AirAsia India Takeover: એર એશિયા ઈંડિયાનો 100 ટકા હિસ્સો ટાટાને મળ્યો, એર ઈન્ડિયાને વેચવામાં આવ્યા શેર
મલેશિયાની એરલાઇન એર એશિયાએ એર એશિયા ઇન્ડિયામાં તેનો બાકીનો હિસ્સો એર ઇન્ડિયાને વેચવા માટે કરાર પર હસ્તાક્ષર કર્યા છે.
AirAsia India Takeover: મલેશિયાની એરલાઇન એર એશિયાએ એર એશિયા ઇન્ડિયામાં તેનો બાકીનો હિસ્સો એર ઇન્ડિયાને વેચવા માટે કરાર પર હસ્તાક્ષર કર્યા છે. કંપનીએ બુધવારે એક નિવેદનમાં આ જાણકારી આપી હતી. એર એશિયા એવિએશન ગ્રુપ લિમિટેડે એક નિવેદનમાં જણાવ્યું હતું કે, તેણે એર એશિયા ઇન્ડિયામાં તેના બાકીના શેર એર ઇન્ડિયાને વેચવા માટે શેર ખરીદી કરાર પર હસ્તાક્ષર કર્યા છે. જો કે, તેણે આ વિશે કોઈ ચોક્કસ માહિતી શેર કરી નથી.
કોમ્પિટિશન કમિશન ઓફ ઈન્ડિયાએ જૂનમાં આપી હતી મંજુરીઃ
કોમ્પિટિશન કમિશન ઓફ ઈન્ડિયા (CCI) એ આ વર્ષે જૂનમાં એર ઈન્ડિયા દ્વારા એર એશિયા ઈન્ડિયાના સમગ્ર હિસ્સાના પ્રસ્તાવિત સંપાદનને મંજૂરી આપી હતી, જેનાથી ટાટા ગ્રૂપને એર એશિયા ઈન્ડિયામાં 100% હિસ્સો મેળવવાનો માર્ગ મોકળો થયો હતો. સીસીઆઈએ જૂનમાં એર એશિયા ઈન્ડિયાની સમગ્ર ઈક્વિટી શેર મૂડી ખરીદવાના એર ઈન્ડિયાના પ્રસ્તાવને મંજૂરી આપી હતી.
એર એશિયા ઈન્ડિયા ટાટા સન્સ અને એર એશિયા ઈન્વેસ્ટમેન્ટ લિમિટેડ વચ્ચેનું સંયુક્ત સાહસ હતું. જેમાં ટાટા સન્સ 83.67 ટકા અને એર એશિયા ઇન્વેસ્ટમેન્ટ 16.33 ટકા હિસ્સો ધરાવે છે. હવે શેર ખરીદી કરાર પર હસ્તાક્ષર કર્યા પછી, ટાટા સન્સ પાસે આ એરલાઇનમાં સંપૂર્ણ 100 ટકા હિસ્સો રહેશે.
ટાટા એર ઈન્ડિયાની માલિકી ધરાવે છે
આ વર્ષે એટલે કે જાન્યુઆરી 2022માં, ટાટા ગ્રૂપની સંપૂર્ણ માલિકીની પેટાકંપની ટૈલેસ પ્રાઈવેટ લિમિટેડે ભારત સરકાર પાસેથી એર ઈન્ડિયા અને એર ઈન્ડિયા એક્સપ્રેસ હસ્તગત કરી. આ અધિગ્રહણ ટાટા ગ્રૂપે રૂ. 18,000 કરોડમાં કર્યું હતું. આ પછી ટાટા સન્સ પાસે એર ઈન્ડિયા, એર ઈન્ડિયા એક્સપ્રેસ, એર એશિયા ઈન્ડિયા અને વિસ્તારા સહિત ચાર એરલાઈન્સ હતી.
એર એશિયા એવિએશન ગ્રુપના સીઈઓએ શું કહ્યું?
એર એશિયા એવિએશન ગ્રૂપના ચીફ એક્ઝિક્યુટિવ ઓફિસર (CEO) બો લિંગહામે જણાવ્યું હતું કે, "જ્યારે અમે ભારતમાં 2014 પછી પ્રથમ વખત કામગીરી શરૂ કરી હતી, ત્યારે AirAsiaએ અહીં એક વિશાળ બિઝનેસ બનાવ્યો હતો, જે વિશ્વના સૌથી મોટા નાગરિક ઉડ્ડયન બજારોમાંથી એક છે. ટાટા ગ્રૂપ અને મલેશિયન એન્ટિટીની માલિકીની એર એશિયા ઇન્ડિયાએ જૂન 2014માં કામગીરી શરૂ કરી હતી.
ટ્રેન્ડિંગ સમાચાર
ટોપ સ્ટોરી
