શોધખોળ કરો

છેલ્લા 24 કલાકમાં 192 તાલુકામાં વરસાદ ખાબક્યો, સૌરાષ્ટ્રના આ વિસ્તારમાં અનરાધાર 7.5 ઇંચ પડ્યો

છેલ્લા ત્રણ ચાર દિવસથી ગુજરાતના અનેક જિલ્લામાં સાંબેલાધાર વરસાદ પડ્યો છે. ભારે વરસાદને પગલે અનેક જગ્યાએ તારાજી સર્જી છે.

Written By : gujarati.abplive.com | Updated at : 21 Jul 2023 08:59 AM (IST)

192 talukas received rain in last 24 hours, Dwarka received highest 7.5 inches છેલ્લા 24 કલાકમાં 192 તાલુકામાં વરસાદ ખાબક્યો, સૌરાષ્ટ્રના આ વિસ્તારમાં અનરાધાર 7.5 ઇંચ પડ્યો

પ્રતિકાત્મક તસવીર

Gujarat Rain: ગુજરાતમાં અનરાધાર વરસાદ ચાલુ છે ત્યારે આજે વહેલી સવારે હવામાન વિભાગે વરસાદને લઈને આગાહી કરી છે. હવામાન વિભાગે આગામી ત્રણ કલાકમાં ક્યા વિસ્તારમાં વરસાદ પડશે તેને લઈને અનુમાન આપ્યું છે.

હવામાન વિભાગે પંચમહાલ દાહોદ છોટાઉદેપુર મહીસાગર નર્મદા ભરૂચ સુરત ડાંગ તાપી દેવભૂમિ દ્વારકામાં સામાન્યથી લઈને છુટો છવાયો વરસાદની આગાહી કરી છે. જ્યારે સાબરકાંઠા અરવલ્લી ખેડા આણંદ વડોદરા નવસારી વલસાડ અમરેલી ભાવનગર પોરબંદર જુનાગઢ મોરબી દમન દાદરા નગર હવેલીમાં સામાન્ય વરસાદ પડવાની શક્યતા છે. આ સાથે જ છેલ્લા 24 કલાકના વરસાદના આંકડા સામે આવ્યા છે જે અનુસાર 24 કલાકમાં 192 તાલુકામાં વરસાદ પડ્યો છે. જેમાં સૌથી વધુ દ્વારકા તાલુકામાં સાડા સાત આંચ વરસાદ પડ્યો છે.

છેલ્લા 24 કલાકમાં રાજ્યમાં વરસાદના આંકડા

છેલ્લા 24 કલાકમાં રાજ્યના 192 તાલુકામાં ખાબક્યો વરસાદ

છેલ્લા 24 કલાકમાં દ્વારકા તાલુકામાં સાડા નવ ઈંચ વરસાદ

છેલ્લા 24 કલાકમાં પોરબંદર તાલુકામાં સાડા છ ઈંચ વરસાદ

છેલ્લા 24 કલાકમાં કેશોદ તાલુકામાં સવા છ ઈંચ વરસાદ

છેલ્લા 24 કલાકમાં ખંભાળીયામાં સવા પાંચ ઈંચ વરસાદ

છેલ્લા 24 કલાકમાં માણાવદર, માંગરોળમાં પાંચ પાંચ ઈંચ વરસાદ

છેલ્લા 24 કલાકમાં અબડાસામાં પાંચ ઈંચ વરસાદ

છેલ્લા 24 કલાકમાં જામકંડોરણામાં પોણા પાંચ ઈંચ વરસાદ

છેલ્લા 24 કલાકમાં ધ્રોલમાં પોણા પાંચ ઈંચ વરસાદ

છેલ્લા 24 કલાકમાં જામજોધપુરમાં સાડા ચાર ઈંચ વરસાદ

છેલ્લા 24 કલાકમાં કલ્યાણપુરમાં સવા ચાર ઈંચ વરસાદ