Gujarat Rain Live Update: રાજયમાં મૂશળધાર વરસાદ બન્યો આફત, હજારો લોકોનું સ્થળાંતર, 19 ટ્રેન રદ્
Gujarat Rain News: હવામાન વિભાગે બુધવારે અને ગુરુવારે ગુજરાતના સૌરાષ્ટ્ર-કચ્છ વિસ્તારમાં ભારે વરસાદની આગાહી કરી છે. ગુરુવાર સુધી રાજ્યમાં ભારેથી અતિભારે વરસાદની આગાહી છે.
LIVE
Background
Gujarat Rain Latest News: ગુજરાતના ઘણા ભાગોમાં ભારે વરસાદને કારણે ઓછામાં ઓછા સાત લોકોના મોત થયા છે. અધિકારીઓએ આ માહિતી આપી હતી. ઘણા જિલ્લાઓમાં વહીવટીતંત્ર દ્વારા મોટા પાયે રાહત અને બચાવ કામગીરી હાથ ધરીને 15,000થી વધુ લોકોને સલામત સ્થળે ખસેડવામાં આવ્યા હતા અને 300થી વધુ લોકોનું રેસ્ક્યુ કરવામાં આવ્યું છે. અધિકારીઓએ જણાવ્યું હતું કે મંગળવારે સતત ત્રીજા દિવસે ગુજરાતમાં ભારે વરસાદ ચાલુ રહ્યો હતો, જેના કારણે સામાન્ય જનજીવન ખોરવાઈ ગયું હતું અને નીચાણવાળા વિસ્તારોમાં પૂરની સ્થિતિ સર્જાઈ હતી.
ભારે વરસાદના પગલે રાજ્યમાં 17થી વધુ લોકોને સુરક્ષિત સ્થળોએ ખસેડવામાં આવ્યા છે. અધિકારીઓના જણાવ્યા અનુસાર સોમવારે રાજ્યના વિવિધ ભાગોમાં વરસાદ સંબંધિત ઘટનાઓમાં સાત લોકોના મોત થયા હતા.રાજ્યમાં ત્રણ સિસ્ટમના કારણે મોનસૂન સક્રિય બન્યું છે. ડિપ્રેશન,મોન્સૂન ટ્રફ અને ઓફ શોર ટ્રફના કારણે ગુજરાતમાં સાર્વત્રિક વરસાદની સ્થિતિ છે. છેલ્લા 4 દિવસથી ગુજરાતમાં વરસેલા અનરાધાર વરસાદે તારાજી પણ સર્જી છે. , છેલ્લા ચાર દિવસ વરસેલા સાર્વત્રિક મેઘતાંડવમાં અત્યાર સુધીમાં રાજ્યભરમાં 15 લોકોના મોત થયા છે, હવામાન વિભાગે ભારે પવન સાથે અતિ ભારે વરસાદની આગાહી કરતાં પ્રસાશને એનડીઆરફની ટીમને સ્ટેન્ડ બાય રાખી છે.
અમદાવાદના અનેક વિસ્તાર જળમગ્ન
સતત 84 કલાક વરસેલા વરસાદથી અમદાવાદમાં જળબંબાકારની સ્થિતિ છે. બે દિવસમાં અમદાવાદ શહેરમાં 181 વૃક્ષો ધરાશાયી થયા. તો હજુ પણ કેટલાક વિસ્તારોમાં વરસાદી પાણી ઓસર્યા નથી.વરસાદી આફત વચ્ચે NDRF,SDRF સહિતની કેન્દ્રની એજન્સીઓના જવાનોના રાજ્યમાં અલગ અલગ જિલ્લામાં દિલધડક રેસ્ક્યુ કર્યું 75 સગર્ભાઓને આરોગ્ય કેન્દ્રમાં લઈ જવાઈ, તો એકની 108 વાનમાં પ્રસૃતિ કરવાની ફરજ પડી હતી.ધોધમાર વરસાદને પગલે અમદાવાદ એયરપોર્ટના એપ્રન અને ટર્મિનલ-2માં પાણી ભરાતા લોકોની હાલાકી વધી હતી. વરસાદના કારણએ 50થી વધુ ફ્લાઈટ મોડી પડી હતી.
ગાળની ખાડીમાં સર્જાયેલી વરસાદી સિસ્ટમ ગુજરાત પર પહોંચી છે અને તે સિસ્ટમ ડીપ ડિપ્રેશનનમાં ફેરવાઇ જતાં વરસાદનું (rain)નું રાજ્યમાં જોર વધ્યું છે આ સિસ્ટમ મઘ્ય પ્રદેશ તથા રાજસ્થાન પર આવીને ખૂબ મજબૂત બનીને ગુજરાત પર પહોંચી ગઈ છે અને તેના કારણે સૌરાષ્ટ્ર તથા કચ્છના વિસ્તારોમાં હવે અત્યંત ભારે વરસાદ પડવાની શરૂઆત થઈ છે. રાજ્યમાં ત્રણ સિસ્ટમના કારણે મોનસૂન સક્રિય બન્યું છે. ડિપ્રેશન,મોન્સૂન ટ્રફ અને ઓફ શોર ટ્રફના કારણે ગુજરાતમાં સાર્વત્રિક વરસાદની સ્થિતિ છે.
હવામાન વિભાગની (Meteorological Department) આગાહી (forecast) મુજબ આજે સૌરાષ્ટ્ર અને કચ્છમાં ભારે વરસાદ (rain) પડશે. આજે પણ રાજ્યને મેઘરાજા ઘમરોળશે. કચ્છ-સૌરાષ્ટ્રના તમામ જિલ્લામાં આજે વરસાદનું રેડ એલર્ટ તો , તો મધ્ય અને દક્ષિણ ગુજરાતના તમામ જિલ્લામાં હવામાન વિભાગે ઓરેન્જ એલર્ટ જાહેર કર્યું છે. ઉત્તર ગુજરાતના જિલ્લાના છુટાછવાયા સ્થળો પર ભારે વરસાદ વરસી શકે છે.
કચ્છ-સૌરાષ્ટ્રમાં આજે અને આવતીકાલે અત્યંત ભારે વરસાદની આગાહીને પગલે હવામાન વિભાગે જાહેર રેડ એલર્ટ કર્યુ છે. બે દિવસ કચ્છ-સૌરાષ્ટ્રના તમામ જિલ્લામાં આજે અને આવતીકાલે અત્યંત ભારે વરસાદ વરસી શકે છે.દક્ષિણ ગુજરાતના તમામ જિલ્લામાં આજે વરસાદનું ઓરેન્જ એલર્ટ આપવામાં આવ્યું છે. સુરત, નવસારી, તાપી, ભરૂચ, વલસાડ, ડાંગ અને નર્મદામાં અતિ ભારે વરસાદ વરસી શકે છે,
મધ્ય ગુજરાતના પાંચ જિલ્લાના છુટાછવાયા સ્થળો પર આજે ભારેથી અતિભારે વરસાદ વરસી શકે છે. આણંદ, ખેડા, વડોદરા, છોટા ઉદેપુર અને પંચમહાલમાં ઓરેન્જ એલર્ટ આપવામાં આવ્યું છે. તો દાહોદ અને મહીસાગરમાં પણ ભારે વરસાદ વરસી શકે છે. ભારે વરસાદની આગાહીને પગલે ઉત્તર ગુજરાતના તમામ જિલ્લામાં વરસાદનું યલો એલર્ટ જાહેર કરવામાં આવ્યું છે. બનાસકાંઠા, પાટણ, સાબરકાંઠા, મહેસાણા અને અરવલ્લીમાં ભારે વરસાદ વરસી શકે છે.
Gujarat Rain: જામનગર જિલ્લામાં પંચાયત હસ્તકના 47 માર્ગો બંધ
જામનગરના ગ્રામ્ય વિસ્તારમાં ધોધમાર વરસાદ વરસી રહ્યો છે. વધુ એક વખત ખંભાળિયા હાઈવે પર જળભરાવની શરુઆત થઇ છે. હાલ ડીપ ડિપ્રેશન ભુજથી 50 કિમી દૂર છે. જેના પગલે પોરબંદર, દ્વારકામાં અતિભારે વરસાદનો અનુમાન છે. જુનાગઢ સહિતના પંથકમાં અતિભારે વરસાદની શક્યતા છે. છેલ્લા 24 કલાકમાં સૌથી વધુ વરસાદ દ્વારકા જિલ્લામાં વરસ્યો છે. જેના પગલે દ્વારકા-જામનગર જિલ્લાના ખેતરો બેટમાં ફેરવાયા છે. પરિસ્થિતિને થાળે પાડવા આર્મીની એક કોલમ જામનગર પહોંચી છે, ભારે વરસાદના કારણે જામનગર જિલ્લામાં પંચાયત હસ્તકના 47 માર્ગો બંધ છે.
Gujarat Rain વડોદરામાં આર્મીની 7 ટીમ તૈનાત
વડોદરાની સ્થિતિની સમીક્ષા કરવા માટે વડોદરા શહેરમાં પહોંચવા મંત્રી ઋષિકેશ પટેલ અને જગદીશ વિશ્વકર્મા ડમ્પરમાં સવાર થયા હતા.વડોદરાની સ્થિતિ ભારે વરસાદના કારણે વિકટ બની રહી છે. વડોદરામાં સ્થિતિને થાળે પાડવા માટે આર્મીને તૈનાત કરવામાં આવી છે. NDRD-SDRFની વધુ એક એક ટીમ વડોદરા માટે ફાળવાઈ છે. વડોદરામાં હાલમાં આર્મીની કુલ 7 ટીમ તૈનાત છે. જેમાં NDRFની 5 અને DRFની 6 ટીમ તૈનાત છે.
રાજકોટના ઉપલેટામાં SDRFનું દિલધડક રેસ્ક્યુ
રાજકોટના ઉપલેટામાં SDRF ટીમે ગણોદ ગામમાં યુવતીનું કર્યુ રેસ્ક્યુ કર્યું હતું. સાપે ડંખ મારતા યુવતીની તબિયત લથડી હતી. ગણોદ પાસે કોઝ વે પર પાણી ફરી વળતાં યુવતી ફસાઇ હતી. રેસક્યુ બાદ યુવતીને ઇજા પહોંચી હોવાથી
108ની મદદથી યુવતીને હોસ્પિટલ માટે ખસેડાય હતી
Jamnagar Rain: જામનગરના લાલપુરમાં ફરી આફતનો વરસાદ
હવામાન વિભાગે સૌરાષ્ટ્રમાં આજે ભારે વરસાદની આગાહી કરી છે. સૌરાષ્ટ્રના મોટાભાગના જિલ્લામાં રેડએલર્ટ આપવામાં આવ્યું છે. જામનગરમાં પણ સાંબેલાધાર વરસાદ વરસી રહ્યો છે. છેલ્લા ચોવીસ કલાકમાં 13ઇંચ વરસાદ વરસ્યો છે. જેના કારણે અનેક વિસ્તાર જળમગ્ન બન્યાં છે
Vadodara Rain: વડોદરામાં ભારે પવન સાથે વડોદરામાં ધોધમાર વરસાદ
આજવા ડેમના દરવાજા ખોલાતા વડોદરા શહેર જળમગ્ન બની ગયું છે. જો કે આજવાના દરવાજા બંધ થયા બાદ પણ શહેરમાં પાણી ન ઓસરતા જનજીવન પ્રભાવિત થયું છે. સતત વરસાદના કારણે અનેક શોપિંગ સેંટર, દુકાન અને સોસાયટીઓ પાણીમાં ગરકાવ થઇ છે. અનેક ઠેકાણે હજુ પણ કેડથી ગળાડૂબ પાણી હોવાથી શહેરીજનો હાલાકી ભોગવી રહ્યાં છે. શહેરમાં બે દિવસથી લાઇટ પણ ન હોવાથી લોકોની મુશ્ક્લી વધી છે,હજારોની સંખ્યામાં ટુ-વ્હીલર અને ફોર વ્હીલર પાણીમાં ગરકાવ થઇ ગયા છે, શહેરનો 50 ટકાથી વધુ વિસ્તાર હજુ પણ પાણીમાં ડૂબેલો છે. વડોદરામાં આજે પણ વરસાદનું ઓરેન્જ એલર્ટ છે.
ટ્રેન્ડિંગ સમાચાર
ટોપ સ્ટોરી
