LRD ભરતી અંગે મોટા સમાચાર, વર્ષ 2018ની LRD ભરતીનું વેઇટિંગ લિસ્ટ જાહેર કરાયું
LRD Recruitment : LRD ભરતી બોર્ડની વેબસાઈટ પર આ વેઇટિંગ લિસ્ટ જાહેર કરવામાં આવ્યું છે.
GANDHINAGAR : LRD ભરતી અંગે મોટા સમાચાર સામે આવ્યાં છે. LRD ભરતી બોર્ડે 2018ની LRD ભરતીનું વેઇટિંગ લિસ્ટ જાહેર કરવામાં આવ્યું છે. આ વેઇટિંગ લિસ્ટમાં 1327 પૂરુષ ઉમેદવારો જ્યારે 1112 મહિલા ઉમેદવારોનો સમાવેશ કરવામાં આવ્યો છે. LRD ભરતી બોર્ડની વેબસાઈટ પર આ વેઇટિંગ લિસ્ટ જાહેર કરવામાં આવ્યું છે.
બે દિવસ પહેલા IPS વિકાસ સહાયે કરી હતી જાહેરાત
વર્ષ 2018ની LRD ભરતીના વેઇટિંગ લિસ્ટ અંગે IPS અધિકારી વિકાસ સહાયે સોશિયલ મીડિયામાં એલઆરડી ભરતીનું વેઇટિંગ લિસ્ટ તૈયાર કરવામાં આવી રહ્યું હોવાનું જણાવ્યું હતું. ગૃહ વિભાગની સૂચનાથી 2018ની લોક રક્ષક ભરતીના ઉમેદવારોની પ્રતીક્ષા યાદી તૈયાર કરીને ટૂંક સમયમાં LRD ભરતી બોર્ડની વેબસાઇટ ઉપર મૂકવામાં આવશે તેમ પણ જાહેર કર્યું હતું.
લાંબા સમયથી રાહ જોઇ રહ્યા હતા ઉમેદવારો
2018ની LRDની ભરતીના વેઇટિંગ લિસ્ટ માટે ઉમેદવારો લાંબા સમયથી રાહ જોઇ રહ્યા હતા. આ મુદ્દે તેમણે અગાઉ પણ આંદોલન કરતા સરકારે તેમને સચિવાલયમાં બોલાવીને વહેલી તકે લિસ્ટ જાહેર કરવામાં આવશે તેવી હૈયાધારણ આપી હતી. જો કે તેની જાહેરાત ન થતા ઉમેદવારો સતત લિસ્ટ જાહેર કરવા માટે માગણી સાથે ફરી આંદોલન કરી રહ્યા હતા.
ટ્રેન્ડિંગ સમાચાર
ટોપ સ્ટોરી
