના ભાવ વધ્યા
બ્રેન્ટ ક્રૂડમાં થોડો વધારો થયો છે. આંતરરાષ્ટ્રીય બજારમાં ક્રૂડ 113 ડોલર પ્રતિ બેરલની આસપાસ ટ્રેડ કરી રહ્યું છે. જ્યારે યુએસ ક્રૂડ પણ 110 ડોલર પ્રતિ બેરલ આસપાસ છે. યુએસમાં 10-વર્ષના બોન્ડની યીલ્ડ 2.85 ટકા છે. એશિયન બજારોની વાત કરીએ તો, SGX નિફ્ટી 0.25 ટકા ઉપર છે, જ્યારે Nikkei 225 0.41 ટકા નીચે છે. સ્ટ્રેટ ટાઇમ્સમાં 0.17 ટકાનો વધારો જોવા મળી રહ્યો છે, જ્યારે હેંગ સેંગ 0.22 ટકા નબળો છે. તાઈવાન વેઈટેડ ફ્લેટ દેખાઈ રહ્યું છે, કોસ્પીમાં 0.75 ટકા અને શાંઘાઈ કમ્પોઝિટમાં 0.24 ટકાની તેજી છે.
ટ્રેન્ડિંગ સમાચાર
ટોપ સ્ટોરી
