Congress: કોગ્રેસના પ્રદેશ પ્રમુખ જગદીશ ઠાકોરે કહ્યુ કે- જો રાજ્યમાં કૉંગ્રેસની સરકાર બનશે તો...

કૉંગ્રેસે સરકારી કર્મચારીઓને ગેરન્ટી આપી  હતી. ગાંધીનગરમાં યોજાયેલા કાર્યક્રમમાં કૉંગ્રેસ પ્રદેશ પ્રમુખ જગદીશ ઠાકોરે ગેરન્ટી આપી હતી કે જો રાજ્યમાં કૉંગ્રેસની સરકાર બનશે તો જૂની પેન્શન યોજના લાગૂ કરવામાં આવશે

જગદીશ ઠાકોર

ગાંધીનગરઃ કૉંગ્રેસે સરકારી કર્મચારીઓને ગેરન્ટી આપી  હતી. ગાંધીનગરમાં યોજાયેલા કાર્યક્રમમાં કૉંગ્રેસ પ્રદેશ પ્રમુખ જગદીશ ઠાકોરે ગેરન્ટી આપી હતી કે જો રાજ્યમાં કૉંગ્રેસની સરકાર બનશે તો જૂની પેન્શન યોજના લાગૂ કરવામાં આવશે. તેમણે કહ્યું કે સરકાર બનવાના 24 કલાકમાં જૂની પેન્શન યોજના લાગૂ કરાશે. સાથે આંગણવાડી બેહનોને ભરોસો આપીએ છીએ કે કૉંગ્રેસની સરકાર આવશે તો એમનો પગાર વધારીશું અને જૂની પેન્શન યોજના લાવીશું. સાથે જ આરોપ લગાવ્યો  હતો કે  આંગણવાડી બહેનોનું શોષણ કરવામાં આવી રહ્યું છે.

Ahmedabad: ગુજરાત વિધાનસભા ચૂંટણી પહેલા આમ આદમી પાર્ટીને મોટો ઝટકો, જાણો કોણે સાથ છોડ્યો

અમદાવાદ: ગુજરાતના રાજકારણને મોટા સમાચાર સામે આવ્યા છે. ગુજરાત વિધાનસભા ચૂંટણી પહેલા આમ આદમી પાર્ટીને મોટો ઝટકો લાગ્યો છે. ભારતીય ટ્રાયબલ પાર્ટી હવે કોંગ્રેસ સાથે ગઠબંધન કરી શકે છે. નોંધનિય છે કે,  1લી મેના દિવસે AAP અને BTP વચ્ચે ગઠબંધન થયું હતું. જો કે, થોડા દિવસોમાં જ  AAP અને BTPનું ગઠબંધન તૂટી ગયું. AAP સાથેના ગઠબંધનથી રાજકીય નુકશાન થવાનો BTPને ગર્ભિત ભય  હોવાની વાત સામે આવી છે. કેટલીક બેઠકો હારવાના ડરથી BTPએ ગઠબંધન તોડ્યું. આગામી સમયમાં BTP કોંગ્રેસ સાથે ગઠબંધન કરી શકે છે.

શું અમદાવાદમાં આમ આદમી પાર્ટીની ઓફીસ પર પોલીસે કરી રેડ?

ગુજરાત વિધાનસભાની ચૂંટણી પહેલા આમ આદમી પાર્ટી અને ભાજપ વચ્ચે તુતુ મેમે શરૂ થઈ ગયું છે. હવે આમ આદમી પાર્ટીએ આરોપ લગાવ્યો છે કે, પોલીસ દ્વારા અમદાવાદ ખાતે અમારી ઓફીસ પર રેડ કરી છે. આ અંગે આપ નેતા ઈસુદાન ગઢવીએ કહ્યું, મોટા નેતાઓના કહેવાથી અમારી ઓફીસ પર પોલીસ દ્વારા રેડ પાડવામાં આવી. આ મામલે ઈસુદાન ગઢવી ટ્વીટ પર દિલ્હીના સીએમ અરવિંદ કેજરીવાલે પણ રિટ્વીટ કર્યું હતું,

આપના નેશનલ જોઇન્ટ સેક્રેટરી ઈશુદાન ગઢવીએ પ્રેસ કોન્ફરન્સ કરી
ઈસુદાન ગઢવીએ કહ્યં કે, ગુજરાતમાં આપનો ગ્રાફ વધતા ભાજપ ગભરાયું છે. 27 વર્ષના ભાજપના શાસનનો અંત આવવા જઈ રહ્યો છે. અમારી પેટા ઓફિસે પોલીસના જવાનો પહોંચ્યા હતા. લેપટોપ, ડેટા અને ડાયરી પોલીસે ચેક કરી. 1થી દોઢ કલાક સુધી પોલીસ અમારી ઓફિસમાં રેડ કરી. અનઓફિસિયલ રેડ હશે, કેમકે ભાજપની સ્ટાઈલ છે. અમારી ટીમે પૂછ્યું ત્યારે પોલીસનું આઇકાર્ડ પણ બતાવ્યું હતું. મનીષ સિસોદિયા અને કેજરીવાલ ઉપર રેડ કરી હતી. અરવિંદ કેજરીવાલના બેડરૂમ સુધી સીબીઆઈ પહોંચી હતી. પોલીસ કહે છે કે, કોઈ રેડ નહોતી. પોલીસને દિલ્હીથી દબાણ આવતું હશે, અમે સમજીએ છીએ. આમ આદમી પાર્ટીની બીજી ઓફિસમાં પણ આવીને રેડ કરો. રેડ કરો છો તો જાહેર કરો. અમારી અલગ અલગ જગ્યાએ ઓફિસ છે. કોઈના બાપની જાગીર નથી આ દેશ.