શોધખોળ કરો

Heart Attack Death : અમરેલીમાં શાળામાં વિદ્યાર્થિનીનું મોત,પેપર લખતાં અચાનક ઢળી પડી

રાજ્ય દરરોજ સરેરાશ એકથી ત્રણ હાર્ટ અટેકના કિસ્સા બની રહ્યાં છે. અમરેલીમાં એક વિદ્યાર્થિનીનું હાર્ટ અટેકથી મોત થયાનું પ્રાથમિક તારણ છે. વિદ્યાર્થિની શાળામાં પેપર લખતાં અચાનક ઢળી પડી હતી

By : એબીપી અસ્મિતા વેબ ટીમ | Updated at : 03 Nov 2023 05:51 PM (IST)

A student died of a heart attack while writing a paper in a school in Amreli Heart Attack Death : અમરેલીમાં શાળામાં વિદ્યાર્થિનીનું મોત,પેપર લખતાં અચાનક ઢળી પડી

વિદ્યાર્થિનીનું હાર્ટઅટેકથી મોત

Aamreli News: રાજયમાં વધી રહેલા હાર્ટ અટેક અને તેનાથી થતાં મોતના કિસ્સા ચિંતા વધારી છે. નાની વયે હાર્ટ અટેકના કેસ ચિંતાજનક રીતે વધી રહ્યા છે. કોરોના બાદ નાની વયે આવતા હાર્ટ અટેક અને તેનાથી થતાં મોતની સિલસિલો થંભવાનું નામ લેતો નથી. રાજ્ય દરરોજ સરેરાશ એકથી ત્રણ હાર્ટ અટેકના કિસ્સા બની રહ્યાં છે. અમરેલીમાં એક વિદ્યાર્થિનીનું હાર્ટ અટેકથી મોત થયાનું પ્રાથમિક તારણ છે. વિદ્યાર્થિની શાળામાં પેપર લખતાં અચાનક ઢળી પડી હતી.

અમરેલીમાં શાંતાબા ગજેરા વિદ્યા સંકુલની વિધાર્થીનીનું મોત થયું છે. સાક્ષી નામની વિદ્યાર્થિની શાળામાં પરીક્ષા આપી રહી હતી. પેપર લખતા- લખતા તે અચાનક જ ઢળી પડી હતી. તાબડતોબ વિદ્યાર્થિનીને હોસ્પિટલ પહોંચાડવામાં આવી હતી. જો કે દુર્ભાગ્યવશ તબીબે તેને મૃત જાહેર કરી, વિદ્યાર્થિનીની જિંદગી ન બચાવી શકાય. સાક્ષી નવમાં ધોરણમાં અભ્યાસ કરતી હતી. ખાનગી હોસ્પિટલમાં પ્રાથમિક સારવાર માટે તેમને લઇ જવાય હતી જો કે સારવાર દરમિયાન તેમનું મોત થયું હતું. સાક્ષી મૂળ જસદણ તાલુકાના વિછીયા ગામની રહેવાસી હતી. પ્રાથમિક તારણમાં મોતનું કારણ હાર્ટ અટેક માનવામાં આવી રહ્યું છે. જો કે મોતનું સ્પષ્ટ કારણ પોસ્ટમોર્ટમ બાદ સામે આવશે. છેલ્લા 24 કલાકમાં રાજ્યમાં હાર્ટ અટેકથી 5 લોકોએ જિંદગી ગુમાવી છે. સુરતમાં ત્રણ તો ભાવનગર અને વડોદરામા એક –એકનું મોત થયું છે.

છેલ્લા થોડા સમયમાં હાર્ટ એટેકથી થયેલા મોત

તારીખઃ 15 ઓક્ટોબર 2023

સ્થળઃ ઈચ્છાપોર, સુરત

માતાજીની મૂર્તિ લઈને પરત

ફરતા સમયે હાર્ટ એટેકથી મોત

તારીખઃ 14 ઓક્ટોબર 2023

સ્થળઃ પાદરા

યુવક ઓચિંતા ઢળી પડ્યો

તારીખઃ 14 ઓક્ટોબર 2023

સ્થળઃ ગોધરા

શહેરાની કોલેજમાં કલાર્ક તરીકે ફરજ

બજાવતા યુવકનું હૃદયરોગના હુમલાથી મોત