ગુજરાતમાં લગ્નસમારંભના કારણે વધ્યા કોરોનાના કેસ, જાણો કોણે આપ્યું આ નિવેદન?

તેમણે કહ્યું કે મોટા ભાગે જે લોકોના રિપોર્ટ પોઝિટિવ આવે છે તે લોકો લગ્નપ્રસંગમાંથી આવ્યા છે. થોડા સમય પહેલા ટેસ્ટની સંખ્યા 50 હજાર હતી જે હાલ વધારીને 70 હજાર હજાર કરવામાં આવી છે.

ગાંધીનગરઃ ગુજરાતમાં લગ્ન સમારંભના કારણે કોરોનાના કેસ વધ્યા હોવાનું આરોગ્ય વિભાગના અગ્ર સચિવ મનોજ અગ્રવાલે કરી હતી. મળતી જાણકારી અનુસાર રાજ્યના આરોગ્ય વિભાગના અગ્ર સચિવ મનોજ અગ્રવાલે જણાવ્યું હતું કે લગ્ન સમારંભના કારણે રાજ્યમાં કોરોનાના કેસ વધ્યા છે.

તેમણે કહ્યું કે મોટા ભાગે જે લોકોના રિપોર્ટ પોઝિટિવ આવે છે તે લોકો લગ્નપ્રસંગમાંથી આવ્યા છે. થોડા સમય પહેલા ટેસ્ટની સંખ્યા 50 હજાર હતી જે હાલ વધારીને 70 હજાર હજાર કરાયા હોવાથી કેસ વધુ આવતા હોવાનો પણ તેમણે દાવો કર્યો હતો. સાથે તેમણે કહ્યું કે આરોગ્ય વિભાગે તમામ હોસ્પિટલમાં સૂચનાઓ આપી દીધી છે કે તમામ ઑક્સિજન પ્લાંટનું ચેકીંગ અને રિપેરીંગ કરાવી લેવામાં આવે. ત્રીજી લહેરની તમામ સંભવિત તૈયારીઓ કરી લેવામાં આવી હોવાની પણ તેમણે વાત કરી હતી.

કોરોનાના બુસ્ટર ડોઝને લઈ આરોગ્ય વિભાગના અધિક મુખ્ય સચિવ મનોજ અગ્રવાલે પણ મહત્વનું નિવેદન આપ્યું છે. તેમણે કહ્યું બુસ્ટર ડોઝને લઈને કેન્દ્ર સરકાર વિચારણા કરી રહી છે. અમુક નિષ્ણાંતો બુસ્ટર ડોઝ માટે સરકારને કહી રહ્યા છે. રાજ્યમાં કરાયેલા એક સિરો સર્વેમાં એન્ટી બોડી મળ્યા છે. ગુજરાત રાજ્યમાં 70 ટકા જેટલા લોકોમાં એન્ટી બોડી જોવા મળી છે.