Rupee-Dollar: ક્રૂડમાં વધારો, રોકાણકારોની વેચવાલીથી રૂપિયામાં ઐતિહાસિક ઘટાડો, પ્રથમ વખત ડોલર સામે રૂપિયો 77.81ના સ્તરે

મે મહિનામાં ચીનમાંથી નિકાસ વધી છે. એવું માનવામાં આવે છે કે ચીન લોકડાઉનમાં રાહત આપવા જઈ રહ્યું છે.

પ્રતિકાત્મક તસવીર

Rupee at All time Low: ડોલર સામે રૂપિયામાં ઐતિહાસિક ઘટાડો જોવા મળી રહ્યો છે. આંતરરાષ્ટ્રીય બજારમાં ક્રૂડ ઓલની કિંમતોમાં તીવ્ર વધારો, ભારતીય શેરબજારમાં વિદેશી રોકાણકારોની વેચવાલીથી રૂપિયો ડોલર સામે 77.81 રૂપિયાના સ્તરે આવી ગયો છે. આ ડોલર સામે રૂપિયાની સૌથી નીચી સપાટી છે. અગાઉ, રૂપિયાનું સૌથી નીચું સ્તર રૂપિયા 77.79 હતું જે 17 મે 2022ના રોજ જોવા મળ્યું હતું.

રૂપિયો કેમ ઘટ્યો?

વાસ્તવમાં કાચા ક્રૂડ ઓઈલની કિંમત 13 સપ્તાહના સર્વોચ્ચ સ્તરે પહોંચી ગઈ છે. મે મહિનામાં ચીનમાંથી નિકાસ વધી છે. એવું માનવામાં આવે છે કે ચીન લોકડાઉનમાં રાહત આપવા જઈ રહ્યું છે. તે જ સમયે, અમેરિકામાં ક્રૂડ ઓઇલની માંગ વધવાની ધારણા છે, જેના કારણે ડોલર સામે રૂપિયામાં નબળાઈ જોવા મળી રહી છે. હવે બંધ સ્તરની વાત કરીએ તો, બુધવાર, 8 જૂન, 2022 ના રોજ, વિદેશી રોકાણકારોના વેચાણને કારણે, રૂપિયો ડોલર સામે 7 પૈસા ઘટીને રૂ. 77.73 ના ઐતિહાસિક નીચલા સ્તરે બંધ થયો હતો.

શું આરબીઆઈ દરમિયાનગીરી કરશે?

રૂપિયાના ઘટાડાને રોકવાની જવાબદારી આરબીઆઈની છે. જોકે, આરબીઆઈએ ડોલર સામે રૂપિયો ગગડતો અટકાવવા અબજો ડોલરનું વેચાણ કર્યું છે. પરંતુ વિદેશી રોકાણકારો સતત ભારતીય શેરબજારમાં રોકાણ વેચી રહ્યા છે અને રોકાણ પાછું ખેંચી રહ્યા છે, જેના કારણે ડોલર સામે રૂપિયો નબળો પડી રહ્યો છે. 2022માં અત્યાર સુધીમાં વિદેશી રોકાણકારોએ ભારતીય બજારોમાંથી રૂ. 1.57 લાખ કરોડથી વધુ રકમ પાછી ખેંચી લીધી છે.

આ પણ વાંચોઃ