Accident: શામળાજી હાઇવે પર રોડ દુર્ઘટના, ઓવર સ્પીડમાં આવતી કારે સ્કૂટર સવારને ફંગોળતા કરૂણ મોત

ઓવર સ્પીડના કારણે વધુ એક વ્યક્તિએ જિંદગી ગુમાવી શામળાજી હાઇવે પર

શામળાજી નજીક અકસ્માત, (તસવીર- એબીપી અસ્મિતા)

મહીસાગર:  હાલોલ શામળાજી હાઇવે પર બાબલીયા ચોકડી પાસે સર્જાયેલા અકસ્માતમા એકનું મૃત્યુ નિપજ્યું. રફતારે વધુ એક વ્યક્તિનો ભોગ લીધો અહી પૂરપાર ઝડપે આવતી કારે સ્કૂટર ચાલકને અડફેટે લેતા સ્કૂટર સવારને ગંભીર ઇજા પહોંચતા તેનું મોત થયું હતું. અકસ્માત બાદ ઘટનાસ્થળે લોકોના ટોળેટોળા ભેગી થયા હતા. જેના કારણે ટ્રાફિક પણ અવરોધાયો હતો. ઘટનાની જાણ થતાં બાકોર પોલીસ ઘટના સ્થળે પહોંચી હતી અને વધુ તપાસ હાથ ધરી છે.

 સુરેન્દ્રનગરમાં ગમખ્વાર અકસ્માતમાં એક પરિવારના ત્રણનાં મૃત્યુ

 સુરેન્દ્રનગર જિલ્લાના મૂડીસરા રોડ પર ડમ્પર અને કાર વચ્ચે મોડી રાત્રે અકસ્માત સર્જાયો હતો આ અકસ્માતમાં ત્રણ વ્યક્તિઓના ઘટના સ્થળ ઉપર જ મૃત્યુ થયાં હતાં.આકસ્માતો અંગે મળતી વધુ વિગત પ્રમાણ સડલા ગામે ગામ પાસે પુર પાટે કોલસો ભરેલું ડમ્પર અને કાર વચ્ચે અકસ્માત થયા હતો. અકસ્માતના બનાવને પગલે પોલીસ ઘટના સ્થળે દોડી ગઈ હતી જ્યાં ઘટના સ્થળે જ ત્રણ વ્યક્તિઓના મૃત્યુ થયા હતા ત્યારે એક વ્યક્તિને ગંભીર ઈજા થઈ હતી.

પોલીસે મૃતકોને હોસ્પિટલ મૂડી હોસ્પિટલ ખાતે પીએમ માટે ખસેડ્યા હતા જ્યારે ગંભીર હાલતમાં ઇજાગ્રસ્તને રાજકોટ હોસ્પિટલ સારવાર માટે ખસેડવામાં આવ્યા હતા. આ અકસ્માતમાં મૃત્યુ પામનાર ડાભી પરિવારના સભ્યો હતા જેમાં કરમશીભાઈ ખોડાભાઈ ડાભી ઉંમર વર્ષ 55, કરમશીભાઈ ડાભી ઉંમર વર્ષ 51, મહેશભાઈ કરમશીભાઈ ડાભી ઉંમર વર્ષ 30નું ઘટના સ્થળે મૃત્યુ થયું હતું. જ્યારે આ ઘટનામાં એક પાંચ વર્ષના બાળકનો આબાદ બચાવ થયો હતો જ્યારે રોહિત રમેશભાઈ ધુમાડિયા ઉંમર વર્ષ 21 ને ઇજાગ્રસ્ત હોય રાજકોટ ખાતે રીફર કર્યા હતા.